Damina 2:8 - ALA KA KUMA

⁸ Masa Ala tun ye yɔrɔɲuman dɔ labɛn kɔrɔn ɲafan fɛ, k'a tɔgɔ la ko Edɛn. A ye mɔgɔ min dan, a y'o bila o kɔnɔ.

Jula NT of Côte d’Ivoire

⁸ O kɔ, Masa Ala ka yirituɲuman dɔ kɛ Edɛni jamana ra, terebɔyanfan na, ka mɔgɔ bla o kɔnɔ.

Damina 2:8 Iomraidhean Croise

Damina 13:10

Lɔti y'a ɲaa kɔrɔta ka Zurudɛn baji kɛnɛ bɛɛ filɛ. A y'a ye ko jii caaman be o yɔrɔ bɛɛ la. A tun be i n'a fɔ Masaba ka yɔrɔɲuman min tun ye Edɛn ye. A tun be i n'a fɔ Ezipiti jamana ka taga Sowari dugu faan fɛ. O y'a sɔrɔ Masaba tun ma Sodɔmu ni Gɔmɔri dugu halaki fɔlɔ.

Damina 3:23

O le y'a to Masa Ala y'a gwɛn ka bɔ Edɛn, yɔrɔɲuman na, ko a ka taga dugukolo sɛnɛ, a bɔra min kɔnɔ.

Damina 3:24

A ye cɛɛ gwɛn ka bɔ yen tuma min na, a ye mɛlɛkɛ bisigi dɔw sigi yɔrɔɲuman nin kɔrɔn ɲafan fɛ, minw tɔgɔ ko *serubɛnw, ka murujan manamananin fariman di u ma janko ka yiri nin sira kɔlɔsi, min be sii di mɔgɔ ma.

Damina 4:16

O kɔ, Kayɛn bɔra Masaba ɲakɔrɔ ka taga sigi Nɔdi jamana na Edɛn kɔrɔn ɲafan na.

Mas 2nan 19:12

Ne faaw ye siya minw halaki, olu ka batofɛnw sera k'u kisi wa? Gozankaw ni Arankaw, ani Ɛrɛsɛfukaw ni edɛniw minw tun be Telasari.

Ezayi 51:3

*Siyɔn makari ye Masaba minɛ, a tomow bɛɛ hinɛ donn'a la. A bena yɔrɔlakolon nin yɛlɛma k'a kɛ i ko Edɛn, yɔrɔɲuman. A bena yɔrɔ janin nin yɛlɛma k'a kɛ i ko ale Masaba ka yɔrɔ. Nisɔndiya bena sɔrɔ yen kosɔbɛ. Dɔnkiliw ni fɔliminanw mankan bena bɔ yen.

Ezekiyɛli 27:23

Aran ni Kane ani Edɛn duguw, ani Saba ni Asiri ni Kilimadi jagokɛlaw tun be jago kɛ n'i ye.

Ezekiyɛli 28:13

I tun be Edɛn, ne ka yɔrɔɲuman na. Kabakuru sɔngɔgwɛlɛn sifa bɛɛ tun kɛra i ka masirifɛnw ye: kabakuru wuleman, ni nɛrɛmuguman, ni diyaman, ni kabakuru binkɛnɛmanw, ni kɔlɔbolaman, ni kabakuru bulamanw. Sanu min tun kɛra ka dundunw ni filenw lalaga, o dilanna i danlon na.

Ezekiyɛli 31:16

Ne y'a kɛ a benna loon min na, ka fara lahara mɔgɔw kan, siyaw yɛrɛyɛrɛla siranya bolo a benkan kosɔn. O tuma na, Ala ka yɔrɔɲuman yiriw bɛɛ, ni Liban yiri ɲumaman, yiri minw bɛɛ tun be jii caaman sɔrɔ ka kɔrɔ, olu nisɔn diyara dugukolo jukɔrɔla la.

Ezekiyɛli 31:18

Ala ka yɔrɔɲuman yiri si te se ka suma n'i ye nɔɔrɔ ni boɲa na. O bɛɛ n'a ta, ele ni olu bena don dugukolo jukɔrɔ. Mɔgɔ minw fagara ni murujan ye, i bena la olu ni kɛnɛkɛnɛbaliw cɛma. O koo nin le bena Ezipiti masacɛ n'a ka jama bɛɛ sɔrɔ. Ne Matigi, Masaba le ko ten.»

Yowɛli 2:3

U ɲafɛ, tasuma le be cɛnni kɛra, u kɔfɛ, tasuma le be manana. Jamana b'u ɲafɛ i ko Edɛn yɔrɔɲuman, u tɛmɛnin kɔ, yɔrɔ kɛra lakolon ye, foyi ma to u kɔ.