Damina 2:3 - ALA KA KUMA

³ Ala ye barika don tile wolonwulanan loon na k'o kɛ a yɛrɛ ta ye, bari a ye baara min bɛɛ kɛ ka diɲɛ dan, a lafiɲɛna o la o loon na.

Jula NT of Côte d’Ivoire

³ Ala ka baraka don tere wolonflanan na, k’a kɛ lon saninman ye; sabu o lon le ra, a nɛnɛkirira a ta baara bɛɛ ra.

Damina 2:3 Iomraidhean Croise

Damina 1:31

Ala ye fɛɛn minw bɛɛ dan, a y'a ye k'o ɲɛna kosɔbɛ. Suu kora, dugu gwɛra. O kɛra loon wɔɔrɔnan ye.

Damina 2:2

Ala tilar'a ka baara la, ka lafiɲɛ tile wolonwulanan loon.

Damina 2:4

O ye sankolo ni dugukolo daminɛcogo ye, u dantuma na. Masa Ala ye dugukolo ni sankolo dan tuma min na,

Nehemi 9:14

E y'i ka lafiɲɛlon saniyanin koo fɔ u ye, ka tana ni landaw ni sariya d'u ma i ka baarakɛla Musa sababu la.

Bɔri 23:12

«Aw ka baara kɛ tile wɔɔrɔ kɔnɔ, nga tile wolonwulanan na, aw ka lafiɲɛ janko aw ka misi, n'aw ka fali, n'aw ka jɔɔn, n'aw ka lonan ka se ka lafiɲɛ fana.

Bɔri 34:21

«Aw ka baara kɛ tile wɔɔrɔ kɔnɔ, nga tile wolonwulanan na, aw ka lafiɲɛ, hali dannikɛtuma ni sumantigɛtuma na.

Zanaw 10:22

Masaba ka dɛmɛ be mɔgɔ kɛ fɛntigi ye. Yɛrɛsigɛn te foyi fara sɔrɔta kan.

Ezekiyɛli 20:12

Ne ye n ka lafiɲɛlon latigɛ fana ka kɛ taamasiɲɛ ye ne ni u cɛ janko u k'a lɔn ko ne Masaba le b'u saniya.

Sarakalasebagaw 23:3

«Aw be se ka baara kɛ tile wɔɔrɔ kɔnɔ, nga tile wolonwulanan loon ye lafiɲɛlon ye, aw ka ɲɔgɔn lajɛn ka ne bato. Aw kana baara si kɛ o loon na aw ka sigiyɔrɔw bɛɛ la, aw k'o loon labila ne Masaba ye.

Marika 2:27

O kɔ, Yezu y'a fɔ u ye ko: «Ala ye lafiɲɛlon sigi mɔgɔ nafa kosɔn, a ma mɔgɔ dan lafiɲɛlon kosɔn.

Luka 23:56

O kɔ, u segira ka taga dugu kɔnɔ. U ye wusulan ni tulu kasadiman labɛn. U ye lafiɲɛlon bato i ko a fɔra cogo min na Ala ka sariya la.