Damina 2:2 - ALA KA KUMA

² Ala tilar'a ka baara la, ka lafiɲɛ tile wolonwulanan loon.

Jula NT of Côte d’Ivoire

² Ala k’a ta baara kɛ ka ban tere wɔɔrɔ kɔnɔ; a tere wolonflanan, a nɛnɛkirira a ta baara bɛɛ ra.

Damina 2:2 Iomraidhean Croise

Damina 1:31

Ala ye fɛɛn minw bɛɛ dan, a y'a ye k'o ɲɛna kosɔbɛ. Suu kora, dugu gwɛra. O kɛra loon wɔɔrɔnan ye.

Damina 2:3

Ala ye barika don tile wolonwulanan loon na k'o kɛ a yɛrɛ ta ye, bari a ye baara min bɛɛ kɛ ka diɲɛ dan, a lafiɲɛna o la o loon na.

Bɔri 23:12

«Aw ka baara kɛ tile wɔɔrɔ kɔnɔ, nga tile wolonwulanan na, aw ka lafiɲɛ janko aw ka misi, n'aw ka fali, n'aw ka jɔɔn, n'aw ka lonan ka se ka lafiɲɛ fana.

Bɔri 31:15

Aw ka baara kɛ tile wɔɔrɔ kɔnɔ, nga tile wolonwulanan ye lafiɲɛlon ye, min bilara ne Masaba ye. Ni mɔgɔ o mɔgɔ be baara kɛ lafiɲɛlon na, o bena faga.

Bɔri 31:17

O bena kɛ taamasiɲɛ ye ne ni u cɛ kudayi. Bari ne Masaba ye sankolo ni dugukolo dan tile wɔɔrɔ kɔnɔ. Tile wolonwulanan loon, ne ma baara kɛ, n lafiɲɛna.»

Ezayi 58:13

Masaba ko: «N'aw ye baara dabila lafiɲɛlon na, k'aw yɛrɛ sago li dabila ne ka loon senuman na, n'aw ye lafiɲɛlon jati nisɔndiyalon ye, n'aw ye ne ka loon jati lonɲuman ye, n'aw y'aw ka kɛwaliw, n'aw yɛrɛ sago, ani kuma caaman dabila o loon na k'a bato,

Yuhana 5:17

Nga Yezu y'a fɔ u ye ko: «N Faa be baara la halibi, o la, ne fana b'a kɛ.»

Sariya 5:14

Nga tile wolonwulanan loon, o ye lafiɲɛlon ye min tonin be ne Masaba aw ka Ala ye. Aw tena baara foyi kɛ o loon na, aw n'aw dencɛw, n'aw denmusow, n'aw ka baaraden cɛmanw, walima musomanw, n'aw ka tura, n'aw ka fali, n'aw ka begɛnw bɛɛ, walima lonan min b'aw fɛ, janko aw ka baaradenw ka se ka lafiɲɛ i n'a fɔ aw fana.

Heburuw 4:10

Bari, min donna Ala ka lafiɲɛyɔrɔ la, o fana be lafiɲɛna a ka baara la i n'a fɔ Ala, lafiɲɛlon na.

Heburuw 4:4

A fɔra lɔgɔkun laban loon koo la Ala ka kuma na ko: «Ala tilara a ka baara bɛɛ la, ka lafiɲɛ a tile wolonwulanan loon.»