Damina 12:2 - ALA KA KUMA

² Ne bena i kɛ siya dɔ faa ye, min bena caya, ne bena hɛrɛ kɛ i ye, k'i tɔgɔ boɲa. Mɔgɔw bena hɛrɛ sɔrɔ i barika la.

Jula NT of Côte d’Ivoire

² Ne bɛna i kɛ siya caman fa ye, ka baraka don i ra; ne bɛna i tɔgɔ bonya, k’a to mɔgɔw ye baraka sɔrɔ i sababu ra.

Damina 12:2 Iomraidhean Croise

Damina 13:16

Ne bena i kɔmɔgɔ caya i n'a fɔ cɛncɛn fɔɔ u te se ka jati, i n'a fɔ cɛncɛn te se ka jati cogo min na.

Damina 15:5

A bɔra ni Abramu ye kɛnɛma k'a fɔ a ye ko: «Sankolo filɛ, lolow jati, i be se k'u jati wa? I kɔmɔgɔw bena caya ten.»

Damina 17:20

Ne y'i ka daalili mɛn Isimayɛli faan fɛ. Ne kɔni ben'ale ta ɲa, k'a sɔn deenw na k'a kɔmɔgɔw caya kosɔbɛ. A bena kɛ kuntigi tan ni fila facɛ ye, ne ben'a kɛ siya faa ye, min bena caya.

Damina 18:18

Ibrayima bena kɛ siya barikaman faa ye, min bena caya, dugukolo kan siyaw bɛɛ bena hɛrɛ sɔrɔ ale barika la.

Damina 18:19

Ne y'a woloma janko a k'a deenw ladi ani olu kɔmɔgɔw, ko u ka ne, Masaba ka sira taama ni tilenninya ani tiɲɛ ye janko ne ye layidu min ta a ye, ne ka o dafa.»

Damina 19:29

Ala ye kɔkɛnɛ dugu nunu halaki tuma min na, a y'a hakili to Ibrayima la, ka Lɔti kisi dugu nunu halakituma na, Lɔti tun siginin be yɔrɔ min na.

Damina 24:1

Ibrayima tun kɔrɔla kosɔbɛ. Masaba tun y'a dɛmɛ koo bɛɛ la.

Damina 24:35

Masaba ye ne kuntigi ta ɲa kosɔbɛ, a kɛra nafolotigi ye. Masaba ye misiw ni begɛnmisɛnw d'a ma, ani warigwɛ ni sanu, ani jɔncɛw ni jɔnmusow, ani ɲɔgɔmɛw ni faliw.

Damina 25:11

Ibrayima sanin kɔ, Ala ye barika don a dencɛ Isiyaka la, a tun siginin be Laayiroyi kɔlɔn gɛrɛfɛ.

Damina 26:3

Sigi jamana nin kɔnɔ yan, ne bena to i fɛ ka i dɛmɛ. Ne bena mara nunu bɛɛ d'i n'i kɔmɔgɔw ma. Ne ye layidugwɛlɛn ta i faa Ibrayima ye koo min na, ne bena o kɛ.

Damina 26:4

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la

Damina 27:29

Siya wɛrɛw ka baara kɛ i ye, u k'u kunbiri gwan i kɔrɔ. I ka kɛ i balimaw kuntigi ye, i badenw k'u kunbiri gwan i kɔrɔ. Minw mana i danga, olu danganin lo, minw mana duba kɛ i ye, olu ta ka ɲa.»

Damina 28:14

I kɔmɔgɔw bena caya i n'a fɔ cɛncɛn, u bena jɛnsɛn ka taga kɔrɔn ni tileben fɛ, ani kɔgɔdugu ni worodugu ɲafan fɛ. Dugukolo kan siyaw bɛɛ bena hɛrɛ sɔrɔ e, n'i kɔmɔgɔw barika la.

Damina 35:11

Ala y'a fɔ a ye ko: «Ne ye Setigi Ala ye. Ne bena deen caaman d'i ma, k'i kɔmɔgɔw caya. I bena kɛ siya faa ye, i yɛrɛ bena kɛ siya caaman faa ye. Masacɛw bena bɔ i kɔmɔgɔw la.

Damina 46:3

Ala ko: «Ne ye Ala ye, i faa ka Ala. I kana siran ka taga Ezipiti jamana na, bari n bena i kɛ siya dɔ faa ye, min bena caya o yɔrɔ la.

Sam 2nan 7:9

Ko ne tor'a fɛ a ka taayɔrɔw bɛɛ la, ne y'a juguw bɛɛ halaki ka bɔ a ɲafɛ. Ko ne ben'a kɛ a tɔgɔ be bɔ i n'a fɔ diɲɛ kɔnɔ mɔgɔbabaw ta.

Mas fɔlɔ 1:47

Masacɛ ka dakɔrɔsigiw tagara duba kɛ masacɛ Dawuda, an matigi ye. U y'a fɔ ko: ‹I ka Ala k'a kɛ Solomani tɔgɔ ka bɔ ka tɛmɛ i ta kan, ani a k'a kɛ a ka masaya ka barika sɔrɔ ka tɛmɛ i ta kan.› Ka masacɛ to a ka dilan kan, a y'a kuun biri

Ayuba 35:8

E ka juguya kɔni b'i mɔgɔɲɔgɔn dama le sɛgɛn, e ka tilenninya fana be adamaden dɔrɔn le dɛmɛ.

Zaburu 107:38

Masaba y'u ta ɲa, u cayara kosɔbɛ. Foyi te bɔ u ka begɛn na fana.

Bɔri 1:7

Isirayɛlidenw nana caya, ka caya, u tora ka buguya ani ka fanga sɔrɔ. U ye jamana fa.

Bɔri 32:10

A to, ne bena dimi u kɔrɔ, k'u halaki. O kɔ, ne bena i kɛ siyaba faa ye.»

Ezayi 51:2

Aw k'aw faa Ibrayima n'aw baa Sara filɛ. Ne ye Ibrayima wele tuma min na, deen tun t'a fɛ. Ne ye barika don a la, a ye deen caaman sɔrɔ.»

Ezekiyɛli 34:26

Ne bena hɛrɛ kɛ u ye ka ne ka kulu gɛrɛfɛla kɛ hɛrɛyɔrɔ ye. Ne bena sanji di a diwaati la, o bena kɛ hɛrɛsanji ye.

Mise 7:20

I bena i ka kantigiya yira Yakuba kɔmɔgɔw la, i bena i ka ɲumanya kɛ Ibrayima kɔmɔgɔw ye, i ko e tun y'i daa di an faaw ma cogo min na kabini fɔlɔfɔlɔ.

Jakariya 8:13

Ayiwa, aw kɛra siya tɔw cɛma mɔgɔdanganinw ye cogo min na, aw, Zuda ni Isirayɛli mara mɔgɔw, o cogo kelen na, ne bena aw kisi, aw bena kɛ dubadenw ye. Aw kana siran, aw y'aw jaa gwɛlɛya.»

Jateri 14:12

Ne bena fɔɲɔbana bila u la k'u halaki, nga ne bena siya dɔ wɛrɛ bɔ i la min ka ca n'u ye, n'a barika ka bon n'u ta ye.»

Jateri 22:12

Ala y'a fɔ Balamu ye ko: «Kana taga n'u ye. Kana siya nin danga, bari dubadenw lo.»

Jateri 23:20

A fɔra ne ye ko ne ka duba le kɛ. Ala y'u ta ɲa, ne te se k'o bali.

Rɔmukaw 4:11

O kɔ, kɛnɛkɛnɛko nana d'a ma ka kɛ taamasiɲɛ ye, k'a yira ko a lara Ala la minkɛ, Ala y'a jati mɔgɔtilennin ye o kosɔn k'a to a ka kɛnɛkɛnɛbaliya la. O cogo la fana, kɛnɛkɛnɛbali minw bɛɛ lara Ala la ni olu fana jatira mɔgɔtilenninw ye Ala fɛ, Ibrayima kɛra u bɛɛ faa ye.

Galasikaw 3:14

A kɛra ten, Ala tun ye hɛrɛ min koo fɔ Ibrayima ye, o ka se ka kɛ siya wɛrɛw ye Yezu Krista barika la, ani Ala tun y'a daa di Nii Senuman min koo la, an k'o sɔrɔ jigi barika la.

Galasikaw 3:7

Aw k'a lɔn ko mɔgɔ minw lara Yezu la, olu le ye Ibrayima deenw ye.

Sariya 26:5

«O kɔ, aw ben'a fɔ Masaba aw ka Ala ɲakɔrɔ ko: ‹Ne bɛmacɛ tun ye Aramuka ye, a tun be yaala. A tagara Ezipiti ni mɔgɔ damani ye, ka sigi yen. U kɛra siyaba barikaman ye, u tun ka ca.