Kɔlɔsikaw 3:3 - ALA KA KUMA

³ bari a kɛra i n'a fɔ aw sara diɲɛ faan fɛ, aw nii be ni Krista ye Ala fɛ.

Jula NT of Côte d’Ivoire

³ sabu aw sara, aw ta ɲanamanya dogonin lo ni Kirisita ye Ala fɛ.

LAYIDUKURA

³ bari a kɛra i n'a fɔ aw sara dinyɛ faan fɛ, aw nii bɛ ni Krista ye Ala fɛ.

Kɔlɔsikaw 3:3 Iomraidhean Croise

Matiyu 11:25

O waati la, Yezu y'a fɔ ko: «Ne be barika la i ye n Faa, sankolo ni dugukolo masa, bari i ye koo minw dogo lɔnnikɛlaw ni hakilitigiw la, i ye olu yira denmisɛnw na.

Yuhana 14:19

Yanni waati dɔɔni diɲɛ mɔgɔw tena ne ye tugu, nga aw bena ne ye. Ne be nii na min kɛ, o la, aw fana bena to nii na.

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Yuhana 4:14

Nga jii min be ne fɛ, ni ne y'o di mɔgɔ min ma k'a min, minnɔgɔ tena o tigi minɛ tugu fewu. Ne bena jii min d'o tigi ma, o bena kɛ jii woyota ye min bena woyo a kɔnɔ tuma bɛɛ, min be nii banbali di.»

Yuhana 5:21

N Faa be suuw kunun ka nii di u ma cogo min na, o cogo kelen na, a Deen fana be nii di a diyanamɔgɔw ma.

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Yuhana 5:40

Aw do t'a fɛ ka la ne la waasa ka nii sɔrɔ.

Rɔmukaw 5:10

Bari an tun ye Ala juguw ye tuma min na, Ala sɔnna anw ka bɛn n'ale ye a Dencɛ ka saya barika la. An bɛnnin kɔ n'a ye, siga t'a la, an bena kisi a Deen barika la bari a be nii na.

Rɔmukaw 5:21

Hakɛ tun ye fanga sɔrɔ mɔgɔw kan saya barika la cogo min na, o cogo la fana, tilenninya barika la, Ala ka nɛɛma be fanga sɔrɔ ka nii banbali di mɔgɔw ma an Matigi Yezu Krista barika la.

Rɔmukaw 6:11

O cogo la, aw fana k'aw yɛrɛ jati i n'a fɔ suu, hakɛ ta faan fɛ, ka kɛ mɔgɔ ɲanaman ye Ala ta faan fɛ Yezu Krista barika la.

Rɔmukaw 6:2

Ayi dɛ! An minw kɛra i n'a fɔ suu, hakɛ ta faan fɛ, an be se ka to hakɛ la cogo di?

Rɔmukaw 8:2

Bari Nii Senuman min be hɛrɛ di Yezu Krista ka jɛnɲɔgɔnya barika la, ale ka see kɛra sababu ye ka ne hɔrɔnya ka bɔ hakɛko ni saya la.

Kor fɔlɔ 15:45

A fɔra Ala ka kuma na ko Adama min kɛra mɔgɔ fɔlɔ ye, ale kɛra nimanfɛn ye, Adama laban fani be Nii Senuman na min be nii di.

Kor fɔlɔ 2:14

Ka adamaden to a kelen, a te se ka sɔn Ala ka Nii ta ma, o ye fatɔyako ye a ɲana, a te se k'o faamu, bari mɔgɔ be se k'o danfara bɔ Ala ka Nii barika le la.

Kor 2nan 5:14

Bari Krista ka kanuya sera an kɔrɔ, an minw lar'a la ko ale kelen le sara bɛɛ kosɔn, o kɔrɔ ko bɛɛ fana sara.

Kor 2nan 5:7

An be sɔn o koo bɛɛ la lanaya le barika la, nga an ɲaa ma la o kan.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 3:9

Ala min ye fɛɛn bɛɛ dan, ale ye koo min dogo kabini waatijan, ne k'o koo kɛcogo fɔ ka gwɛ.

Filipikaw 4:7

O la, Ala ka hɛrɛ min tɛmɛna mɔgɔw ka faamuyali ma, o le bena aw tanga hamikojugu ma, Yezu Krista barika la.

Kɔlɔsikaw 1:5

Aw jigi lanin be fɛɛn min kan arijana na, aw ye o jigi nin sɔrɔ kibaru diman barika la, min ye tiɲɛkuma ye, aw kɔnna k'o le mɛn.

Kɔlɔsikaw 2:20

N'aw sara ni Krista ye ɲɔgɔn fɛ ka faran diɲɛ setigiw ka koow la, olu minw be diɲɛ kunna, mun na aw be sɔn k'u ka landaw bato tugu i n'a fɔ aw ye diɲɛ ta ye?

Kɔlɔsikaw 2:3

Mɔgɔ be se ka koo min bɛɛ lɔn Ala faan fɛ, Krista ye o le yira.

Kɔlɔsikaw 3:4

Krista min kɛra aw ka nii ye, n'ale y'a yɛrɛ yira tuma min na, aw fana bena ye o tuma na ni nɔɔrɔ ye.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Piy fɔlɔ 3:4

Nga, aw ka kɛ sɔnɲumantigiw ye, hakili siginin, minw ka koo ka nɔgɔ. O le ka di Ala ye haali.

Piy fɔlɔ 4:2

O la, k'a to diɲɛ na, a bena Ala sago dama kɛ, a tena to nigɛjuguw la.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Yirari 2:17

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min muɲuna ka see sɔrɔ, ne bena *maanɛ dogonin dɔ di o tigi ma, ka kabakuru gwɛman dɔ d'a ma fana, tɔgɔ dɔ b'o kan, mɔgɔ si te o tɔgɔkura min lɔn n'o kabakuru sɔrɔbaga tɛ.