Kɔlɔsikaw 2:4 - ALA KA KUMA

⁴ Ne ye kuma nin fɔ aw ye janko mɔgɔ si kana aw lafili ni manamanakuma ye.

Jula NT of Côte d’Ivoire

⁴ Ne bɛ o fɔra aw ye, janko mɔgɔ si kana aw lafiri ni kumakan diman wɛrɛ ye.

LAYIDUKURA

⁴ Ne ye kuma nin fɔ aw ye janko mɔgɔ si kana aw lafili ni manamanakuma ye.

Kɔlɔsikaw 2:4 Iomraidhean Croise

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 24:4

Yezu y'u jaabi ko: «Aw k'aw yɛrɛ kɔlɔsi janko mɔgɔ si kana aw fili.

Marika 13:22

Mɔgɔ dɔw bena galon tigɛ k'olu ye Ala ka Mɔgɔ wolomanin nin ye. Dɔw fana bena galon tigɛ k'olu ye kiraw ye. U bena kabakow kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Kɛwalew 20:30

Dɔw fana bena wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Kor fɔlɔ 2:4

Ne ka kuma ni ne ka waajuli tun te lɔnnikɛla ka kuma ye, nga Ala ka Nii Senuman le y'a ka sebagaya yira,

Kor 2nan 11:3

Nga ne be siran ko aw hakili kana ɲagami, k'aw yɔrɔ jaɲa Krista ka kɔnɔgwɛ la, i n'a fɔ saa ye Awa namara n'a ka cekuya ye cogo min na.

Galasikaw 2:4

Nga an balimakolon dɔw le tun b'a fɛ a ka kɛnɛkɛnɛ, olu minw farala an kan namara kosɔn. An ye hɔrɔnyali min sɔrɔ Yezu Krista fɛ, u tun b'a fɛ k'o cogo lɔn, k'an bɔ o la k'an don jɔnya la.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Ɛfɛsikaw 5:6

Aw kana sɔn mɔgɔ si k'aw ɲagami n'a ka kuma fufafu ye, bari o ɲɔgɔn le b'a to Ala be dimi a ka kuma batobaliw fɛ.

Kɔlɔsikaw 2:18

Mɔgɔ minw b'a kɛ i n'a fɔ u majiginin lo ani minw be to ka mɛlɛkɛw bato, aw kan'a to u si k'aw ɲagami. U jijanin lo u ka fɛɛn yetaw fɔko la. U b'u yɛrɛ boɲa ni adamaden ka miiriya dama ye.

Kɔlɔsikaw 2:8

Aw k'aw yɛrɛ kɔlɔsi mɔgɔ si kana aw kunna cɛn n'a ka lɔnniyafu ye u be min sɔrɔ adamaden ka landa la, ani diɲɛ setigiw ta, o lɔnniya nin te Krista ta ye.

Tim 2nan 2:16

I yɛrɛ kɔlɔsi kuma caaman ma, o ma ɲi. Bari mɔgɔ minw b'o kɛ, o tigiw be don tilenbaliya la.

Tim 2nan 3:13

Mɔgɔ minw ka jugu ani namaramɔgɔw, olu bena juguya ka taga ɲa. U bena mɔgɔ tɔw kɛ u be fili ani k'u yɛrɛ fili fana.

Zan fɔlɔ 2:18

Ne deenw, diɲɛ labantuma surunyana. Aw y'a mɛn ko Krista jugu ka kan ka na. K'a sɔrɔ a juguw yɛrɛ ka ca bii nin na. An b'a lɔn o le fɛ ko diɲɛ labantuma surunyana.

Zan fɔlɔ 2:26

Mɔgɔ minw b'a fɛ k'aw lafili, ne be sɛbɛ nin cira aw ma olu ka koo la.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Zan 2nan 1:7

Bari galontigɛla caaman be diɲɛ na sisan. U b'a fɔ ko Yezu Krista tun te mɔgɔ yɛrɛ yɛrɛ ye. Min be ban ten, o le ye galontigɛla ni Krista jugu ye.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:8

U tun ye Sagaden min faga kabini diɲɛ dantuma, mɔgɔ minw tɔgɔ te nii banbali sɛbɛ kɔnɔ, olu bɛɛ bena sogo nin bato.

Yirari 20:3

Mɛlɛkɛ y'a ta k'a fili Dingɛjugu nin kɔnɔ k'a datugu, k'a sɔgɔ waasa a kana se ka bɔ ka mɔgɔ si lafili ni saan waa kelen nin ma tɛmɛ. N'o tɛmɛna, a bena bɔ ka waati dɔɔni kɛ.

Yirari 20:8

ka taga adamadenw lafili dugukolo faan bɛɛ, o ye Gɔgi ni Magɔgi ye. A ben'a ka kɛlɛdenw lajɛn. U ka ca i n'a fɔ kɔgɔji daa la cɛncɛn.