Tim fɔlɔ 6:2 - ALA KA KUMA

² Jɔɔn minw kuntigiw lara Yezu la, olu kana ban k'u boɲa bari u balimaw lo, nga u ka baara kɛ u ye kosɔbɛ, bari mɔgɔ minw b'u ka baara nunu tɔnɔ sɔrɔ, olu kɛra Yezu kɔmɔgɔw ye aw yɛrɛ be minw kanu. E ka mɔgɔw kalan ni o koo nin ye ani ka u ladi.

Jula NT of Côte d’Ivoire

² Minw fana matigicɛw ye lanabagaw ye, olugu kana o matigicɛw dɔgɔya, ko sabu o balemaw lo. O ka kan ka baara kɛ o ye ka ɲa, sabu o ta baara nafa bɛ o mɔgɔ minw kan, olugu ye o balema kanuninw le ye. I ka kan ka mɔgɔw karan nin le ra k’a fɔ o ye k’a gbɛlɛya.

LAYIDUKURA

² Jɔɔn minw ka kuntigiw jigi bɛ Krista kan, olu kana ban k'u bonya, ko bari u balimaw lo, nga u ka baara kɛ u ye kosɛbɛ, bari mɔgɔ minw b'u ka baara nunu tɔnɔ sɔrɔ, olu kɛra Krista kɔmɔgɔw ye aw yɛrɛ bɛ minw kanu. E ka mɔgɔw kalan ni o koo ye ani ka u ladi.

Tim fɔlɔ 6:2 Iomraidhean Croise

Jateri 16:3

U ye ɲɔgɔn lajɛn ka na Musa ni Arɔn fɛ janko k'u kɛlɛ. U ko: «Aw ta tɛmɛn'a daan kan! Jama bɛɛ lajɛnnin ye Masaba ta ye, Masaba be olu fana fɛ. Mun na aw b'aw yɛrɛ fisaya ni Masaba ka jama ye?»

Matiyu 23:8

Nga aw kɔni, aw kana sɔn u b'aw wele karamɔgɔ, bari aw bɛɛ ye balimaw ye, aw bɛɛ ka karamɔgɔ ye kelen ye.

Matiyu 25:40

A bena u jaabi ko: ‹Tiɲɛ na, ne b'a fɔ aw ye, ko aw y'o koo nunu kɛ ne balima o balima ye, aw y'o kɛ ne le ye.›

Matiyu 6:24

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. O cogo la fana, aw te se ka nafolo kanu, ka baara kɛ Ala ye.

Kɛwalew 1:15

O loonw na, kalanden mɔgɔ kɛmɛ ni mugan ɲɔgɔn lajɛnnin tun be yen. Piyɛri wilila ka lɔ u cɛma k'a fɔ ko:

Rɔmukaw 11:17

Isirayɛlidenw be i n'a fɔ olivuyiri min tutunin bɛ foro kɔnɔ, aw siya wɛrɛw be i n'a fɔ waga kɔnɔ ta. U ye foro kɔnɔ ta bolo dɔw tigɛ, k'aw ta ka nɔrɔ o nɔɔ na janko aw ka nɛɛma sɔrɔ o juu fɛ.

Rɔmukaw 8:29

Ala kɔnna ka mɔgɔ minw woloma kabini fɔlɔfɔlɔ, a kɔnna k'a latigɛ fana k'olu cogo ka kɛ i n'a fɔ a Dencɛ ta, janko a Dencɛ nin ka kɛ mɔgɔ caaman kɔrɔ ye.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Ɛfɛsikaw 1:1

Ne Pɔli min kɛra Yezu Krista ka ciden ye ka kɛɲɛ ni Ala sago ye, ne be bataki nin ci Ala ka mɔgɔw ma, minw be Efɛzi dugu kɔnɔ. Aw minw kɛra mɔgɔsɔbɛw ye Yezu Krista ka jɛnɲɔgɔnya barika la,

Ɛfɛsikaw 1:15

O le y'a to, kabini ne y'a mɛn ko aw jigi lanin bɛ Matigi Yezu kan ani ko aw be Ala ka mɔgɔw bɛɛ kanu,

Ɛfɛsikaw 3:6

O kɔrɔ ko siya wɛrɛw ye Isirayɛlidenw ka niyɔrɔ ɲɔgɔn sɔrɔ Ala ka koo, ni dadili koo la, ani ka jɛn ka kɛ kelen ye, kibaru diman kosɔn Yezu Krista barika la.

Kɔlɔsikaw 1:2

an be bataki nin ci Krista ka jama ma Kɔlɔsi dugu kɔnɔ, aw minw kɛra balimasɔbɛw ye Krista barika la, an Faa Ala ka nɛɛma ni hɛrɛ kɛ aw ye.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw be Ala ka mɔgɔw kanu.

Kɔlɔsikaw 4:1

Kuntigiw, koo minw ka ɲi ani minw bɛnnin lo, aw fana k'o kɛ aw ka jɔɔnw ye, aw ka l'a la ko kuntigi dɔ be aw fana fɛ arijana na.

Tes 2nan 1:3

N balimaw, an ka kan ka barika la Ala ye tuma bɛɛ aw kosɔn la, o ka ɲi. Bari aw jigi lanin lo Matigi kan kosɔbɛ ani kanuya min be aw ni ɲɔgɔn cɛ, o be boɲana ka taga ɲa,

Tim fɔlɔ 4:11

I ka kan ka o le ɲini mɔgɔw fɛ, ani k'u kalan n'o ye.

Tim fɔlɔ 5:1

N'i be cɛkɔrɔba ladi tuma min na, i kana kuma gwɛlɛman fɔ a ye. Nga i k'a ladi i n'a fɔ i faa. I ka kanbelenw ladi i n'a fɔ i kɔrɔw, walima i dɔgɔw.

Tite 2:1

Ele kɔni, mɔgɔw ladi ka kɛɲɛ ni kalanɲuman ye.

Tite 2:15

I ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye ten. Kan'a to mɔgɔ si k'i dɔgɔya fana.

Tite 3:8

Nin kuma ye tiɲɛ ye. Ne b'a fɛ i ka to o kan k'a fɔ ka gwɛlɛya, waasa mɔgɔ minw lara Ala la, olu k'u yɛrɛ bila koɲuman kɛli la, o le ka ɲi ani nafa b'o la mɔgɔw fɛ.

Heburuw 3:1

O kosɔn, n badenw, Ala ye aw minw wele k'aw kɛ a taw ye, aw ka Yezu filɛ, min ye Ala ka ciden, ni sarakalasebagaw kuntigiba ye Ala ka sira la an be min koo fɔ.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamaɲɔgɔnw ye.

Piy fɔlɔ 5:1

Minw ye Krista ka jama ɲamɔgɔw ye aw cɛma, n kaan be olu le ma sisan. Ne fana ye ɲamɔgɔ dɔ ye, Krista ye tɔɔrɔ min sɔrɔ, ne y'o seere ye. A bena na ni nɔɔrɔ min ye, n bena dɔ sɔrɔ o la. Ne b'a ɲini aw fɛ ko

Piy 2nan 2:10

Minw be boliboli u ka nigɛlakow kɔ, n'u te Setigi Ala boɲa, u jaa ka gwɛlɛ, u daa ka bon. Ka arijana kɔnɔ fɛɛnw nɛni, o te foyi ye olu fɛ.

Zude 1:8

A kɛra ten fana, o mɔgɔ nunu b'o koow kɛ k'u yɛrɛ nɔgɔ ka ban Ala ta ma ka mɛlɛkɛw nɛni nɔɔrɔ be minw kan.