Tim fɔlɔ 6:13 - ALA KA KUMA

¹³ Ala min be nii don fɛɛn bɛɛ la ani Yezu Krista min lɔra Pɔnsi Pilati ɲakɔrɔ ka seereyaɲuman kɛ, n b'a fɔ i ye olu ɲana

Jula NT of Côte d’Ivoire

¹³ Ayiwa, Ala min bɛ danfɛnw bɛɛ ɲanamanya, ka ale kɛ an seere ye, ani Yesu Kirisita min kumana Ponse Pilati ɲa na, ka can fɔ a ye,

LAYIDUKURA

¹³ Ala min bɛ nii don fɛɛn bɛɛ la ani Yezu Krista min lɔra Pɔnsi Pilati nyakɔrɔ ka seereyanyuman kɛ, n b'a fɔ i ye olu nyana

Tim fɔlɔ 6:13 Iomraidhean Croise

Matiyu 27:11

Yezu lɔra masacɛ ka lasigiden ɲafɛ. Lasigiden y'a ɲininga ko: «I ye zuwifuw ka masacɛ ye wa?» Yezu y'a jaabi ko: «E ko ten.»

Matiyu 27:2

U ye Yezu siri ka taga di masacɛ ka lasigiden Pilati ma.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 19:11

Yezu y'a jaabi ko: «See min b'i fɛ k'a yira ne la, i m'o sɔrɔ i yɛrɛ ma, Ala le ye o see d'i ma, o la do, mɔgɔ min ye ne don i bolo, o tigi le ye hakɛba kɛ ka tɛmɛ e kan.»

Yuhana 5:21

N Faa be suuw kunun ka nii di u ma cogo min na, o cogo kelen na, a Deen fana be nii di a diyanamɔgɔw ma.

Yuhana 5:26

N Faa ye nii tigi ye, o la, a ye nii diko see di a Dencɛ fana ma.

Kɛwalew 17:25

«A m'a fɔ ko a mako be adamaden ka bololafɛn na k'a yɛrɛ mako ɲa n'a ye fana. Bari ale lo be nii, ani sii, ani fɛɛn tɔɔ bɛɛ di adamaden ma.

Kor 2nan 9:13

N'u y'aw ka dɛmɛ nin ye tuma min na, u ben'a lɔn ko aw ye mɔgɔ sifa min ye, o la, u bena Ala tanu aw kosɔn, bari aw sɔnna Krista ka kibaru diman ma ka mɛnni kɛ a fɛ, ani aw ka timinadiya kosɔn, aw sɔnna ka olu dɛmɛ ani tɔ nunu bɛɛ.

Galasikaw 3:26

Bari aw minw lara Yezu Krista la, aw bɛɛ ye Ala deenw ye jigi barika la.

Sariya 32:39

Aw k'a lɔn sisan ko ne kelen le ye Ala ye! Batofɛn wɛrɛ te yen ni ne tɛ. Ne le be nii don mɔgɔ la, ne le be nii minɛ. Ne le be mɔgɔ mandimi, ne le be mɔgɔ kɛnɛya. Mɔgɔ si te se ka mɔgɔ bɔsi ne bolo.

Tim fɔlɔ 1:12

Ne be barika la an Matigi Yezu Krista ye, ale min ye fanga di n ma. A ye ne jati mɔgɔsɔbɛ ye ka n don a ka baara la.

Tim fɔlɔ 1:15

Nin kuma ye tiɲɛ ye mɔgɔ bɛɛ ka kan ka sɔn min ma: Yezu Krista nana diɲɛ na waasa ka hakɛkɛlaw kisi. Ne tun ka jugu olu bɛɛ cɛma.

Tim fɔlɔ 2:5

Bari Ala kelen le be yen, ani soronanikɛla kelen dama le be yen Ala ni mɔgɔw cɛ. O ye Yezu Krista ye, min ye mɔgɔ ye.

Tim fɔlɔ 5:21

Ne b'i daali Ala ni Yezu Krista ɲana, ani mɛlɛkɛw, ko i ka koo nunu bɛɛ kɛ, i kana mɔgɔ bɔ mɔgɔ la.

Tim fɔlɔ 6:12

I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,

Yirari 21:6

A y'a fɔ tugu ko: «A bɛɛ dafara sisan. Ne le ye Alifa ni Omega ye. Ne le ye koo bɛɛ daminɛ ni laban ye. Ni minnɔgɔ be min na, jii min be nii banbali di mɔgɔ ma, ne bena o di o tigi ma, sara te min na.

Yirari 22:1

O kɔ, mɛlɛkɛ ye baji dɔ yira ne la min be nii don mɔgɔ la. A tun be manamana i n'a fɔ luluu. A tun be woyora ka bɔ Ala ni Sagaden ka masasigilan yɔrɔ la,

Yirari 3:14

«Sɛbɛ ci Krista ka jama ka mɛlɛkɛ ma Lawodise k'a fɔ u ye ko: Min tɔgɔ ko Amiina, ale min ye Seere tilennin tigitigi ye, Ala ka danfɛnw bɛɛ bɔra ale min na, a ko:

Sam fɔlɔ 2:6

Masaba le b'a kɛ mɔgɔ be sa, ale lo be mɔgɔ to nii na fana, ale lo sababu la mɔgɔ be taga lahara, ale fana le b'u bɔ yen.