Tim fɔlɔ 6:12 - ALA KA KUMA

¹² I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Jula NT of Côte d’Ivoire

¹² I jija ka kɛrɛɲuman kɛ, lanaya ta kɛrɛ; ɲanamanya banbari mina kosɛbɛ, sabu Ala ka i wele o le kama; i fana ka o seereyaɲuman fɔ, ka mɔgɔ camanba kɛ i seerew ye.

LAYIDUKURA

¹² I ka jija k'i jigi to Krista kan, ka sini hɛrɛ banbali sɔrɔ, bari Ala y'i wele o le kama, i n'a fɔ i tun ye seereyanyuman kɛ cogo min na, seere caaman nyana.

Tim fɔlɔ 6:12 Iomraidhean Croise

Zaburu 63:8

Ele lo ye ne dɛmɛbaga ye. Ka ne to e gaman kɔrɔ i ko sisɛ n'a deenw, ne be nisɔndiyapɛrɛnkan bɔ.

Zanaw 3:18

Lɔnniya be sii di a sɔrɔbaga ma. A sɔrɔbagaw fana dagamunin lo.

Dɔnkiriw 3:4

Ne tɛmɛna u la dɔɔni dɔrɔn, ne ye n kanubaga kunbɛn. Ne y'a minɛ, ne ten'a bila tugu fɔɔ ne ka don n'a ye n bamuso ka soo kɔnɔ, min ye ne wolo, ale ka boon kɔnɔ.

Ezayi 44:5

Dɔ ben'a fɔ ko: ‹Ne ye Masaba ta ye,› kelen wɛrɛ ben'a fɔ ko ale ye Yakuba kɔmɔgɔ dɔ ye, dɔ wɛrɛ ben'a sɛbɛn a bolo kan ko: ‹Masaba ta,› a ben'a yɛrɛ jati Isirayɛlidenw dɔ ye.»

Jakariya 10:5

u bena kɛ i ko kɛlɛdenŋanaw minw be bɔgɔ nɔɔni bɔlɔnw cɛma kɛlɛ tuma na. U bena kɛlɛ kɛ, bari ne Masaba bena kɛ n'u ye, u juguw sotigiw bena maloya.

Kor 2nan 6:7

an ka tiɲɛ fɔli, ni Ala ka sebagaya fɛ. An be kotilennin ta k'o kɛ i n'a fɔ an ka maramafɛn, ka kɛlɛ kɛ n'o ye ani k'an yɛrɛ mara n'o ye fana.

Kor 2nan 9:13

N'u y'aw ka dɛmɛ nin ye tuma min na, u ben'a lɔn ko aw ye mɔgɔ sifa min ye, o la, u bena Ala tanu aw kosɔn, bari aw sɔnna Krista ka kibaru diman ma ka mɛnni kɛ a fɛ, ani aw ka timinadiya kosɔn, aw sɔnna ka olu dɛmɛ ani tɔ nunu bɛɛ.

Sariya 26:3

Sarakalasebaga min be baara la o waati la, aw ka taga n'a ye ale fɛ k'a fɔ a ye ko: ‹Ne b'a fɔ Masaba aw ka Ala ɲana bii ko ne donna jamana nin kɔnɔ, a tun ye layidu ta an bɛmaw ye ko a bena min d'an ma.›

Filipikaw 1:30

O sigɛn min b'aw kan, aw ye ne ye o le la, aw b'a lɔn ko halibi, n b'o la fana.

Kɔlɔsikaw 3:15

Krista ka hɛrɛ ka kɛ n'aw ye, aw welela min kama ka kɛ farisogo kelen ye, ani aw ka kɛ ɲumanlɔnbagaw ye.

Tes fɔlɔ 2:12

An y'aw ladi, k'aw jaa gwɛlɛya, ani an y'a ɲini aw fɛ kosɔbɛ ko aw k'aw taamacogo bɛn ni Ala sago ye, ale min b'aw wele janko aw ka don a ka masaya la, ani k'a nɔɔrɔ sɔrɔ.

Tes 2nan 2:14

A y'aw wele o le kama an ka kibaru diman fɔli barika la, janko aw k'an Matigi Yezu Krista ka nɔɔrɔ sɔrɔ.

Tim fɔlɔ 1:18

Ne dencɛ Timote, ne b'a gwɛlɛya i ma ko i ka jija ka baaraɲuman kɛ ka kɛɲɛ ni kirayakuma ye min tun fɔra i ka koo la ka tɛmɛ.

Tim fɔlɔ 1:19

I k'o kɛ ni lanaya, ni dusuɲuman ye. Mɔgɔ dɔw dɛsɛra o la, o kama u benna.

Tim fɔlɔ 4:14

Ala ye see min d'i ma kirayakuma fɔwaati la, Ala ka jama ɲamɔgɔw y'u bolo la i kan tuma min na, i kana farati o la.

Tim fɔlɔ 6:13

Ala min be nii don fɛɛn bɛɛ la ani Yezu Krista min lɔra Pɔnsi Pilati ɲakɔrɔ ka seereyaɲuman kɛ, n b'a fɔ i ye olu ɲana

Tim fɔlɔ 6:19

O la, u bena nafolo sɔrɔ sini waasa ka nii banbali sɔrɔ.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.

Tim 2nan 4:7

Ne ye baara kɛ ka ɲa i ko sɔlidasiɲuman, kɛlɛkɛyɔrɔ la. Ne sera ne ka boli danyɔrɔ ma, n jigi lanin tora Matigi kan.

Heburuw 13:23

Ayiwa, n b'a fɔ aw ye ko u y'an badencɛ Timote labila. N'a sera n fɛ yan joona, an bena na ɲɔgɔn fɛ aw fɛ.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamaɲɔgɔnw ye.

Heburuw 6:18

O kobaba fila nunu na, Ala te se ka galon tigɛ an ye cogo si la. O kama, an minw jigi b'o kan, o ka kan ka barika don an na kosɔbɛ k'o koo minɛ ka ɲa.

Piy fɔlɔ 3:9

Aw kana juguya sara ni juguya ye, walima ka dɔ ka nɛnili segi a ma. Nga e ka duba le kɛ. Bari Ala ye aw minw wele, janko aw k'a ka duba sɔrɔ.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Zan fɔlɔ 2:25

Krista y'a daa di an ma koo min na, o ye nii banbali ye.

Zude 1:3

Ne teriw, ne tun y'a laɲini kosɔbɛ ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija janko lanaya kana cɛn. Ala y'e min di a ka jama ma siɲɛ kelen, o ɲɔgɔn tena kɛ tugu.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka ɲa. N'o tɛ, ne bena na bari aw la i n'a fɔ soon, aw tena ne natuma lɔn.

Kititigɛbagaw 3:2

Isirayɛliden minw tun wilila o waati la ni u tun ma kɛlɛ kɛ ka ye, janko olu ka kɛlɛ dege.