Tim fɔlɔ 6:11 - ALA KA KUMA

¹¹ Nga e kɔni, Ala ka mɔgɔ, i k'i yɛrɛ tanga o fɛɛnw bɛɛ ma, ka to ka tilenninyakow kɛ, ka siran Ala ɲa, k'i jigi la a kan, k'a kanu, ka muɲuli kɛ, ani ka to ka ɲumanya kɛ mɔgɔw ye.

Jula NT of Côte d’Ivoire

¹¹ Ayiwa, ele Timote, ele min ye Ala ta mɔgɔ ye, ele ka kan ka bori nin kow ɲa, ka jija ka terenninya le ɲini, ani Alaɲasiran, ani lanaya, ani kanuya, ani muɲuri, ani sabari.

LAYIDUKURA

¹¹ Nga e kɔni, Ala ka mɔgɔ, i k'i yɛrɛ tanga o fɛɛnw bɛɛ ma, ka to ka tilenninyakow kɛ, ka siran Ala nya, k'i jigi la a kan, k'a kanu, ka munyuli kɛ, ani ka to ka nyumanya kɛ mɔgɔw ye.

Tim fɔlɔ 6:11 Iomraidhean Croise

Mas fɔlɔ 13:1

Masaba kuman'a ka mɔgɔ dɔ fɛ, ale bɔra Zuda mara la ka taga Betɛli. O y'a sɔrɔ Zerobowamu tun be wusulan jɛnina sɔnnikɛyɔrɔ nin kan.

Mas fɔlɔ 13:26

Kira min tun tagara Ala ka mɔgɔ nin kɔsegi ka na n'a ye, ale y'o mɛn tuma min na, a y'a fɔ ko Ala ka mɔgɔ lo, min ma sɔn ka Masaba ka kuma bato. K'o la, Masaba y'a to jara y'a minɛ k'a faga ka kɛɲɛ n'a ka fɔta ye.

Mas fɔlɔ 17:18

O la, muso nin y'a fɔ Eli ye ko: «Mun le be ne n'i cɛ, Ala ka mɔgɔ? I nana ne fɛ janko ka na ne ka juguya yira kɛ, ka ne deen faga?»

Mas fɔlɔ 17:24

O la, muso nin y'a fɔ Eli ye ko ale kɔni y'a lɔn sisan ko a kɛra Ala ka mɔgɔ ye, ani ko a be Masaba ka kuma min fɔ, k'o ye tiɲɛ ye.

Mas fɔlɔ 20:28

Ala ka mɔgɔ nin gwɛrɛla Isirayɛli mara masacɛ la k'a fɔ a ye ko Masaba y'a fɔ ko: «Sirikaw y'a fɔ ko ne ye kulu kan Ala ye minkɛ, ko n te kɛnɛba ta ye. O la, ne bena jamaba nin don i bolo. O la, aw ben'a lɔn ko ne le ye Masaba ye.»

Mas 2nan 1:13

O kɔ, masacɛ ye kɛlɛden mɔgɔ bi duuru n'u kuntigi wɛrɛ ci a siɲɛ sabanan na. O kuntigi sabanan nin tagara se dɔrɔn, a y'a kunbiri gwan Eli ɲakɔrɔ k'a daali ko: «Ala ka mɔgɔ, sabali, n b'i daali, ne n'i ka baaraden mɔgɔ bi duuru nunu nii kisi!

Mas 2nan 1:9

Akaziyasi ye kɛlɛden mɔgɔ bi duuru n'u kuntigi ci Eli fɛ. O kuntigi nin tagara Eli fɛ, o y'a sɔrɔ Eli tun siginin be kulu kunna sanfɛ sanfɛ. A y'a fɔ Eli ye ko: «Ala ka mɔgɔ! Masacɛ ko i ka jigi!»

Mas 2nan 23:17

O kɔ, a y'a fɔ tugu ko: «Ne ɲaa be taamasiɲɛ min na, o kɔrɔ be di?» Dugumɔgɔw y'a fɔ a ye ko: «O ye Ala ka mɔgɔ ka kaburu ye min tun bɔra Zuda mara la ka na. E ye baara min kɛ, ale le tun y'o fɔ sarakabɔyɔrɔ nin kama.»

Mas 2nan 5:20

Ala ka mɔgɔ Elize ka baaraden Geyazi y'a fɔ a yɛrɛ kɔnɔ ko: «Ne kuntigi y'a nɔgɔya Sirika Naaman nin ye, a tun nana ni boɲafɛn minw ye, a ma sɔn ka foyi minɛ. Masaba kosɔn, ne bena tugu a kɔ, ka dɔ minɛ a fɛ.»

Lok fɔlɔ 23:14

Musa kɛra Ala ka mɔgɔ ye, a deenw ni Levi kɔmɔgɔ tɔw le korila ka jati.

Lok 2nan 8:14

Ka kɛɲɛ n'a facɛ Dawuda ka kolatigɛnin ye, a ye sarakalasebagaw ka jɛnkuluw ka baara d'u ma, ka Levi kɔmɔgɔw sigi, u ka to ka Masaba tanu ani ka sarakalasebagaw dɛmɛ u ka baara la loon o loon. A ye daaw kɔlɔsibagaw tilantilan fana jɛnkulu jɛnkulu, u ka baara kama, bari Ala ka mɔgɔ Dawuda tun y'a latigɛ ten.

Nehemi 12:24

Asabiya ni Serebiya ani Kadimiyɛli dencɛ Yesuwa tun ye Levi kɔmɔgɔw ka ɲamɔgɔw ye. U ni u badenw tun ɲasinnin be ɲɔgɔn ma, ka to ka dɔnkili la Ala ye k'a tanu ani ka barika la a ye, ka kɛɲɛ ni Ala ka mɔgɔ Dawuda ka latigɛ ye.

Nehemi 12:36

n'a badenw, Semaya ni Azarɛli ani Milalayi, ni Gilalayi ani Maayi, ni Netanɛli ani Yewuda, ni Anani. Olu tun be ni fɔlikɛminanw ye fana Ala ka mɔgɔ Dawuda tun ye minw dilan. Sariya karamɔgɔ Ɛsidirasi le tun b'u ɲafɛ.

Zaburu 34:14

a tigi k'a yɛrɛ minɛ kumajugu fɔli, ani namarakuma na.

Zaburu 38:20

Ne juguw ka kɛnɛ, fanga b'u la. Minw be n kɔniya gwansan, olu ka ca.

Zanaw 15:9

Mɔgɔjugu taamacogo ka go Masaba ye. Nga mɔgɔ minw be tilenninya kɛ, olu koo ka d'a ye.

Ezayi 51:1

Masaba ko: «Aw minw b'a fɛ ka kisi, aw minw be ne Masaba ɲinina, aw ka mɛnni kɛ ne fɛ. Aw bɔra fara min na, aw k'o jati. Aw bɔra yɔrɔ min na, aw k'o jati.

Yeremi 35:4

ka na n'u ye Masaba ka soo kɔnɔ, ka don n'u ye Yigidaliyawu, Ala ka mɔgɔ, deen Anan ka deenw ka boon kɔnɔ, ɲamɔgɔw ta gɛrɛfɛ, min tun be daa kɔlɔsibaga Salumu deen Maazeyawu ta sanfɛ.

Rɔmukaw 14:19

O la sa, an ka banba ka to hɛrɛ la ɲɔgɔn fɛ ani ka ɲɔgɔn dɛmɛ ka barika sɔrɔ Krista ka sira la.

Kor fɔlɔ 10:14

O le y'a to n balimaw, aw ka faran josɔn la.

Kor fɔlɔ 14:1

Aw ka jija ka ɲɔgɔn kanu, Ala be seko minw di, aw k'olu ɲini fana, sanko kirayako,

Kor fɔlɔ 6:18

Aw ka kakalaya dabila, mɔgɔ be kojugu minw bɛɛ kɛ, o si te se a farisogo ma fɔɔ kakalaya. Min be kakalaya kɛ, o tigi b'a yɛrɛ hakɛ le ta.

Sariya 16:20

Aw ka banba ka tilenninya dama kɛ, o la, Masaba aw ka Ala be jamana min dira aw ma, aw ɲanaman ka to aw ka se k'o minɛ.

Sariya 33:1

Sanni Ala ka mɔgɔ Musa ka sa, a ye duba minw kɛ Isirayɛlidenw ye, olu filɛ nin ye.

Tim fɔlɔ 1:14

An Matigi ye nɛɛma kɛ ne ye kosɔbɛ, ka lanaya ni kanuya di ne ma min be sɔrɔ Yezu Krista ka jɛnɲɔgɔnya fɛ.

Tim fɔlɔ 4:12

Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Tim fɔlɔ 5:10

Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.

Tim fɔlɔ 6:20

Timote, koo minw kalifara i ma, i ka olu mara kosɔbɛ. I k'i yɛrɛ tanga kuma fufafu ma minw ni Alasira te bɛn, min be jati lɔnniya ye, k'a sɔrɔ lɔnniyasɔbɛ tɛ.

Tim 2nan 2:21

Ni mɔgɔ min ye a yɛrɛ saniya, k'a yɛrɛ tanga koo nunu ma, ne ye minw fɔ, o tigi bena kɛ dagaɲuman ye min saniyanin be. A b'a Kuntigi mako ɲa, a labɛnnin be koɲuman sifa bɛɛ kɛli kama.

Tim 2nan 2:22

I yɛrɛ kɔlɔsi nigɛjugu ma, min be sɔrɔ kanbelenya la, to ka tilenninyakow kɛ, k'i jigi la Matigi kan, k'a kanu, ani ka hɛrɛ ɲini ni mɔgɔw ye, minw y'u jigi la Matigi kan ni kɔnɔgwɛ ye.

Tim 2nan 3:10

E kɔni be ne ka kalan kala ma, ni n ka taamacogo, ani n ka koo latigɛninw, ne lara Matigi la cogo min na, i be o kala ma. Ne muɲuna, ka mɔgɔw kanu, ani n jijara cogo min na fana,

Tim 2nan 3:17

waasa Ala ka baarakɛla ka kɛ mɔgɔdafanin ye ka se ka koɲuman sifa bɛɛ kɛ.

Heburuw 12:14

Aw ka banba, hɛrɛ ka sɔrɔ aw ni mɔgɔw bɛɛ cɛ. Aw ka saniya fana, n'o te mɔgɔ si tena Matigi ye.

Piy fɔlɔ 3:11

A ka kojugu dabila ka koɲuman kɛ, ka banba ka hɛrɛ ɲini.

Sam fɔlɔ 2:27

Ala ka mɔgɔ dɔ nana Eli fɛ k'a fɔ a ye ko: «Masaba y'a fɔ ko ale tun m'a yɛrɛ yira aw bɛma ka somɔgɔw la wa? O y'a sɔrɔ u tun be Ezipiti masacɛ ka fanga kɔrɔ Ezipiti.

Sam fɔlɔ 9:6

Baaraden nin y'a fɔ a ye ko: «Ala ka mɔgɔ dɔ be dugu nin kɔnɔ yan, mɔgɔw b'a jati. N'a ye fɛɛn o fɛɛn fɔ, o te to kɛbali. An ka ta'a fɛ, n'a sɔrɔ a bena tɛmɛsira yira an na.»