Tim fɔlɔ 6:1 - ALA KA KUMA

¹ Jɔɔnw k'u kuntigiw boɲa ka ɲa, waasa mɔgɔ si kana sababu sɔrɔ ka Ala tɔgɔ cɛn, ani ka kumajugu fɔ an ka kalan koo la.

Jula NT of Côte d’Ivoire

¹ Lanabaga minw bɛɛ bɛ jɔnya ra, olugu ka kan ka o matigicɛw jate ka o bonya kosɛbɛ, janko mɔgɔw kana Ala tɔgɔ cɛn, ka an ta karan mangboya.

LAYIDUKURA

¹ Mɔgɔ minw kɛra jɔɔnw ye olu k'u ka kuntigiw bonya ka nya, waasa mɔgɔ si kana yɔrɔ sɔrɔ ka kumajugu fɔ Ala koo la, ani an ka kalan koo la.

Tim fɔlɔ 6:1 Iomraidhean Croise

Damina 16:9

Masaba ka mɛlɛkɛ y'a fɔ a ye ko: «Segi ka taga i kuntigi fɛ ka kolo a ye.

Damina 24:12

A ko: «Masaba, ne kuntigi Ibrayima ka Ala, ne ka koo ɲanabɔ bii, k'i ka ɲumanya yira ne kuntigi Ibrayima la.

Damina 24:2

Jɔncɛ min ka kɔrɔ a ka soo kɔnɔ, o min tun b'a ka nafolo bɛɛ kunna, a y'a fɔ ale ye ko: «I bolo don ne woto kɔrɔ.

Damina 24:27

A ko: «Masaba, ne kuntigi Ibrayima ka Ala ka tanu. A m'a ka ɲumanya n'a ka kantigiya dabila ne kuntigi faan fɛ halibi. Ne kɔni, Masaba bilara ne ɲa taama na fɔɔ ka se ne kuntigi ka somɔgɔw fɛ.»

Sam 2nan 12:14

Nga ko a y'a kɛ Masaba juguw y'a tɔgɔ cɛnyɔrɔ sɔrɔ koo nin kama minkɛ, k'o la, i deen nin bena sa.

Mas 2nan 5:13

Nga a ka baaradenw gwɛrɛl'a la k'a fɔ a ye ko: «An faa, ni kira tun y'a fɔ i ye ko i ka kogwɛlɛn kɛ, e tun tena o kɛ wa? Sankofɛrɛ a ko i ka taga ko, ko i bena saniya.»

Nehemi 9:5

O kɔ, Levi kɔmɔgɔ ni Yesuwa ani Kadimiyɛli, ni Bani ani Asabineya, ni Serebiya, ni Odawiya ani Sebaniya ni Petaya, y'a fɔ ko: «Aw ye wili ka Masaba aw ka Ala tanu tuma bɛɛ la. «Masaba, boɲa ka la i tɔgɔba kan, i tɔgɔ ka tanu, foyi te i bɔ.

Ezayi 47:6

Ne tun dimina n ka jama kɔrɔ. Minw kɛra ne taw ye, ne tun y'u dɔgɔya, k'u don i bolo. Nga i ma makari u la fewu, i ye tɔɔrɔ la cɛkɔrɔbaw kan kosɔbɛ.

Ezayi 52:5

Sisan ne be mun lo sɔrɔ o la? Ne ka jama minɛna gwansan, foyi ma sara. U kuntigiw be pɛrɛnna setigiya la. Ne Masaba le ko ten. Ne tɔgɔ fana cɛnnin lo tuma bɛɛ.

Ezayi 58:6

Sundoncogo min ka di ne ye, o filɛ: aw yɛrɛ b'o lɔn. Mɔgɔ minw minɛna ka siri tilenbaliya la, fanga tintinnin be minw kan, aw ka olu hɔrɔnya. U be minw tɔɔrɔ, aw ka olu labila. O kɔrɔ ko aw ka jɔnyako bɛɛ dabila.

Ezekiyɛli 36:20

U tagara yɔrɔ o yɔrɔ siya wɛrɛw cɛma, u ye ne tɔgɔ senuman cɛn bari a fɔra u koo la ko u ye Masaba ka mɔgɔw ye, nga u wajibiyara ka bɔ a ka jamana kɔnɔ.

Ezekiyɛli 36:23

Aw ye ne tɔgɔba min cɛn siya wɛrɛw cɛma, ne bena nɔɔrɔ la o kan. Ni ne y'o kɛ u ɲana aw sababu la, u ben'a lɔn ko ne ye Masaba le ye. Ne Matigi, Masaba le ko ten.

Malaki 1:6

«Deen b'a faa boɲa, baaraden b'a kuntigi boɲa. Ni ne ye aw faa ye, ne ka kan ni boɲa min ye, o be min? Ni ne ye aw ka Masaba ye, ne ka kan ni boɲa min ye, o be min? Ne Masaba, Setigi le b'o fɔra aw sarakalasebagaw ye, aw minw be ne dɔgɔyara. Aw be sɔrɔ k'a fɔ ko: ‹An y'i dɔgɔya cogo di?›

Matiyu 11:30

bari ne tena jɔnya ni sigɛn gwiliman la aw kan.»

Matiyu 11:9

Aw tagara mun le filɛ? Kira lo wa? Tiɲɛ na, ne b'a fɔ aw ye ko a tɛmɛna kira yɛrɛ kan!

Luka 17:1

Yezu y'a fɔ a ka kalandenw ye ko: «Wajibi lo sababu bena sɔrɔ min b'a to mɔgɔw kunna be cɛn, nga mɔgɔ min bena kɛ o sababu nin ye, bɔnɛ be o tigi ye.

Kɛwalew 10:22

U y'a jaabi ko: «Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a be siran Ala ɲa, zuwifu jama bɛɛ b'a tɔgɔɲuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.»

Kɛwalew 10:7

Mɛlɛkɛ ye kuma nunu fɔ ka ban ka taga dɔrɔn, Kɔrinɛyi y'a ka baarakɛlaw la mɔgɔ fila wele, ani a ka sɔlidasi kelen min mɛnna a fɛ. O sɔlidasi nin tun be siran Ala ɲa.

Kɛwalew 15:10

Mun le do y'a to sisan aw be Ala darabɔ? Bari aw be doni lara kalandenw kuun na k'a sɔrɔ anw, n'an faaw fanga ma se min kɔrɔ k'a ta.

Rɔmukaw 2:24

Bari a fɔra Ala ka kuma na ko: «Ala tɔgɔ cɛnna aw sababu la siya wɛrɛw cɛma.»

Kor fɔlɔ 10:32

Aw kana kɛ sababu ye ka mɔgɔ si kunnacɛn, a kɛra siya wɛrɛ ye wo, zuwifu ye wo, minw lara Ala la, aw kana kɛ sababu ye u si ma.

Galasikaw 5:1

Krista y'an hɔrɔnya janko an ka kɛ hɔrɔnw ye sɔbɛ la, o la, aw ye jija, aw kana tila ka don jɔnya la tugu.

Sariya 28:48

o la, Masaba bena aw jugu minw bila ka na aw kama, aw bena baara kɛ olu ye. Kɔngɔ ni minnɔgɔ bena kɛ aw la, aw farilakolon bena to, aw bena dɛsɛ haali. A bena sigɛnba la aw kan fɔɔ k'aw faga.

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, k'u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Tite 2:5

U ka kɛ musosɔbɛw ye minw ɲamalɔnin lo, minw jijanin be u ka sokɔnɔbaaraw la, ani minw sɔɔn ka ɲi, ani u b'u yɛrɛ majigi u cɛɛw ye, waasa mɔgɔw kana se ka Ala ka kuma lɔgɔbɔ.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 3:16

Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.