Tim fɔlɔ 5:5 - ALA KA KUMA

⁵ Min kɛra firiyamuso ye sɔbɛ la, mɔgɔ te a fɛ ka janto a la, ale b'a jigi bɛɛ la Ala kan. A be Ala daali ka dɛmɛ ɲini suu fara tile kan.

Jula NT of Côte d’Ivoire

⁵ Muso cɛ sanin minw bɛ o kelen na, mɔgɔ tɛ minw fɛ min bɛ a janto o ra, olugu bɛ o jigi la Ala kan ka a daari su ni tere, janko a ye o dɛmɛ.

LAYIDUKURA

⁵ Min kɛra firiyamuso ye sɛbɛ la, mɔgɔ tɛ a fɛ k'a janto a la, ale b'a jigi bɛɛ la Ala kan. A bɛ Ala dali ka dɛmɛ nyini suu fara tile kan.

Tim fɔlɔ 5:5 Iomraidhean Croise

Zaburu 91:4

A ben'a gaman biri i kan, i bena i yɛrɛ dogo yen i ko sisɛ n'a deenw. A ka tilenninya le ye a ka nigɛkunbɛnnan n'a ka nigɛdeleke ye.

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 3:26

Kule ni kasimisɛnw le bena kɛ *Siyɔn dugu la. Dugu bena kɛ i ko muso min bɔnɔna fɛɛn bɛɛ la n'a siginin tora duguma!

Ezayi 49:21

I ben'a fɔ i yɛrɛ kɔnɔ ko: ‹Jɔn le ye nunu wolo ne ye sa? Deen tun te ne fɛ, mɔgɔ tun te ne kɔrɔ. U tun y'u minɛ ka taga ka ne to yen. Jɔn le do nana ni nunu ye? Ne tun tora lakolon tuma min na, nunu tun be min?› »

Ezayi 50:10

Ni dɔ be siran Masaba ɲa aw cɛma, a ka mɛnni kɛ Masaba ka baarakɛla ka kuma na. Ni dɔ be taamana dibi la ni yeelen t'a fɛ, a k'a jigi la Masaba kan, k'a bolo la a ka Ala kan.

Ezayi 54:1

«Nisɔndiyapɛrɛnkan bɔ, Zeruzalɛmu, e muso wolobali! Ele min tun te deen sɔrɔla tugu. Pɛrɛn! Nisɔndiyamankan ci, ele min tun te deen wolola tugu, bari gwalemuso deenw cayara ni baaramuso taw ye.» Masaba ko ten.

Kasikan 1:13

A ye tasuma jigi an kan ka bɔ sanfɛ, a jigira fɔɔ an kolow la. Ale lo y'o tigi ye. A ye juru siri an ɲa, k'an ta ka ben. A y'a kɛ an ka dugu tor'a kelen, o kɛra an ma bana ye loon bɛɛ.

Luka 18:1

Yezu ye talen dɔ la kalandenw ye k'a yira u la ko mɔgɔ ka kan ka Ala daali tuma bɛɛ, a kan'a fari faga.

Luka 18:7

Ayiwa, Ala ye minw woloma k'u kɛ a ta ye, ni olu be dɛmɛ ɲini a fɛ suu ni tile, yala a bena mɛn k'u dɛmɛ wa?

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Kɛwalew 26:7

An ka siya bɛɛ jigi b'a kan ko Ala y'a daa di koo min na k'o bena kɛ. O kama u jijanin be ka to ka Ala bato suu fara tile kan. Masa Agiripa, jigi min be ne fɛ, o kama zuwifuw be ne jalakira.

Kɛwalew 6:1

Kalandenw tora ka caya. Waati dɔ la, zuwifu minw bɔra yɔrɔ wɛrɛ, n'u be girɛkikan fɔ, olu tora ka tɔw kɔrɔfɔ k'u te to k'u mako don olu ka firiyamusow la kosɔbɛ dumuni tilantuma na loon o loon.

Kɛwalew 9:39

O yɔrɔnin bɛɛ, Piyɛri tugura u kɔ ka taga. U sera tuma min na, u yɛlɛla ni Piyɛri ye sangaso kan. Dɔrɔkasi tun ye fani minw dan k'a to nii na, firiyamusow bɛɛ tun be to ka kasi n'u b'o yira Piyɛri la.

Kɛwalew 9:41

Piyɛri y'a bolo minɛ k'a wili, a sɔrɔla ka Krista ka jama ni firiyamusow wele k'a yira u la.

Rɔmukaw 1:12

walima, ka ɲɔgɔn jaa gwɛlɛya an jigi barika la.

Rɔmukaw 1:5

Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Kor fɔlɔ 7:32

Ne b'a fɛ aw kana aw hakili ɲagami. Mɔgɔ min ma furu, ale ka hamiko ye ka Matigi ka baara kɛ, a b'a fɛ ka Matigi sago kɛ.

Kor fɔlɔ 7:34

O la, a ka miiriya be tilan ka kɛ fila ye. Cɛɛ te min fɛ ani sunguru, olu ka hami ye ka Matigi ka baara kɛ, waasa u ka se k'u yɛrɛ di Matigi ma koo bɛɛ la. Nga muso min furula, ale ka hamiko ye diɲɛko ye. A be cogoya ɲini k'a cɛɛ ladiya.

Ɛfɛsikaw 6:18

Aw ka Ala daali kosɔbɛ tuma bɛɛ Nii Senuman barika la ni daalili sifa bɛɛ ye. Aw ye jija o la kosɔbɛ ka daalili kɛ Ala ka mɔgɔw bɛɛ ye.

Filipikaw 4:6

Aw hakili kana ɲagami koo si la, nga aw ye Ala daali ani ka barika la a ye, k'aw makoyako bɛɛ fɔ a ye.

Tim fɔlɔ 2:1

Ne fɛ, ne be fɛɛn fɔlɔ min ɲini mɔgɔw fɛ, o ye nin ye: ko u ka Ala daali ni daalili sifa bɛɛ ye, ani ka barika la Ala ye mɔgɔ bɛɛ kosɔn,

Tim fɔlɔ 5:16

Muso min lara Yezu la, n'a kɛra ko firiyamusow be ale ka mɔgɔw cɛma, ale yɛrɛ k'a janto olu la, a kana u to u ka kɛ Krista ka jama kunnadoni ye waasa olu ka se ka firiyamusow dɛmɛ, mɔgɔ te minw fɛ.

Tim fɔlɔ 5:3

Mɔgɔ te firiyamuso minw fɛ, i ka olu minɛ ni boɲa ye.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Piy fɔlɔ 3:5

Muso minw jigi tun be Ala kan fɔlɔfɔlɔ, olu sɔɔn tun be ten. U majiginin tun be u furucɛw ye,

Ruti 2:12

Masaba k'i sara, i ka sara ka kɛ fɛɛn ɲanaman ye Masaba fɛ, min ye Isirayɛli ka Ala ye, i nana i yɛrɛ kalifa min ma!»