Tim fɔlɔ 5:19 - ALA KA KUMA

¹⁹ I kana sɔn ka Krista ka jama ɲamɔgɔ jalaki, n'i m'a ka koo kɛnin mɛn seere fila, walima mɔgɔ saba daa la.

Jula NT of Côte d’Ivoire

¹⁹ Ni dɔ ka lanabagaw ta jɛnkuru ɲamɔgɔ dɔ jaraki ko dɔ ra, i kana sɔn o jarakiri ma, fɔ mɔgɔ fla walama mɔgɔ saba ye kɛ o ko seerew ye.

LAYIDUKURA

¹⁹ I kana sɔn ka nyamɔgɔ jalaki, n'i m'a ka koo kɛnin mɛn seere mɔgɔ fila, walima mɔgɔ saba daa la.

Tim fɔlɔ 5:19 Iomraidhean Croise

Matiyu 18:16

Nga n'a banna k'i lamɛn, i ka mɔgɔ kelen, walima fila fara i kan ka ta'a fɛ tugu, waasa mɔgɔ fila, walima mɔgɔ saba k'o koo ɲanabɔ.

Yuhana 18:29

Pilati bɔra ka taga u fɛ k'u ɲininga ko: «Aw be cɛɛ nin jalaki mun le kama?»

Yuhana 8:17

A yɛrɛ fɔra aw ka sariya la ko ni mɔgɔ fila ka seereya bɛnna ɲɔgɔn ma, o ye tiɲɛ tigitigi ye.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taga u di Krista ka jama ɲamɔgɔw ma Zude mara la.

Kɛwalew 25:16

Nga ne y'u jaabi ko Ɔrɔmukaw ka landa la, kiti le be kɛ fɔlɔ, kasoden ɲaa ye, a jalakibagaw ɲaa ye. Sira be di kasoden ma k'a jalakibagaw ka kuma jaabi. N'o ma kɛ, Ɔrɔmukaw te sira di ko mɔgɔjalakinin ka faga.

Kor 2nan 13:1

Nin taama nin bena kɛ ne taako sabanan ye aw fɛ. «Koo o koo minw be yen, u bena latigɛ, ka kɛɲɛ ni mɔgɔ fila, walima mɔgɔ saba ka seereya ye» i ko a fɔra Ala ka kuma na cogo min na.

Sariya 17:6

Mɔgɔ min ka jalaki ser'a fagako ma, o tigi be se ka faga ni seere mɔgɔ fila, walima saba sɔrɔla. N'o tɛ, a te se ka faga seere kelen kosɔn.

Sariya 19:15

«N'a kɛra ko mɔgɔ dɔ ye kojugu dɔ kɛ, walima hakɛ dɔ, walima kodagabali sifa wɛrɛ, o tigi te se ka jalaki seere kelen ka kuma kama. Tiɲɛ be se ka lɔn seere fila, walima seere saba ka kuma le kosɔn.

Tim fɔlɔ 4:14

Ala ye see min d'i ma kirayakuma fɔwaati la, Ala ka jama ɲamɔgɔw y'u bolo la i kan tuma min na, i kana farati o la.

Tim fɔlɔ 5:17

Krista ka jama ɲamɔgɔ minw b'u ka baara kɛ ka ɲa, olu ka kan ni boɲa ye kosɔbɛ, janko minw be waajuli kɛ ani minw be mɔgɔw kalan.

Tite 1:6

O ɲamɔgɔ nunu ka kan ka kɛ mɔgɔ jalakibaliw ye, ani musokelentigiw. U deenw ka kɛ mɔgɔw ye lanaya be minw na, minw tɔgɔjugu te fɔ u ka taamacogo kosɔn, walima u ka murutili kama.

Heburuw 10:28

Ni mɔgɔ o mɔgɔ ye Musa ka sariya cɛn, ni seere fila, walima saba, sɔrɔla k'a fɔ ko tiɲɛ lo, o tigi ka kan ka faga, u man kan ka makari a la yɛrɛ.