Tim fɔlɔ 5:10 - ALA KA KUMA

¹⁰ Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.

Jula NT of Côte d’Ivoire

¹⁰ Bɛɛ ka kan ka a lɔn a ta kɛwaleɲumanw kosɔn, ko a ka a ta denw lamɔ ka ɲa, ko a tun ye jatigimusoɲuman ye, ko a tun bɛ Ala ta mɔgɔ saninmanw sen ko, ka ɲanibagatɔw dɛmɛ, ka koɲuman suguya bɛɛ kɛ.

LAYIDUKURA

¹⁰ Ani a tɔgɔnyuman ka fɔ a ka kɛwalinyuman kɔsɔn, a ka kɛ muso ye min y'a deenw lamɔ ka nya, ka kɛ lonan ladonbaga ye. A ka kɛ Ala ka jama dɛmɛbaga ye. A ka kɛ mɔgɔ ye min y'a hakili to dɛsɛbagatɔw la ka olu dɛmɛ, ani ka kɛwalinyuman sifa bɛɛ kɛ.

Tim fɔlɔ 5:10 Iomraidhean Croise

Damina 18:4

U ka na ni jii dɔɔni ye, aw b'aw seen ko, ka lafiɲɛ yiri nin kɔrɔ.

Damina 19:2

A ko: «Ne matigiw, ne b'aw daali, aw ye jigi aw ka jɔncɛ ka soo, k'aw seen ko ka si yan, sɔgɔma joona aw be wili ka sira minɛ tugu.» U y'a jaabi ko: «Ayi, an bena si forobayɔrɔ la.»

Damina 24:32

Cɛɛ tagara Laban ka soo. Laban ye ɲɔgɔmɛw ka doni jigi ka biin ni ɲiminifɛn wɛrɛ d'u ma, ka senkoji di cɛɛ n'a kɔmɔgɔw ma.

Damina 43:24

Cɛɛ nin ye Yusufu balima nunu ladon Yusufu ka soo kɔnɔ, ka senkoji d'u ma, ani ka dumuni di u ka faliw ma.

Zaburu 119:4

Masaba, e y'i ka sariyaw fɔ janko mɔgɔ k'u bato kosɔbɛ.

Ezayi 1:17

Aw ka koɲumankɛ degi, aw ka tilenninya kɛ, aw ka mɔgɔ tɔɔrɔninw dɛmɛ. Aw ka falatɔw ka tiɲɛ d'u ma. Aw ka firiyamusow kunko ɲanabɔ.

Sarakalasebagaw 25:35

«N'i balima dɔ kɛra fantan ye, n'a dɛsɛra, i k'a dɛmɛ janko a ka se ka to aw cɛma, hali ni lonan lo min be aw fɛ, walima tɛmɛbaga.

Matiyu 25:17

Min tun ye kɛmɛ fila sɔrɔ, ale fana tagara ka jago kɛ ka kɛmɛ fila wɛrɛ sɔrɔ tɔnɔ ye.

Matiyu 5:16

Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.

Luka 7:38

A sera minkɛ, a tora Yezu kɔfɛ ka biri a seen kɔrɔ ka kasi daminɛ. A kasira fɔɔ a ɲaji ye Yezu seen ɲigi. O kɔ, a y'a kunsigi kɛ k'o jɔsi n'a b'o saalo, ka tila ka tulu kasadiman bɔn u kan.

Luka 7:44

O kɔ, Yezu y'a ɲaa yɛlɛma ka muso nin filɛ ka sɔrɔ k'a fɔ Simɔn ye ko: «I ɲaa be muso nin na kɛ, ne nana i ka soo, i ma senkoji di ne ma. Nga ale ye ne seen ko n'a ɲaji ye k'a jɔsi n'a kunsigi ye.

Kɛwalew 10:22

U y'a jaabi ko: «Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a be siran Ala ɲa, zuwifu jama bɛɛ b'a tɔgɔɲuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.»

Kɛwalew 22:12

«Cɛɛ dɔ tun b'o yɔrɔ la, a tɔgɔ tun ko Ananiyasi, a tun be Ala ka sariyaw bato kosɔbɛ, a tɔgɔɲuman tun be zuwifuw bɛɛ daa la o yɔrɔ la.

Kɛwalew 6:3

O kama balimaw, aw yɛrɛ ka mɔgɔ wolonwula woloma aw cɛma minw sɔɔn ka ɲi, ni hakili b'u fɛ, ni Nii Senuman. O la, anw bena dumuni tilanko don olu bolo.

Kɛwalew 9:36

Zope kalandenw cɛma, muso dɔ tun be yen, a tɔgɔ tun ko Tabita, girɛkikan na, u ko Dɔrɔkasi, o kɔrɔ ko sinɛ. Mɔgɔɲuman tun lo, ka fantanw dɛmɛ, o tun y'a ka baara ye.

Kɛwalew 9:39

O yɔrɔnin bɛɛ, Piyɛri tugura u kɔ ka taga. U sera tuma min na, u yɛlɛla ni Piyɛri ye sangaso kan. Dɔrɔkasi tun ye fani minw dan k'a to nii na, firiyamusow bɛɛ tun be to ka kasi n'u b'o yira Piyɛri la.

Rɔmukaw 12:13

Aw ye banba ka Ala ka mɔgɔw dɛmɛ u dɛsɛyɔrɔ la, ka mɔgɔ wɛrɛw ladon.

Ɛfɛsikaw 2:10

An ye Ala bulonɔ ye, a y'an dan Yezu Krista barika la kɛwaliɲumanw kama, Ala ye minw latigɛ kabini fɔlɔfɔlɔ janko an k'o kɛ.

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Tim fɔlɔ 2:10

Nga u ka masirifɛnw ka kɛ koɲuman kɛli ye, i n'a fɔ a bɛnnin be musow fɛ cogo min na olu minw ko u be siran Ala ɲa.

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tim fɔlɔ 3:7

A ka kɛ mɔgɔ ye min tɔgɔɲuman be fɔ mɔgɔ wɛrɛw fɛ, waasa a kana dɔgɔya sɔrɔ ka ben Sutana ka jɔɔ la.

Tim fɔlɔ 5:16

Muso min lara Yezu la, n'a kɛra ko firiyamusow be ale ka mɔgɔw cɛma, ale yɛrɛ k'a janto olu la, a kana u to u ka kɛ Krista ka jama kunnadoni ye waasa olu ka se ka firiyamusow dɛmɛ, mɔgɔ te minw fɛ.

Tim fɔlɔ 5:25

Kɛwaliɲuman fana be ye joona, hali minw yeli ka gwɛlɛ, u si te se ka to dogo la.

Tim fɔlɔ 6:18

A fɔ u ye k'u ka koɲuman kɛ, kɛwaliɲuman ka kɛ u ka nafolo ye. U k'u tigɛw dayɛlɛ ka mɔgɔ wɛrɛw dɛmɛ.

Tim 2nan 1:5

Ne hakili b'i ka jigisɔbɛ la. Jigi min tun be i mamamuso Loyisi an'i bamuso Unisi fɛ, ne lanin b'a la k'o ɲɔgɔn b'i fɛ fana.

Tim 2nan 2:21

Ni mɔgɔ min ye a yɛrɛ saniya, k'a yɛrɛ tanga koo nunu ma, ne ye minw fɔ, o tigi bena kɛ dagaɲuman ye min saniyanin be. A b'a Kuntigi mako ɲa, a labɛnnin be koɲuman sifa bɛɛ kɛli kama.

Tim 2nan 3:15

Kabini i denmisɛn tuma, i ye Ala ka kuma lɔn, min be se ka hakilitigiya d'i ma, min barika la mɔgɔ b'a jigi la Yezu Krista kan ka kisi.

Tim 2nan 3:17

waasa Ala ka baarakɛla ka kɛ mɔgɔdafanin ye ka se ka koɲuman sifa bɛɛ kɛ.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Tite 2:7

fɛɛn bɛɛ la. I ka cogoɲuman yira u la, n'i b'u kalana i kɔnɔgwɛ ka o kɛ ni ɲamalɔ ye.

Tite 3:1

A fɔ bɛɛ ye ko u k'u yɛrɛ majigi kuntigiw ni faamaw ye, k'u boɲa, ani u labɛnnin ka to koɲuman sifa bɛɛ kɛli kama.

Tite 3:14

An ka mɔgɔw fana ka kan ka koɲuman kɛli dege, waasa u ka se ka koo gwanninmanw ɲanabɔ, o la, u tena to gwansan.

Tite 3:8

Nin kuma ye tiɲɛ ye. Ne b'a fɛ i ka to o kan k'a fɔ ka gwɛlɛya, waasa mɔgɔ minw lara Ala la, olu k'u yɛrɛ bila koɲuman kɛli la, o le ka ɲi ani nafa b'o la mɔgɔw fɛ.

Heburuw 10:24

An ka jija ka ɲɔgɔn dɛmɛ ka kanuya sira taama, ka koɲuman kɛ.

Heburuw 13:2

Aw hakili ka to a la ko aw ka kan ka lonanw ladon. Lonanladon sababu la, dɔw ye mɛlɛkɛw ladon k'a sɔrɔ u m'a lɔn ko mɛlɛkɛw lo.

Heburuw 13:21

a yɛrɛ ka barika don aw la, aw ka se ka koɲuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Boɲa ka la ale kan tuma bɛɛ. Amiina.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 4:9

Aw ka ɲɔgɔn ladon ka ɲa, ŋunuŋunu kana sɔrɔ a la.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔɲuman fɔra. U do be tiɲɛ le fɔra. Anw fana b'a tɔgɔɲuman fɔ. I b'a lɔn ko an be min fɔ, ko tiɲɛ lo.