Tim fɔlɔ 4:3 - ALA KA KUMA

³ O mɔgɔ nunu b'a fɔ ko a daganin te ka furu. U be mɔgɔw bali dumuni dɔw la k'u man kan k'o dumu. K'a sɔrɔ Ala y'o dumunifɛn nunu dan, minw lara Yezu la, n'u b'o dumuni nunu kɛ, olu minw ye tiɲɛ lɔn, u ka barika la Ala ye o dumuwaati la.

Jula NT of Côte d’Ivoire

³ O bɛ mɔgɔw karan ko o man kan ka furu, ko domunifɛn dɔw man kan ka domu; k’a sɔrɔ Ala ka o fɛnw dan janko lanabaga minw ka can sira lɔn, olugu ye o domu ka baraka la Ala ye.

LAYIDUKURA

³ O mɔgɔ nunu b'a fɔ ko a daganin tɛ ka furu kɛ. U bɛ mɔgɔw bali dumuni dɔw la k'u man kan k'o dumu. K'a sɔrɔ Ala y'o dumunifɛn nunu dan, minw lara Yezu la, olu ka dumu kɔsɔn, olu minw ye tinyɛ lɔn, u ka barika la Ala ye o dumuwaati la.

Tim fɔlɔ 4:3 Iomraidhean Croise

Damina 9:3

Nimanfɛn o fɛɛn be dugukolo kan, olu bena kɛ aw ka dumufɛn ye. Ne b'u bɛɛ di aw ma, i n'a fɔ ne tun ye biin di aw ma cogo min na.

Waajurikɛbaga 5:18

Ni Ala y'a nɔgɔya mɔgɔ min ye ka nafolo d'a ma, ani k'a to o tigi fana ka se k'a diya bɔ, ani ka nisɔndiya a ka baara la, o fana ye Ala ka dɛmɛ ye.

Daniyɛli 11:37

Masacɛ nin ten'a faaw ka joow boɲa, joo min koo ka di musow ye, a fana tena o boɲa, walima batofɛn wɛrɛ si. A ben'a yɛrɛ boɲa ni batofɛnw bɛɛ ye.

Matiyu 14:19

O kɔ, a y'a fɔ jama ye k'u ka sigi biin kan. A ye burukun duuru ni jigɛ deen fila nunu ta, k'a ɲaa kɔrɔta sanfɛ ka barika la Ala ye, ka burukun nunu karikari k'u di a ka kalandenw ma, kalandenw y'u tilan jama cɛ.

Matiyu 15:11

A ma kɛ i n'a fɔ ko mɔgɔ be fɛɛn min dumu, o le b'a nɔgɔ, nga a kɔnɔnako le b'a nɔgɔ.»

Matiyu 15:36

A ye burukun wolonwula ni jigɛ nunu ta ka barika la Ala ye k'o karikari k'o di kalandenw ma, olu y'o tilan jama ye.

Luka 24:30

Dumunikɛtuma, Yezu sigira n'u ye dumuni na, a ye buru ta ka barika la Ala ye, k'a tilantilan k'a d'u ma.

Yuhana 6:23

Matigi ye barika la Ala ye ka buru caya k'a di mɔgɔw ma yɔrɔ min na, kurun dɔw bɔra Tiberiyadi ka na se o yɔrɔ.

Kɛwalew 27:35

A y'o kuma fɔ ka ban minkɛ, a ye buru ta ka barika la Ala ye k'a karikari, k'a daminɛ k'a ɲimi.

Rɔmukaw 14:17

Bari Ala ka masaya te dumuni, walima minnifɛn koo ye, nga tilenninya ni hɛrɛ ani nisɔndiya koo lo Nii Senuman barika la.

Rɔmukaw 14:3

mɔgɔ min be fɛɛn bɛɛ dumu, ale man kan ka dɔ nin dɔgɔya, ani min te fɛɛn bɛɛ dumu, ale fana kan'a tɔɲɔgɔn nin jalaki, bari Ala sɔnn'a ma.

Rɔmukaw 14:6

Mɔgɔ min be loonw jatiminɛ, o tigi b'o kɛ Matigi le kosɔn, min fana be fɛɛn bɛɛ dumu, o tigi fana b'o kɛ Matigi le kosɔn, a fana be barika la Ala ye. Min te fɛɛn bɛɛ dumu, o tigi fana b'o kɛ Matigi le kosɔn, a fana be barika la Ala ye.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana be yen dumuni kama. Nga Ala do bena u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi be janto a la.

Kor fɔlɔ 7:28

Nga n'i ye muso furu, i ma hakɛ kɛ. Ni sunguru furula fana, ale ma hakɛ kɛ. Nga mɔgɔ minw ye furu kɛ ka ban, olu bena tɔɔrɔba sɔrɔ. Ne b'a fɛ k'aw dɛmɛ ka kisi o ma.

Kor fɔlɔ 8:8

A ma kɛ ko dumunifɛn le b'an gwɛrɛ Ala la, hali n'an m'o dumu, foyi te bɔ an na. N'an fana y'o dumu, foyi te fara an kan.

Kɔlɔsikaw 2:16

Aw kan'a to mɔgɔ si k'aw jalaki dumuniko ni minnifɛnko la, walima sankura ni kalokura ɲanagwɛko la, ani lafiɲɛlonko la.

Kɔlɔsikaw 3:17

N'aw be fɛɛn o fɛɛn kɛ, walima ka fɛɛn o fɛɛn fɔ, aw k'o bɛɛ kɛ Matigi Yezu tɔgɔ la, ka barika la an Faa Ala ye.

Tim fɔlɔ 2:4

ale min b'a fɛ mɔgɔ bɛɛ ka kisi ani ka se ka tiɲɛ lɔn.

Tim fɔlɔ 4:4

Ala ye fɛɛn minw dan, o bɛɛ ka ɲi. Foyi man kan ka fili olu la, nga a daan ye an ka barika la Ala ye k'o dumu,

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, k'u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Heburuw 13:4

Mɔgɔ bɛɛ ka furu boɲa, kakalaya kana kɛ furu kɔnɔ. Bari Ala bena ɲamɔgɔyakɛlaw ni kakalaw kiti.

Heburuw 13:9

Aw kan'a to mɔgɔ si k'aw kuun ɲagami ni kalan wɛrɛ ye. Ayiwa, a ka ɲi an ka jagwɛlɛya sɔrɔ Ala ka nɛɛma barika la. O kana kɛ landa dumuni dɔw barika la, min ma deli ka nafa di u dumubagaw ma ka ye.

Sam fɔlɔ 9:13

Aw dontɔ dugu kɔnɔ, aw ben'a sɔrɔ yen n'a ma taga o saraka dumuni kɛyɔrɔ la fɔlɔ. Bari ale lo bena taga fɔlɔ, jama be sɔrɔ ka dumuni kɛ. Ale lo ka kan ka Ala fo saraka nin kosɔn, mɔgɔweleninw be sɔrɔ ka dumuni kɛ. Aw ka banba ka taga sisan, aw ben'a sɔrɔ yen.»