Tim fɔlɔ 4:2 - ALA KA KUMA

² U bena u yɛrɛ to namaramɔgɔ galontigɛlaw b'u nigɛ, olu minw dusu finnin lo.

Jula NT of Côte d’Ivoire

² Karamɔgɔ faninyafɔbaga flankafu dɔw le bɛna o lafiri; jurumun ka o jusukun gbɛlɛya k’a kɛ i ko nɛgɛ wulenna tasuma ra ka fɛn min jɛni.

LAYIDUKURA

² U bɛna u yɛrɛ to nanbaranmɔgɔ galontigɛlaw b'u nigɛ olu minw dusukun finnin bɛ.

Tim fɔlɔ 4:2 Iomraidhean Croise

Mas fɔlɔ 13:18

Kira cɛkɔrɔba nin y'a fɔ a ye ko: «Ne fana ye kira ye i n'a fɔ ele. Masaba ye mɛlɛkɛ dɔ ci ne fɛ, ko ne ka taga e minɛ ka segi n'i ye soo, i ka na dumuni kɛ ka jii min.» Ka sɔrɔ a tun be galon tigɛr'a ye le.

Mas fɔlɔ 22:22

A ko: ‹Ne bena bɔ ka ne yɛrɛ kɛ nii galontigɛla ye ka don a ka kiraw bɛɛ daa la.› Masaba y'a fɔ k'o nii nin bena se k'a nigɛnigɛ k'a sɔrɔ. Ko a ka ta'a kɛ ten.

Ezayi 9:15

Jama nin ɲamɔgɔw y'u lafili. U tun be minw ɲatilenna, olu kunnacɛnna.

Yeremi 23:14

Nin ye kojugu yɛrɛ yɛrɛ le ye Zeruzalɛmu kiraw fɛ. U be kakalaya kɛ, ka galon tigɛ tuma bɛɛ, ka barika don kojugukɛlaw la janko mɔgɔ si kan'a ka kojugukɛ dabila. U bɛɛ kɛra i ko Sodɔmukaw, ne fɛ. Zeruzalɛmukaw be i ko Gɔmɔrikaw.»

Yeremi 23:26

Miiriya nin ben'a to kira nunu kɔnɔ fɔɔ tuma jumɛn, olu minw be galonkiraya kɛ k'u ka miiriyakolon fɔ?

Yeremi 23:32

Kira minw b'u ka sikokolonw kiraya kɛ, ne bena wili olu kama. Ne Masaba le ko ten! Olu minw be siko nunu lakali ka ne ka mɔgɔw lafili n'u ka galonw n'u ka yɛrɛboɲa ye. Ne m'u ci dɛ! Ne ma sira fana di u ma. U te foyi ɲa mɔgɔ nunu ye. Masaba le ko ten!

Yeremi 5:21

‹Siya hakilitan faamubali, ɲaa b'aw fɛ, nga aw te yeli kɛ, tulo b'aw fɛ, nga aw te mɛnni kɛ.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Kɛwalew 20:30

Dɔw fana bena wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Rɔmukaw 1:28

U ma sɔn ka Ala lɔn minkɛ, Ala fana y'u to u ka miiriyajugu la. A kɛra ten, u man kan ka min kɛ, u b'o le kɛ.

Rɔmukaw 16:18

O mɔgɔ nunu te baara kɛra an Matigi Krista ye, nga janko u kɔnɔbara ka fa. Fanga te mɔgɔ minw na, o b'olu kunnacɛn n'u ka kuma diman, ani u ka namarakuma ye.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Ɛfɛsikaw 4:19

Maloya yɔrɔ ka jan u la, fɔɔ u y'u yɛrɛ bila kakalaya sifa bɛɛ la, u te wasa.

Tim 2nan 3:5

U bena u yɛrɛ kɛ Ala ɲasiranbagaw ye, nga o te sɔn tiɲɛ ma min ye see sɔrɔyɔrɔ ye. E k'i yɛrɛ kɔlɔsi o mɔgɔ sugu nunu na.

Yirari 16:14

O jina nunu ye Sutana ta ye minw be kabakow kɛ. U bena taga diɲɛ kɔnɔ masaw lajɛn ɲɔgɔn kan waasa ka kɛlɛ wili Setigi Ala ka lonba loon na.