Tim fɔlɔ 4:13 - ALA KA KUMA

¹³ Sanni ne ka na, jija ka Ala ka kuma fɔ jama cɛma, k'u waaju, k'u kalan fana.

Jula NT of Côte d’Ivoire

¹³ Sani ne ye se yi, i ye jija ka to ka Ala ta Kitabuw karan mɔgɔw ye, ka o waaju, ka o karan.

LAYIDUKURA

¹³ Yan ni ne ka na yen, i ka jija ka Ala ka kuma fɔ jama cɛma, ka u waaju, ka u kalan fana.

Tim fɔlɔ 4:13 Iomraidhean Croise

Yuhana 5:39

Aw be Ala ka kuma kalan kosɔbɛ bari aw be miiri ko aw bena nii banbali sɔrɔ o kalan fɛ. K'a sɔrɔ o kuma nunu be ne le koo fɔ.

Kɛwalew 17:11

Olu ka koo tun ka di ni Tesaloniki zuwifuw ta ye. U sɔnna Ala ka kuma ma ni dusuɲuman ye. Loon o loon, u tun be ɲɔgɔn fɛ ka to ka Ala ka kuma sɛgɛsɛgɛ k'a filɛ ni Pɔli ka kuma nunu ye tiɲɛ ye.

Kɛwalew 6:4

Anw kɔni bena to ka Ala ka kuma fɔ, ani ka bila Ala daaliko ɲafɛ.»

Rɔmukaw 12:8

Mɔgɔ ladi see dira min ma, o tigi k'o kɛ. Ka mɔgɔw sɔn fɛɛn na, o see dira mɔgɔ min ma, o tigi k'o kɛ, a kana sigasiga. Ka kɛ ɲamɔgɔ ye, o see dira min ma, o tigi ka banba k'o kɛ. Mɔgɔ min be makari, o tigi k'o kɛ ni nisɔndiya ye.

Kor fɔlɔ 14:26

Ne ka mun le fɔ sa n balimaw? N'aw be lajɛnni na, ni mɔgɔ dɔ b'a fɛ ka dɔnkili la, o k'o la. Ni kalan be dɔ wɛrɛ fɛ, ale ka mɔgɔw kalan. Ni koo yirata be dɔ wɛrɛ fɛ ka bɔ Ala fɛ, o k'o fɔ. Dɔ b'a fɛ ka kuma kaan wɛrɛ la wa? O tigi k'o kɛ. Ni mɔgɔ dɔ be se k'o kɔrɔ fɔ, o tigi k'o fɔ. O koo bɛɛ ka kan ka kɛ waasa mɔgɔ bɛɛ ka taga ɲa.

Kor fɔlɔ 14:3

Nga mɔgɔ min be kiraya kɛ, o tigi be kumana mɔgɔw fɛ, a be olu dɛmɛ k'u ladi ani k'u jaa gwɛlɛya.

Kor fɔlɔ 14:6

N balimaw, n'a kɛra ko ne tun nana aw fɛ ka kuma aw fɛ kaan wɛrɛ la, min te koo dɔ yira, n'a te lɔnniya d'aw ma, ni kirayakuma t'o la, n'a t'aw kalan fana, o bena mun le ɲa aw ye?

Sariya 17:19

A k'o bila a yɛrɛ gɛrɛfɛ, ka to k'a kalan loon bɛɛ a sii bɛɛ kɔnɔ, waasa a ka se ka siran Masaba a ka Ala ɲa, ani ka sariya nin kɔnɔnakuma n'a ka fɔta bɛɛ bato.

Tim fɔlɔ 4:16

I yɛrɛ minɛ ani k'i ka mɔgɔ kalancogo kɔlɔsi fana. E k'i jija o la, n'o kɛra, i bena i yɛrɛ kisi ani k'i lamɛnbagaw fana kisi.

Tim fɔlɔ 4:6

N'i be i balimaw kalan n'o koo ye, i bena kɛ Yezu Krista ka baarakɛlaɲuman ye. Min labɛnna jigiɲuman ni kalanɲuman barika la.

Tim 2nan 3:15

Kabini i denmisɛn tuma, i ye Ala ka kuma lɔn, min be se ka hakilitigiya d'i ma, min barika la mɔgɔ b'a jigi la Yezu Krista kan ka kisi.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni muɲuli ye u kalanwaati la.

Tite 2:15

I ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye ten. Kan'a to mɔgɔ si k'i dɔgɔya fana.

Yosuwe 1:8

I kana sariyasɛbɛ nin kalan dabila abada, i ka to ka miiri a kɔnɔnako la suu fara tile kan, janko i ka se ka taama ka kɛɲɛ ni sɛbɛ nin kɔnɔnakuma bɛɛ ye. Bari i bena see sɔrɔ o le barika la, i ka koo kɛtaw ka ɲa.