Tim fɔlɔ 4:12 - ALA KA KUMA

¹² Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Jula NT of Côte d’Ivoire

¹² I kana a to mɔgɔ si ye i dɔgɔya ko i ye denmisɛn ye. A to lanabagaw ye i kumacogo ye, ani i tagamacogo, ani i ta kanuya, ani i ta lanaya, ani i jusukun saninyacogo, janko o ye i ladegi o ra.

LAYIDUKURA

¹² I kan'a to mɔgɔ si k'i dɔgɔya i ka denmisɛnya kama, nga i ka siranyuman yira u la, i ka kumacogo, n'i ka taamacogo fɛ, n'i ka mɔgɔ kanucogo, n'i ka lanaya, an'i ka mɔgɔsɛbɛya fɛ.

Tim fɔlɔ 4:12 Iomraidhean Croise

Jakariya 2:4

Ne y'a ɲininga ko: «Nunu be nana mun le kɛ?» A ye ne jaabi ko: «Gɔɔn nunu le ye Zuda mara mɔgɔw yɛrɛkɛ fɔɔ hali mɔgɔ kelen te se k'a kuun kɔrɔta. Numu nunu nana janko k'u jaa tigɛ, ka siya nunu ka gɔɔnw halaki, u tun ye sebagaya min kɛ ka Zuda mara kɛlɛ k'u yɛrɛkɛ.»

Matiyu 18:10

«Aw k'aw yɛrɛ kɔlɔsi, aw si kana denmisɛn nunu dɔ dɔgɔya, bari ne b'a fɔ aw ye k'olu ka mɛlɛkɛw be n Faa ɲakɔrɔ arijana na tuma bɛɛ. [

Kor fɔlɔ 11:1

Aw ka kɛ ne ladegebagaw ye, i n'a fɔ ne fana kɛra Krista ladegebaga ye cogo min na.

Filipikaw 4:8

O bɛɛ kɔ, n balimaw, koo minw kɛra tiɲɛko ye, boɲa be sɔrɔ min na, ni tilenninya, ni koo gwɛnin, ni koo diman, ani kunkɔrɔtako, ni sɔnɲuman min be na ni tɔgɔɲuman ye, o dama ka kɛ aw ka miiri ye.

Tes fɔlɔ 1:6

Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye min ye Nii Senuman ta ye, k'aw to tɔɔrɔba cɛma.

Tes fɔlɔ 2:10

Aw yɛrɛ b'a lɔn ni Ala fana, ko aw minw lara Yezu la, an taamacogo tun ka ɲi aw cɛma, a tilennin tun lo, jalakiyɔrɔ tun te an na.

Tim fɔlɔ 1:14

An Matigi ye nɛɛma kɛ ne ye kosɔbɛ, ka lanaya ni kanuya di ne ma min be sɔrɔ Yezu Krista ka jɛnɲɔgɔnya fɛ.

Tim 2nan 2:15

I jija ka kɛ mɔgɔsɔbɛ ye Ala ɲakɔrɔ, baarakɛlasɔbɛ min te maloya fewu, min be tilen ka tiɲɛ fɔ.

Tim 2nan 2:22

I yɛrɛ kɔlɔsi nigɛjugu ma, min be sɔrɔ kanbelenya la, to ka tilenninyakow kɛ, k'i jigi la Matigi kan, k'a kanu, ani ka hɛrɛ ɲini ni mɔgɔw ye, minw y'u jigi la Matigi kan ni kɔnɔgwɛ ye.

Tim 2nan 2:7

Ne be koo minw fɔra i ye, i ka miiri olu la k'u faamu, bari Matigi bena hakili d'i ma o koo bɛɛ la.

Tite 2:15

I ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye ten. Kan'a to mɔgɔ si k'i dɔgɔya fana.

Tite 2:7

fɛɛn bɛɛ la. I ka cogoɲuman yira u la, n'i b'u kalana i kɔnɔgwɛ ka o kɛ ni ɲamalɔ ye.

Yakuba 3:13

Jɔn ye hakilitigi ye aw cɛma? O tigi k'a yira a ka kɛwaliɲumanw fɛ a be minw kɛ ni yɛrɛmajigi ani hakilitigiya ye.

Yakuba 3:17

Nga hakilitigiya min be Ala fɛ, o be mɔgɔ kɛ mɔgɔɲuman ye, hɛrɛmɔgɔ, hinɛbaga, min ka koo ka di, a ka kɛwaliw ka ɲi kosɔbɛ. A be makari kosɔbɛ. A te wolomani kɛ. A te kuma fila fɔ.

Piy fɔlɔ 5:3

Minw kalifara aw ma, aw kana kuntigiya digi u la dɛ! Nga aw ka siraɲuman yira u la.