Tim fɔlɔ 3:3 - ALA KA KUMA

³ A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min be wari kanu.

Jula NT of Côte d’Ivoire

³ A kana kɛ dɔrɔminbaga ye, walama mɔgɔ jusufari, nka a ye kɛ mɔgɔ sabarinin ye, a kana kɛ kɛrɛtigɛbaga ye, a kana kɛ wari kanubaga ye.

LAYIDUKURA

³ A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min bɛ wari kanu kojugu.

Tim fɔlɔ 3:3 Iomraidhean Croise

Zanaw 1:19

Soon bɛɛ laban bena kɛ ten. A nii bena bɔsi a la.

Zanaw 15:27

Tɔnɔjugu ɲinibaga be ɲagamini don a ka soo kɔnɔ. Mɔgɔ min te sɔn dasanfɛn ma, o tigi bena sijan sɔrɔ.

Waajurikɛbaga 7:8

Ka koo laban ye, o ka fisa n'a daminɛ ye. Muɲuli ka fisa ni yɛrɛboɲa ye.

Ezayi 28:1

Samari dugu min kɛra i ko masafugulan, bɔnɛ y'i ta ye! E min kɛra Isirayɛli mara dɔrɔtɔw ka kunnawolofɛn ye, n'i siginin be kɔkɛnɛɲuman cɛma, i ka masirifɛn ye feeren fɔnsɔnfɔnsɔnninw le ye i ka dɔrɔtɔw kunna.

Ezayi 28:7

Sarakalasebagaw, ni kiraw fara duvɛn la! U be talontalonna dɔrɔ farimanw bolo, dɔrɔ farimanw y'u ɲanamini. U te yelifɛnw kɔrɔ faamu tugu. Tiɲɛ fɔwaati kitituma na, u hakili be ɲagami.

Yeremi 6:13

Denmisɛn ni mɔgɔkɔrɔbaw bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Yeremi 8:10

«O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Ezekiyɛli 44:21

N'u dɔ be don kɔnɔnalu kɔnɔ tuma min na, a man kan ka duvɛn min.

Sarakalasebagaw 10:9

«N'aw be don Ɲɔgɔnkunbɛn fanibugu kɔnɔ tuma min na, ele n'i dencɛw, aw kana duvɛn, walima minnifɛn fariman wɛrɛ min, n'o tɛ, aw bena sa. O ye sariya ye aw kɔmɔgɔw bɛɛ fɛ, min tena dabila abada,

Mise 2:11

Ni mɔgɔ dɔ wilila ka to ka kumakolon fɔ, n'a be galon tigɛ ko: ‹Aw bena duvɛn, ani dɔrɔ fariman caaman sɔrɔ.› Ɔnhɔn, o kira fufɔla ɲɔgɔn le ka kan ni siya nin ye!

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Mise 3:5

Masaba y'a fɔ ko: «Kira minw b'a kɛ ne ka mɔgɔw be fili, ni min ye dumuni d'u ma, u be hɛrɛko fɔ. Ni min ma dumuni d'u ma, u be kɛlɛba labɛnko fɔ o tigi kama.

Malaki 1:10

«Ee! Mɔgɔ kelen jumɛn le bena n ka soo daa tugu sa? Waasa aw kana tasuma mana n ka sarakabɔyɔrɔ la gwansan! Aw nigɛ te n na hali dɔɔni! Ne Masaba, Setigi le ko ten. Aw be saraka minw bɔ, n t'u minɛ.

Matiyu 21:13

O kɔ, a y'a fɔ u ye ko a fɔra Ala ka kuma na ko: «Ne ka soo bena kɛ daalilikɛyɔrɔ ye. Nga aw kɔni y'a kɛ soonw ka yɔrɔ ye.»

Kɛwalew 20:33

Ne ma n ɲaa bɔ aw si ka wari fɛ, walima sanu, walima fani.

Rɔmukaw 16:18

O mɔgɔ nunu te baara kɛra an Matigi Krista ye, nga janko u kɔnɔbara ka fa. Fanga te mɔgɔ minw na, o b'olu kunnacɛn n'u ka kuma diman, ani u ka namarakuma ye.

Ɛfɛsikaw 5:18

Aw kana fa duvɛn na, o be mɔgɔ mako sa, aw ka fa Nii Senuman na.

Tes fɔlɔ 5:14

An b'a ɲini aw fɛ n balimaw, ko aw ka mɔgɔkolonw ladi, ka siranbagatɔw jaa gwɛlɛya, ka barikatanw dɛmɛ, ani ka muɲu bɛɛ kɔrɔ.

Tim fɔlɔ 3:8

Krista ka jama ɲamɔgɔw dɛmɛbagaw ka kan ka kɛ mɔgɔsɔbɛw ni kumakelentigiw ye, u man kan ka kɛ dɔrɔtɔw ye, walima mɔgɔ minw be tɔnɔ ɲini tilenbaliya la.

Tim 2nan 3:2

Mɔgɔw bena kɛ sɔnjuguw ye, wari koo bena diya u ye kosɔbɛ, u bena kɛ yɛrɛboɲalaw ye. U bena Ala tɔgɔ cɛn, u tena mɛnni kɛ u wolobagaw fɛ, u bena kɛ ɲumanlɔnbaliw ye, u tena Ala ka koow jati.

Tite 1:11

I ka kan k'u bali u kana kuma. U be se ka faaw n'u deenw kunna cɛn, n'u ka kalanjugu ye u be min kɛ tɔnɔjugu kama.

Tite 1:7

Krista ka jama ɲamɔgɔ, min ye a marabaga ye, o ka kan ka kɛ mɔgɔ ye jalakiyɔrɔ te min na. A kana kɛ yɛrɛboɲanla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min be namara kɛ ka tɔnɔ sɔrɔ.

Tite 2:3

O cogo kelen na fana, i k'a fɔ musokɔrɔbaw ye k'olu taamacogo ka bɛn ni mɔgɔsɔbɛya ye Ala faan fɛ. U kana kɛ mɔgɔ tɔgɔcɛnlaw ye, ani u fana kana kɛ dɔrɔtɔw ye. Olu ka mɔgɔw dege koɲuman kɛli la.

Tite 3:2

U kana mɔgɔ si tɔgɔ cɛn, u kana kɛlɛ kɛ, u k'u yɛrɛ kɛ mɔgɔsɔbɛw ye, ka muɲu bɛɛ kɔrɔ tuma bɛɛ.

Heburuw 13:5

Wari ɲiniko kana fiɲɛ don aw si tagamacogo la. Min b'aw bolo, o k'aw wasa. Bari Matigi yɛrɛ le ko: «Ne tena i to i kelen, n tena i bila abada.»

Yakuba 4:1

Kɛlɛ ni sɔsɔli minw be wili aw cɛma wo, olu be bɔ min le? O be bɔ nigɛjuguw la minw b'aw ɲɔtiɲɔtira.

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka ɲa ni dusuɲuman ye ka kɛɲɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔɲini kana sɔrɔ a la.

Piy 2nan 2:3

U ka wariɲini kojugu kosɔn, u bena galon labɛn k'aw ɲagami n'o ye tɔnɔ kama. U kitibaga labɛnnin lo a mɛnna. U halakiwaati tɔɔ man jan.

Zude 1:11

Bɔnɛ y'u ta ye, bari u ye Kayɛn ka sirajugu ɲɔgɔn taama. U ye tiɲɛ sira bila sara kama i n'a fɔ Balamu tun y'a kɛ cogo min na. U ta cɛnna murutili kama i n'a fɔ Kore halakira cogo min na.

Yirari 1:9

An minw kɛra masadenw ye n'an be tɔɔrɔ muɲuna Yezu kosɔn, ne Zan, aw baden, ne tun be jamanadennin dɔ la kɔgɔji cɛma min tɔgɔ ko Patimɔsi, Ala ka kuma ni Yezu seereya kama.

Sam fɔlɔ 8:3

Nga u ma sɔn k'u facɛ sɔɔn ta, u donna namara la ka to ka fɛɛnw minɛ mɔgɔw fɛ, u tun te kititilennin tigɛ tugu.