Tim fɔlɔ 3:15 - ALA KA KUMA

¹⁵ Hali ni ne mɛnna fana, e bena se k'i yɛrɛ minɛcogo lɔn Ala ka somɔgɔw cɛma, min ye Krista ka jama ye, min kɛra tiɲɛ juu sigiyɔrɔ n'a tintinyɔrɔ ye.

Jula NT of Côte d’Ivoire

¹⁵ Nka ne bɛ nin sɛbɛ janko ni ne nana kɛ mɛɛnfɛn ye, i ka kan ka min kɛ Ala ta mɔgɔw cɛ ra, i ye o lɔn; o mɔgɔw ye Ala ɲanaman ta lanabagaw ta jɛnkuru le ye. Lanaya can lɔra ka sinsin o jɛnkuru le baraka ra, i ko samasen.

LAYIDUKURA

¹⁵ Hali ni ne mɛnna fana, e bɛna se k'i yɛrɛ minɛcogo lɔn Ala ka somɔgɔw cɛma, min ye Ala ka jama ye, min kɛra tinyɛ juu sigiyɔrɔ n'a tintinyɔrɔ ye.

Tim fɔlɔ 3:15 Iomraidhean Croise

Mas fɔlɔ 2:2

«Diɲɛmɔgɔw bɛɛ be taga yɔrɔ min na, ne fana be tagara o yɔrɔ la. I ka barika don i yɛrɛ la, k'i yɛrɛ kɛ cɛɛ ye.

Mas fɔlɔ 2:4

O la, Masaba ye kuma min fɔ ne ye, o bena kɛ. A ko: ‹N'i kɔmɔgɔw ye ne sago kɛ, ka taama tilenninya la ne ɲakɔrɔ, n'u dusu bɛɛ ye, i tena fɔn kɔmɔgɔ la Isirayɛli ka masasigilan kan.› »

Mas 2nan 19:4

Asiri masacɛ y'a ka kɛlɛmasa ci ka na Ala dɔgɔya. N'a sɔrɔ Masaba i ka Ala bena o kuma nunu bɛɛ mɛn, k'a ɲaa gwan o kosɔn. O la, Ala daali an ka siya tɔɔ ye.»

Lok fɔlɔ 22:13

Masaba y'a ka sariya n'a ka cii minw di Musa ma Isirayɛlidenw kosɔn, i ka olu kɔlɔsi k'o bato, i bena se ka taga ɲa. O la, barika don i yɛrɛ la k'i jaa gwɛlɛya! Kana siran, i jaa kana tigɛ.

Zaburu 42:2

Minan be hami jii nɔfɛ cogo min, ne mako be e la ten, Ala.

Zaburu 84:2

Masaba, Setigi, e ka soo koo ka di ne ye dɛ!

Yeremi 1:18

Ayiwa, bii yɛrɛ, ne y'i kɛ i n'a fɔ dugu barikaman, i n'a fɔ nigɛbere, ni kogo ziralaman jamana bɛɛ kama, ni Zuda mara masaw, n'a ka ɲamɔgɔw, n'a ka sarakalasebagaw ni jamanadenw kama.

Yeremi 10:10

Nga Masaba ye Ala yɛrɛ yɛrɛ ye, ale lo ye Ala ye, ale ka masaya te ban. N'a dimina, dugukolo be yɛrɛyɛrɛ. Siyaw te se ka lɔ a diminin ɲa.

Yeremi 23:36

Nga, aw man kan k'a fɔ tugu ko Masaba ka doni. Aw kelen kelen bɛɛ ka kuma le ye aw ka doni ye, bari aw be Ala ka kuma kɔrɔ yɛlɛma, Masaba, Setigi, an ka Ala.

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Matiyu 16:16

Simɔn Piyɛri y'a jaabi ko: «I ye Ala ka Mɔgɔ wolomanin nin ye, Ala Dencɛ.»

Matiyu 18:18

Tiɲɛ na, ne b'a fɔ aw ye ko aw mana fɛɛn o fɛɛn siri dugukolo kan, o bena siri sankolo la. N'aw ye fɛɛn o fɛɛn foni dugukolo kan, o bena foni sankolo la.

Yuhana 1:17

Ala ka sariya sɔrɔla Musa sababu la. Nga Yezu Krista le nana ni Ala ka nɛɛma, n'a ka tiɲɛ ye.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 18:37

Pilati y'a fɔ a ye ko: «E ye masa ye kɛ?» Yezu y'a jaabi ko: «Ele lo b'a fɔra ko ne ye masa ye. Ne wolola o le kama. Kana diɲɛ na janko ka tiɲɛ fɔ. Mɔgɔ o mɔgɔ, min lɔnin be tiɲɛ kan, o tigi be mɛnni kɛ ne fɛ.»

Yuhana 6:69

Anw kɔni lara e la, an y'a lɔn fana ko i ye Ala ka mɔgɔɲuman ye a ye min ci.»

Kɛwalew 1:2

fɔɔ ka taga se a kɔrɔtalon ma ka taga arijana na, n y'o bɛɛ lakali o kɔnɔ. Yanni a ka yɛlɛ ka taga arijana na, a tun ye mɔgɔ minw woloma k'u kɛ a ka cidenw ye, a ye kangari la u ye Nii Senuman barika la.

Kɛwalew 14:15

«Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Rɔmukaw 3:2

O tɔnɔ ka bon cogo bɛɛ la. Ala ka kuma kalifara zuwifuw le ma.

Rɔmukaw 9:26

Yɔrɔ min na a tun fɔra u ye ko: ‹Aw te ne ka mɔgɔw ye›, o yɔrɔ kelen na, u bena wele ko Nitigi Ala deenw.»

Kor fɔlɔ 10:32

Aw kana kɛ sababu ye ka mɔgɔ si kunnacɛn, a kɛra siya wɛrɛ ye wo, zuwifu ye wo, minw lara Ala la, aw kana kɛ sababu ye u si ma.

Kor fɔlɔ 3:16

Aw m'a lɔn ko aw kɛra Ala sigiyɔrɔ ye wa, ani ko Ala ka Nii siginin be aw kɔnɔ wa?

Kor 2nan 3:3

Aw kɛra Krista ka bataki ye, o min cira an barika la. A m'a sɛbɛn ni sɛbɛnnikala ye, nga a sɛbɛnna Nitigi Ala ka Nii le barika la, a fana ma sɛbɛn walaka kabakurulaman kan, nga adamaden dusu la.

Kor 2nan 6:16

Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»

Kor 2nan 6:7

an ka tiɲɛ fɔli, ni Ala ka sebagaya fɛ. An be kotilennin ta k'o kɛ i n'a fɔ an ka maramafɛn, ka kɛlɛ kɛ n'o ye ani k'an yɛrɛ mara n'o ye fana.

Galasikaw 2:9

Zaki ni Piyɛri ani Zan olu minw tun be jati kosɔbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛɲɔgɔnw ye, waasa an ka taga siya wɛrɛw fɛ, olu ka taga zuwifuw fɛ.

Galasikaw 3:1

Aw Galatika nalomanw, mɔgɔ jumɛn le y'aw ɲaa ɲini ten? K'a sɔrɔ Yezu Krista ka sayako lɔgɔ kan fɔra ka gwɛ aw ye kosɔbɛ.

Ɛfɛsikaw 4:21

Aw kɔni y'a koo mɛn, aw kalanna o la ka kɛɲɛ n'a ka tiɲɛ ye.

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Sariya 5:26

Mɔgɔ jumɛn be yen n'a ye Ala kaan mɛn ka bɔ tasuma cɛma i n'a fɔ anw, n'o tigi ɲanaman tora?

Kɔlɔsikaw 1:5

Aw jigi lanin be fɛɛn min kan arijana na, aw ye o jigi nin sɔrɔ kibaru diman barika la, min ye tiɲɛkuma ye, aw kɔnna k'o le mɛn.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Tim fɔlɔ 3:14

Ne be bataki nin ci i ma, ne hakili b'a la ka na bɔ i fɛ yanni dɔɔni.

Tim fɔlɔ 3:16

Alaɲasiran ye gundoba ye! A y'a yɛrɛ kɛ mɔgɔ ye ka na, Nii Senuman y'a ka tilenninya yira, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lar'a la diɲɛ kɔnɔ, Ala y'a ta ka taga n'a ye a ka nɔɔrɔ la. Mɔgɔ si te se k'o sɔsɔ.

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tim fɔlɔ 3:5

Bari mɔgɔ min te se k'a yɛrɛ ka somɔgɔw mara, minw lara Ala la o tigi bena se k'olu mara cogo di?

Tim fɔlɔ 4:10

O le y'a to an be baara kɛ ka sigɛn ani ka banba, bari Nitigi Ala ye mɔgɔ bɛɛ kisibaga ye, janko minw lar'a la.

Tim fɔlɔ 6:16

Ale kelen le te sa, a be kɛnɛ na mɔgɔ si te se ka gwɛrɛ min la. Mɔgɔ ma Ala ye, mɔgɔ te se k'a ye fana. Boɲa ni sebagaya ye ale ta ye tuma bɛɛ. Amiina.

Tim 2nan 2:19

O bɛɛ n'a ta, Ala ye koo min dabɔ, o be to a nɔɔ na. Kuma nin le kɛra o taamasiɲɛ ye, ko: «Minw ye Matigi ta ye, a b'olu lɔn,» ani «Mɔgɔ minw bɛɛ be Matigi bato, olu ka faran tilenbaliya koo la.»

Tim 2nan 2:20

A ma kɛ ko minan minw dilanna ni sanu ye, walima ni warigwɛ ye, k'olu dama le be soo kɔnɔ, nga minw dilanna ni yiri ye, ani bɔgɔ ye, olu fana be yen. Dɔw kɛra baara saniyanin kama, dɔw fana kɛra ɲamaɲamacɛ ta ye.

Heburuw 10:21

Sarakalasebagaw kuntigiba b'an fɛ Ala ka soo kunna.

Heburuw 12:22

Nga aw kɔni, aw gwɛrɛla *Siyɔn kulu ni Nitigi Ala ka dugu la, n'o ye sankolo Zeruzalɛmu ye, ka gwɛrɛ mɛlɛkɛ caaman caaman na n'u be ɲanagwɛ la.

Heburuw 3:12

O tuma na n badenw, aw bɛɛ k'aw yɛrɛ minɛ aw si kana kɛ mɔgɔjugu ye, lanabaliya kan'a kɛ aw be ban Nitigi Ala la.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.

Yosuwe 3:10

Aw ben'a lɔn nin le fɛ ko Ala be ni aw ye, ko a bena kanaanw gwɛn aw ɲa, ani itiw ni iviw, ani periziw ni girigasiw, ni amoriw ani zebuziw.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 4:17

Kiti tigɛtuma sera. A do bena daminɛ Ala ka mɔgɔw ma. Ni kiti be daminɛ anw le ma, minw be ban ka la Ala ka kibaru diman na, olu ta bena kɛ cogo di sa?

Yirari 7:2

N ye mɛlɛkɛ wɛrɛ bɔtɔ ye kɔrɔn fɛ. Nitigi Ala ka taamasiɲɛ tun b'a bolo. See tun dira mɛlɛkɛ naani minw ma k'u ka dugukolo ni kɔgɔji halaki, ale mɛlɛkɛ nin pɛrɛnna k'a fɔ olu ye ko:

Sam fɔlɔ 17:26

Dawuda y'a fɔ a gɛrɛfɛmɔgɔw ye ko: «Ni mɔgɔ min sera ka filisicɛ nin faga ka maloya bɔ Isirayɛlidenw kan, u bena mun le kɛ o tigi ye? Filisicɛ nin ye jɔn ye, kɛnɛkɛnɛbali nin, n'a be Ala ka jama darabɔ ten?»

Sam fɔlɔ 17:36

I ka baaraden tun sera ka jara ni wara faga. O cogo kelen na, a bena se filisicɛ kɛnɛkɛnɛbali nin kɔrɔ fana i n'a fɔ wara nunu dɔ, bari a be Ala ka kɛlɛdenw darabɔra.