Tim fɔlɔ 2:7 - ALA KA KUMA

⁷ O le kosɔn, ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tiɲɛ lɔn. Ne be tiɲɛ le fɔra, ne te galon tigɛra.

Jula NT of Côte d’Ivoire

⁷ Ala ka ne kɛ waajurikɛbaga ye, ani ciraden* ye, o le kosɔn. Ne bɛ can le fɔra, faninya tɛ! Ala ka ne kɛ siya wɛrɛ mɔgɔw* ta karamɔgɔ ye, janko ne ye lanaya sira ni can yira o ra.

LAYIDUKURA

⁷ O le kɔsɔn ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tinyɛ lɔn. Ne bɛ tinyɛ le fɔra, ne tɛ galon tigɛra.

Tim fɔlɔ 2:7 Iomraidhean Croise

Zaburu 111:7

A ka baara ye kantigiya ni tilenninya ye. Mɔgɔ be se k'a jigi la a ka fɔta bɛɛ kan.

Waajurikɛbaga 1:12

Ne Waajulikɛla tun ye Isirayɛlidenw ka masacɛ ye Zeruzalɛmu.

Waajurikɛbaga 7:27

Waajulikɛla ko: «Ne ye min lɔn, o ye nin ye. Ka koow jati minɛ kelen kelen ɲɔgɔn kɔ waasa k'u kɛkun lɔn.

Yuhana 7:35

Zuwifuw tora k'a fɔ u ni ɲɔgɔn cɛ ko: «Nin bena se ka taga yɔrɔ jumɛn n'anw ben'a yɔrɔ ɲini ka dɛsɛ? An ka siya minw jɛnsɛnnin be siya wɛrɛw cɛma, a bena taga olu le fɛ ka siya wɛrɛw kalan wa?

Kɛwalew 14:27

U sera yen tuma min na, u ye Krista ka jama lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ ɲafɔ u ye.

Kɛwalew 22:21

A y'a fɔ ne ye ko ale bena ne ci ka taga yɔrɔjan siya wɛrɛw fɛ.»

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 9:15

Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Rɔmukaw 1:9

Ne be baara kɛ Ala min ye ni n dusu ye k'a Dencɛ koo fɔ, o min ye kibaru diman ye, ale ye ne seere ye ko ne be to k'aw ka koo miiri

Rɔmukaw 10:14

U be se ka kɛ cogo di ka Matigi daali, n'u ma l'a la? U fana be se ka l'a la cogo di, n'u m'a koo mɛn? U fana be se k'a koo mɛn cogo di, ni mɔgɔ m'a fɔ u ye?

Rɔmukaw 11:13

Ne b'o fɔ aw siya wɛrɛw ye, ne cira ka baara kɛ aw le ye, ne be boɲa la o baara nin kan,

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Rɔmukaw 9:1

Krista ka jɛnɲɔgɔnya barika la ne be min fɔ, o ye tiɲɛ ye, galon tɛ, Nii Senuman yɛrɛ b'a yira ne la ko ne be min fɔ, ko tiɲɛ lo.

Kor fɔlɔ 9:1

Ne te n yɛrɛ ta ye wa? Ne te ciden ye wa? Ne ma an Matigi Yezu ye wa? Aw te ne ka baara nɔɔ ye Matigi Yezu barika la wa?

Kor 2nan 11:31

Ala min ye an Matigi Yezu Faa ye, ale min tɔgɔ ka kan ka boɲa tuma bɛɛ, ale b'a lɔn ko ne te galon tigɛra.

Galasikaw 1:16

A y'a Dencɛ yira ne la, waasa ne k'a koo fɔ siya wɛrɛw ye. O la, o yɔrɔnin bɛɛ, ne ma adamaden ka ladili kɔnɔ.

Galasikaw 1:20

Ne be koo minw bɛɛ fɔra aw ye, Ala b'a lɔn ko ne te galon tigɛra.

Galasikaw 2:16

An b'a lɔn ko mɔgɔ si te se ka jati mɔgɔtilennin ye sariya batoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya batoli barika la, bari mɔgɔ si te se ka jati mɔgɔtilennin ye sariya batoli barika la.

Galasikaw 2:9

Zaki ni Piyɛri ani Zan olu minw tun be jati kosɔbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛɲɔgɔnw ye, waasa an ka taga siya wɛrɛw fɛ, olu ka taga zuwifuw fɛ.

Galasikaw 3:9

Ibrayima lara Ala la, o la, a ye duba sɔrɔ. O cogo la, mɔgɔ o mɔgɔ mana la Ala la, o tigi be duba sɔrɔ fana.

Tim 2nan 1:11

Ala ye ne wele o kibaru diman nin fɔli kama ka n kɛ ciden ni karamɔgɔ ye.

Piy 2nan 2:5

Ala ma hinɛ fɔlɔfɔlɔ mɔgɔw la fana. A ye jiba bila ka na Alaɲasiranbaliw bɛɛ halaki k'a tɔɔ to Nuhun, min tun be tilenninyako fɔ, ani mɔgɔ wolonwula.