Tim fɔlɔ 2:6 - ALA KA KUMA

⁶ A y'a yɛrɛ saraka mɔgɔ bɛɛ kunmabɔli kosɔn. Ala y'o yira waati latigɛnin na.

Jula NT of Côte d’Ivoire

⁶ A ka a yɛrɛ kɛ saraka ye, ka kɛ mɔgɔw bɛɛ ta jurumun sara ye. O seereyakuma le tun fɔra ka kaɲa ni Ala ta wagati ye.

LAYIDUKURA

⁶ A y'a yɛrɛ saraka mɔgɔ bɛɛ ka kunmabɔli kɔsɔn. O cogo la, a y'a yira waatilatigɛnin na ko Ala b'a fɛ mɔgɔ bɛɛ ka kisi.

Tim fɔlɔ 2:6 Iomraidhean Croise

Ayuba 33:24

Mɛlɛkɛ be makari a la k'a fɔ Ala ye ko: ‹Makari a la. Kan'a to a be sa, ne y'a kunmabɔfɛn sɔrɔ.›

Ezayi 53:6

Anw bɛɛ tun be yaalala an kunfɛ i ko sagaw, an kelen kelen bɛɛ tun be n'an ka sira ye. Nga Masaba ye anw bɛɛ ka juguya sara la a kunna.

Jateri 7:15

A fana nana ni tura ye, ani sagajigi, ni sankelensaga, min bena kɛ saraka jɛnita ye,

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Marika 1:15

A tun b'a fɔ ko: «Ala tun ye waati min latigɛ, o sera. Ala ka masaya waati surunyana. Aw ye nimisa ka faran aw ka kojuguw la ka la kibaru diman na.»

Marika 10:45

bari Mɔgɔ Dencɛ ma na waasa mɔgɔw ka baara kɛ a ye, nga a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ kunmabɔ sara ye.»

Yuhana 10:15

O la, ne be n Faa lɔn, n Faa fana be n lɔn. Ne be n nii di n ka sagaw kosɔn.

Yuhana 6:51

«Dumuni ɲanaman min bɔra sankolo la, ne lo. Ni min y'o dumu, o tigi be to nii na tuma bɛɛ. Ne bena dumuni min di, o ye ne fari yɛrɛ le ye. Ne be n yɛrɛ di waasa diɲɛ ka se ka nii banbali sɔrɔ.»

Rɔmukaw 16:26

Nga sisan a yirala kɛnɛ kan, siya wɛrɛw bɛɛ be se k'a lɔn kiraw ka sɛbɛ barika la, ka kɛɲɛ ni waati bɛɛ Ala ka cii ye, janko u ka se ka la Ala la ka mɛnni kɛ a fɛ.

Rɔmukaw 5:6

Tiɲɛ na, tuma min na barika tun te an na, Krista sara mɔgɔjuguw kosɔn o waati latigɛnin na.

Kor fɔlɔ 1:6

Bari Krista koo min fɔra aw ye, o ye sigiyɔrɔ sɔrɔ aw kɔnɔ.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Galasikaw 4:4

Nga Ala ka waati latigɛnin dafara tuma min na, a y'a Dencɛ ci, muso y'a wolo sariya kɔrɔ,

Ɛfɛsikaw 1:17

An Matigi Yezu Krista ka Ala, min ye Faa Nɔɔrɔtigi ye, n b'ale daali a ka Nii Senuman di aw ma, min bena lɔnniya di aw ma, k'a ka koo gwɛ aw ye aw ka se k'o lɔn kosɔbɛ,

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Ɛfɛsikaw 3:5

O koo dogonin ma se ka yira adamaden si la waati tɛmɛninw na, i n'a fɔ a yirala Ala ka cidenw, n'a ka kiraw la cogo min na sisan Nii Senuman barika la.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tim fɔlɔ 6:15

Ala kelenpe min ye setigi ye, ni dubatigi, masaw ka Masa, matigiw ka Matigi, bena o kɛ a ka waati latigɛnin na.

Tim 2nan 1:8

I kana maloya k'an Matigi koo fɔ, i kana maloya ni ne fana ka koo ye, ne min be kaso la ale kosɔn. Nga i ka sɔn tɔɔrɔ ma i n'a fɔ ne, kibaru diman kosɔn, Ala barika la.

Tite 1:3

A ka waati latigɛnin sera tuma min na, a y'o yira a ka kuma barika la. An kisibaga Ala le y'o baara kalifa ne ma.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 9:12

Krista ma don o Yɔrɔ senumanw ka senuman na ka bakɔrɔnin joli, walima misiden joli di Ala ma dɛ. Nga a y'a yɛrɛ joli le di Ala ma siɲɛ kelenpe k'anw hɔrɔnya pewu!

Piy fɔlɔ 2:24

A y'an ka hakɛw bɛɛ ta a yɛrɛ kunna lɔgɔ kan, waasa anw kana kɛ hakɛw ka bila la tugu, an ka taamacogokura ta min tilennin lo. Bari aw kɛnɛyara a ka jolidaw sababu la.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 4:10

Kanuya filɛ nin ye. A ma kɛ i n'a fɔ anw ye Ala kanu! Ale lo y'an kanu k'a Dencɛ ci an ma. An ka hakɛw yafara ale ka yɛrɛ saraka barika la.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.