Tim fɔlɔ 2:5 - ALA KA KUMA

⁵ Bari Ala kelen le be yen, ani soronanikɛla kelen dama le be yen Ala ni mɔgɔw cɛ. O ye Yezu Krista ye, min ye mɔgɔ ye.

Jula NT of Côte d’Ivoire

⁵ Sabu Ala kelenpe le bɛ yi, soronarikɛbaga kelenpe le fana bɛ Ala ni mɔgɔw cɛ: o ye Yesu Kirisita ye, min kɛra adamaden ye.

LAYIDUKURA

⁵ Bari Ala kelen le bɛ yen, ani soronakɛla kelen dama le bɛ yen Ala ni mɔgɔw cɛ. O ye Yezu Krista ye, o min ye mɔgɔ ye i n'a fɔ anw.

Tim fɔlɔ 2:5 Iomraidhean Croise

Ayuba 9:33

Ni mɔgɔ dɔ tun be yen k'an bɔ ɲɔgɔn na, min ben'a bolo la an fila kan,

Ezayi 44:6

Masaba, Isirayɛli ka Masa n'a kunmabɔbaga, Masaba, Setigi y'a fo ko: «Ne le ye fɔlɔ ye, ne le ye laban ye. Ka ne niin bɔ a la, Ala dɔ wɛrɛ te yen.

Matiyu 1:1

Yezu Krista buruju filɛ nin ye. A buruju bɔra Dawuda la, Dawuda buruju bɔra Ibrayima la.

Matiyu 1:23

«Sunguru kɛnɛkɛnɛ dɔ bena kɔnɔ ta ka dencɛ wolo. O deen nin tɔgɔ bena la ko Emanuwɛli, o kɔrɔ ko Ala b'an cɛma.»

Luka 14:22

Baaraden nin y'o kɛ ka ban tuma min na, a tagar'a fɔ a kuntigi ye ko: ‹I ye min fɔ, ne y'o kɛ, nga soo ma fa halibi.›

Yuhana 1:14

O kuma nin kɛra mɔgɔ ye, ka na sigi n'an ye. An y'a ka nɔɔrɔ ye, dencɛ kelen be min sɔrɔ a Faa fɛ. Ale lo ye tiɲɛtigi ni nɛɛmatigi ye.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Kɛwalew 4:12

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

Rɔmukaw 1:3

o y'a Dencɛ ka koo ye, ale min wolola Dawuda kɔmɔgɔw fɛ ka kɛɲɛ ni adamadenya ye.

Rɔmukaw 10:12

O la, danfara te zuwifuw ni siya wɛrɛw cɛ, u bɛɛ ka Matigi ye kelen ye, min man'a daali, a be o tigi ta ɲa kosɔbɛ.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Kor fɔlɔ 8:6

an kɔni fɛ, Ala kelen le be yen. Ale lo y'an Faa ye, koo bɛɛ be bɔ ale fɛ, an fana be taga ale fɛ, ani Matigi kelenpe le be yen, o ye Yezu Krista ye, ale min barika la fɛɛn bɛɛ be yen, anw fana be yen ale barika la.

Galasikaw 3:20

Nga ni soronanikɛla koo be fɔ yɔrɔ min na, o te mɔgɔ kelen koo ye tugu, Ala do ye kelen ye.

Ɛfɛsikaw 4:6

Ala kelen fana le be yen, ale lo ye bɛɛ Faa ye, a be bɛɛ kunna, a be baara kɛ bɛɛ kɔnɔ, ani a be ni bɛɛ ye.

Sariya 6:4

«Isirayɛlidenw, aw k'aw tulo malɔ! Masaba an ka Ala ye Ala kelenpe ye.

Tim fɔlɔ 6:13

Ala min be nii don fɛɛn bɛɛ la ani Yezu Krista min lɔra Pɔnsi Pilati ɲakɔrɔ ka seereyaɲuman kɛ, n b'a fɔ i ye olu ɲana

Heburuw 12:24

Yezu min ye bɛnkura sindibaga ye, aw gwɛrɛla ale la, a joli min bɔnna, aw gwɛrɛla o la. O joli nin be fɛnɲuman d'an ma ka tɛmɛ Abɛli ta kan.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Heburuw 8:6

Nga baara min dira Yezu ma sisan, o ka bon ni sarakalasebaga tɔɔ nunu ta ye. Bari Yezu ye Ala ni mɔgɔ ka bɛɛn lakuraya, min ka fisa ni fɔlɔta ye, min juu sigira dadili kan minw fana ka fisa ni fɔlɔta ye.

Heburuw 9:15

Krista kɛra Ala ni mɔgɔw cɛ, ka bɛnkura sigi janko Ala y'a daa di cɛɛn banbali min la, a ka mɔgɔ weleninw ka se k'o sɔrɔ Krista ka saya kosɔn. A ye min kɛ k'u tila u ka kojuguw la, u ye minw kɛ bɛnkɔrɔ tile la.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Yirari 1:13

Fɛɛn dɔ tun be fitinɛ nunu cɛma, o fɛɛn nin bɔnin tun be adamaden fɛ. Foroca tun b'a kaan na, sanu cɛsirilan tun b'a disi la.