Tim fɔlɔ 1:3 - ALA KA KUMA

³ Ne taatɔ Maseduwani mara la, ne tun y'a ɲini e fɛ ko i ka to Efɛzi, waasa kalanjugu be minw daa la, i k'a fɔ u ye k'u k'o dabila.

Jula NT of Côte d’Ivoire

³ Ayiwa, i n’a fɔ ne tun k’a gbɛlɛya i ma cogo min na ne tagatɔ Masedoni jamana ra, ne b’a fɛ ko i ye to Ɛfɛsi; mɔgɔ dama dama bɛ yi, i ka kan k’a fɔ olugu ye ko o bɛ mɔgɔw karanna karan wɛrɛ minw na, o ye o dabla.

LAYIDUKURA

³ Ne taatɔ Maseduwani mara la, ne tun y'a nyini e fɛ ko i ka to Efɛzi, waasa kalanjugu bɛ minw daa la, i k'a fɔ u ye k'u k'o dabila.

Tim fɔlɔ 1:3 Iomraidhean Croise

Kɛwalew 18:19

U sera Efɛzi tuma min na, a y'a taamaɲɔgɔnw to yen ka ta'a kelen kalanso kɔnɔ ka baro kɛ ni zuwifuw ye.

Kɛwalew 18:21

Nga a ye sira sɔrɔ u fɛ tuma min na, a y'a fɔ u ye ko ni Ala sɔnna, ale bena segi ka na u filɛ. O kɔ, a bɔra Efɛzi, ka kurun ta.

Rɔmukaw 15:26

Bari Krista kɔmɔgɔ minw be Maseduwani mara ni Akayi mara la, olu b'a fɛ ka Ala ka mɔgɔw dɛmɛ Zeruzalɛmu, bari u dɛsɛnin be.

Rɔmukaw 16:17

N balimaw, mɔgɔ minw be faranni kɛra, ani ka ban an ka kalan na, ne b'aw daali ko aw k'aw yɛrɛ kɔlɔsi olu la. Aw kana jɛn n'u ye.

Kor 2nan 11:4

Mɔgɔ wɛrɛ be na ka Yezu wɛrɛ koo fɔ aw ye, a ka fɔta be danna an ta la, aw be sɔn o ma, ka sɔn nii wɛrɛ ma, min be danna Nii Senuman na, ka sɔn kibaru diman wɛrɛ ma, min be danna ni aw tun sɔnna min na.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Filipikaw 2:24

ne jigi be Matigi kan ko yanni dɔɔni ne yɛrɛ fana bena na aw fɛ.

Tim fɔlɔ 4:11

I ka kan ka o le ɲini mɔgɔw fɛ, ani k'u kalan n'o ye.

Tim fɔlɔ 4:6

N'i be i balimaw kalan n'o koo ye, i bena kɛ Yezu Krista ka baarakɛlaɲuman ye. Min labɛnna jigiɲuman ni kalanɲuman barika la.

Tim fɔlɔ 5:7

I ka kan ka min fɔ u ye waasa u ka se ka to jalakibali ye, o filɛ nin ye.

Tim fɔlɔ 6:10

bari wari nigɛ ye kojugu sifa bɛɛ bɔyɔrɔ ye. Mɔgɔ dɔw tugur'a nɔɔ fɛ k'u jigi bɔ Krista kan, ka tɔɔrɔ la u yɛrɛ kan.

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.

Tim fɔlɔ 6:3

Ni mɔgɔ dɔ be mɔgɔw kalan ni koo wɛrɛ ye, n'o tigi ka kuma ni an Matigi Yezu Krista ka kuma ɲanaman ma kɛ kelen ye, ani n'o te bɛn Alasira taamacogo ma, ani kalan min be bɛn ni Alaɲasiran ye,

Tim 2nan 1:18

Matigi ka makari a la laban loon na. A ye dɛmɛ min kɛ ne ye k'an to Efɛzi, ele yɛrɛ b'o kala ma ka tɛmɛ bɛɛ kan.

Zan 2nan 1:7

Bari galontigɛla caaman be diɲɛ na sisan. U b'a fɔ ko Yezu Krista tun te mɔgɔ yɛrɛ yɛrɛ ye. Min be ban ten, o le ye galontigɛla ni Krista jugu ye.

Yirari 2:14

O n'a ta bɛɛ, ne b'aw jalaki koo dɔw la. Bari aw cɛma, dɔw nɔrɔnin be Balamu ka kalan na, ale min tun be Balaki kɔnɔnasu waasa a ka Isirayɛlidenw nigɛ k'u bila josɔnsogo ɲimi na, ani ka kakalaya kɛ.

Yirari 2:20

O bɛɛ n'a ta, ne b'aw jalaki, bari aw be Zezabɛli ka kɛwaliw diyara a la. O muso nin ko ale ye kira ye, k'a sɔrɔ kira tɛ. A be n ka mɔgɔw lafilila n'a ka kalan ye, k'u bila kojugukɛ ni josɔnsogo ɲimi na.