Tim fɔlɔ 1:18 - ALA KA KUMA

¹⁸ Ne dencɛ Timote, ne b'a gwɛlɛya i ma ko i ka jija ka baaraɲuman kɛ ka kɛɲɛ ni kirayakuma ye min tun fɔra i ka koo la ka tɛmɛ.

Jula NT of Côte d’Ivoire

¹⁸ Ayiwa, ne dencɛ Timote, ne bɛ ci min fɔ i ye sisan, o ye ko cirayakuma minw tun fɔra kakɔrɔ i ta ko ra, ko i ye i jigi la o kumaw kan, ka kɛrɛɲuman kɛ,

LAYIDUKURA

¹⁸ Ne dencɛ Timote, ne b'a gwɛlɛya i ma ko i ka jija ka baaranyuman kɛ ka kɛnyɛ ni kiraya kuma ka dɛmɛ ye min tun fɔra i koo la ka tɛmɛ.

Tim fɔlɔ 1:18 Iomraidhean Croise

Kɛwalew 16:1

Pɔli nunu sera Dɛribe, ka taga Lisitɔrɔ. Kalanden dɔ tun b'o yɔrɔ la, a tɔgɔ ko Timote. A bamuso tun ye zuwifu ye, ka na la Yezu la. Nga a facɛ tun ye girɛki ye.

Kor fɔlɔ 4:17

O le kosɔn, n deen min koo ka di n ye n'o ye Timote ye, n y'o ci aw fɛ. Mɔgɔsɔbɛ lo Matigi ka sira la. Ale bena aw hakili jigi ne ka taamacogo la Krista ka sira la, i n'a fɔ ne be Krista ka jamakuluw kalan yɔrɔ bɛɛ cogo min na.

Kor fɔlɔ 9:7

Mɔgɔ jumɛn le be yen n'a be sɔlidasiya kɛ n'a te sara sɔrɔ? Mɔgɔ jumɛn be yiriforo bɔ n'o tigi t'a deenw nɛnɛ? Walima mɔgɔ jumɛn be begɛnw mara n'o tigi t'o nɔnɔ sɔrɔ ka min?

Filipikaw 2:22

A y'a ka mɔgɔsɔbɛya yira cogo min na, aw b'o lɔn. A y'a yɛrɛ di ka baara kɛ ni ne ye, kibaru diman ka ɲataga kosɔn, i n'a fɔ deen be baara kɛ n'a faa ye cogo min na.

Tim fɔlɔ 1:2

ne be bataki nin ci Timote ma, e min kɛra ne deen tigitigi ye lanaya barika la. An Faa Ala, n'an Matigi Yezu Krista ka makari i la, ka nɛɛma ni hɛrɛ kɛ i ye.

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Tim fɔlɔ 4:14

Ala ye see min d'i ma kirayakuma fɔwaati la, Ala ka jama ɲamɔgɔw y'u bolo la i kan tuma min na, i kana farati o la.

Tim fɔlɔ 4:4

Ala ye fɛɛn minw dan, o bɛɛ ka ɲi. Foyi man kan ka fili olu la, nga a daan ye an ka barika la Ala ye k'o dumu,

Tim fɔlɔ 6:20

Timote, koo minw kalifara i ma, i ka olu mara kosɔbɛ. I k'i yɛrɛ tanga kuma fufafu ma minw ni Alasira te bɛn, min be jati lɔnniya ye, k'a sɔrɔ lɔnniyasɔbɛ tɛ.

Tim 2nan 1:2

Ne be nin bataki nin ci Timote ma, ele min kɛra ne ka deen ye ne be min kanu haali. An Faa Ala n'an Matigi Yezu Krista ka makari e la, ka nɛɛma ni hɛrɛ kɛ i ye.

Tim 2nan 4:7

Ne ye baara kɛ ka ɲa i ko sɔlidasiɲuman, kɛlɛkɛyɔrɔ la. Ne sera ne ka boli danyɔrɔ ma, n jigi lanin tora Matigi kan.

Tite 1:4

Ne be bataki nin ci Titi ma min ye ne deen ye tigitigi lanaya kelen barika la, anw be min kɔ. Faa Ala ni Yezu Krista an kisibaga ka nɛɛma ni hɛrɛ kɛ i ye.

Filemɔn 1:10

Ne b'i daali ne ka deen Onezimu ka koo la, ne ye min sɔrɔ Krista ye ka ne to kaso la.