Tim fɔlɔ 1:17 - ALA KA KUMA

¹⁷ Boɲa ni tanuli ka kɛ tuma bɛɛ waati bɛɛ Masa Ala yebali ye, ale min te sa, ale min kelen ye Ala ye. Amiina.

Jula NT of Côte d’Ivoire

¹⁷ Masa wuribari, masa min tɛ sa, ani masa yebari, min kelenpe ye Ala ye, ale ta le ye bonya ni tandori ye, wagati bɛɛ, ani tuma bɛɛ. Amina.

LAYIDUKURA

¹⁷ Bonya ni tandoli ka kɛ tuma bɛɛ waati bɛɛ Masa Ala yebali ye, ale min tɛ sa, ani a kelenpe le bɛ yen. Amiina.

Tim fɔlɔ 1:17 Iomraidhean Croise

Lok fɔlɔ 29:11

Boɲa y'i ta ye, Masaba, see b'i ye, kunkɔrɔta ni nɔɔrɔ b'i kan. Bari sankolofɛnw ni dugukolo taw bɛɛ ye i ta ye. Masaba, kuntigiya y'e ta ye, i be fɛɛn bɛɛ sanfɛ.

Nehemi 9:5

O kɔ, Levi kɔmɔgɔ ni Yesuwa ani Kadimiyɛli, ni Bani ani Asabineya, ni Serebiya, ni Odawiya ani Sebaniya ni Petaya, y'a fɔ ko: «Aw ye wili ka Masaba aw ka Ala tanu tuma bɛɛ la. «Masaba, boɲa ka la i tɔgɔba kan, i tɔgɔ ka tanu, foyi te i bɔ.

Zaburu 10:16

Masaba le ye masa ye kudayi. A ɲasiranbaliw bena tunu ka bɔ a ka jamana kɔnɔ.

Zaburu 106:48

Masaba, Isirayɛli ka Ala ka tanu tuma bɛɛ. Jama bɛɛ k'a fɔ: «Amiina!» Masaba ka tanu.

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Zaburu 41:13

Ne kɔni, e ye ne mara, n jalakibali tora. I ye ne to i ɲakɔrɔ kudayi.»

Zaburu 45:1

Dɔnkililabagaw kuntigi ka dɔnkili, u ko min ma «Feeren.» Gɔni le be fɔ a latuma na. Kore kɔmɔgɔw ka dɔnkili dɔ. Kanuya ta.

Zaburu 45:6

E ka biɲɛw daa ka di, u be ele masa jugu dusu sɔgɔ. Siyaw be ben e kɔrɔ.

Zaburu 57:11

Bari, e ka ɲumanya ka bon i ko sankolo. E ka tilenninya be se sankaba kɔnɔ.

Zaburu 90:2

Sanni kuluw ka dan, sann'i ka diɲɛ dan, i ye Ala ye kudayi.

Yeremi 10:10

Nga Masaba ye Ala yɛrɛ yɛrɛ ye, ale lo ye Ala ye, ale ka masaya te ban. N'a dimina, dugukolo be yɛrɛyɛrɛ. Siyaw te se ka lɔ a diminin ɲa.

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Daniyɛli 4:34

Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Daniyɛli 7:14

Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Mise 5:2

O kama, Ala ben'a ka mɔgɔw bila a bolo kɔfɛ fɔɔ tuma min na, muso min ka kan ka deen wolo, ale ka deen sɔrɔ. O tuma na, a badenw tɔɔ min bena to sii la, olu bena kɔsegi ka na fara Isirayɛliden tɔw kan.

Malaki 1:14

Ni begɛndafanin cɛman be namaramɔgɔ min ka wɛɛrɛ kɔnɔ, n'a y'o to yen ka begɛn wɛrɛ kɛ a ka dadili saraka ye, fiɲɛ be min na, o tigi ka danga. Bari ne ye Masaba le ye. Ne Masaba, Setigi le ko ten. Siyaw bɛɛ ka kan ka siran n ɲa.

Matiyu 25:34

O kɔ, a ben'a fɔ a kinibolo la taw ye ko: ‹Aw ye na ne Faa ka dubadenw, ka don a ka masaya la min tun labɛnna aw ye kabini diɲɛ dantuma.

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Yuhana 1:18

Mɔgɔ si ma deli ka Ala ye abada, nga a Deen kelenpe, min fana ye Ala ye, ale n'a Faa Ala be ɲɔgɔn fɛ, ale lo nana Ala cogo yira an na.

Yuhana 5:44

Aw be se ka la ne la cogo di? Aw minw b'aw ka boɲa sɔrɔ aw adamaden ɲɔgɔnw fɛ, sanni aw k'o ɲini Ala kelen fɛ.

Rɔmukaw 1:20

Tiɲɛ na, k'a ta diɲɛ dantuma na, adamadenw be Ala ka koo yebaliw ye ka gwɛ a ka baara fɛ, o min ye a ka sebagaya banbali n'a ka Alaya ye. O la, tiɲɛ sɔrɔsira t'u fɛ tugu.

Rɔmukaw 1:23

Nɔɔrɔtigi Ala min te sa, u m'ale bato fɔɔ adamaden min be sa, ale jaa ni kɔnɔw, ni sennaanifɛnw ni fɛɛn minw be fofo duguma.

Rɔmukaw 11:36

Bari fɛɛn bɛɛ bɔra ale lo la, ale lo y'u bɛɛ dan, u kɛra a ta ye. Boɲa ka la ale kan tuma bɛɛ la! Amiina.

Rɔmukaw 16:27

Ala kelenpe ye hakilitigi ye. Boɲa ka la a kan Yezu Krista barika la tuma bɛɛ la. Amiina.

Rɔmukaw 2:10

Minw be koɲuman kɛ, k'a ta zuwifu ma fɔlɔ, o kɔ siya tɔw, olu bɛɛ bena boɲa ni kunkɔrɔta ani hɛrɛ sɔrɔ.

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Kɔlɔsikaw 1:15

Ale lo ye Ala jaa ye, an te se ka Ala min ye. Ale fana le kɔnna danfɛn bɛɛ ɲa, ani a ka bon n'u bɛɛ ye.

Heburuw 11:27

Musa ka lanaya kosɔn, a ma siran masacɛ ɲa ka bɔ Ezipiti jamana na. A jijara kosɔbɛ i n'a fɔ a ɲaa be Ala la, mɔgɔ ɲaa te min na.

Heburuw 2:7

I y'a kɛ a lɔyɔrɔ ma se mɛlɛkɛw ta ma waati kunkurunnin kɔnɔ. I ye nɔɔrɔ ni boɲa la a kan,

Piy fɔlɔ 5:11

Sebagaya ka kɛ ale ta ye tuma bɛɛ. Amiina!

Piy 2nan 3:18

Nga aw ye jija ka taga ɲa an Matigi n'an kisibaga Yezu Krista ka nɛɛma la ani k'ale Yezu lɔn kosɔbɛ. Boɲa ka la ale kan sisan ani tuma bɛɛ. Amiina!

Zan fɔlɔ 4:12

Mɔgɔ si ɲaa ma deli ka la Ala kan ka ye. Nga n'an be ɲɔgɔn kanu, o b'a yira ko Ala b'an fɛ. Ni Ala b'an fɛ, a ye kanuya min don an dusu la, o be kɛ ko dafanin ye.

Zude 1:25

ale kelenpe min y'an Kisibaga ye an Matigi Yezu Krista barika la, nɔɔrɔ ni boɲa ani sebagaya ni kuntigiya ka kɛ ale ye k'a ta a daminɛ na, ka se sisan ma ni tuma bɛɛ. Amiina.

Yirari 15:3

n'u be Ala ka baaraden Musa ni Sagaden ka dɔnkili la ko: «Matigi Ala, Setigi! E ka kokɛtaw ɲɔgɔn tɛ! I ka koo latigɛninw tilennin lo, u bɛɛ ye tiɲɛ ye, siyaw ka masa!

Yirari 17:14

U bena Sagaden nin kɛlɛ. Nga Sagaden bena se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bena see sɔrɔ.»

Yirari 19:1

O kɔ, ne ye jamaba dɔ kumakan mɛn arijana na ko: «Aleluya! Sebagaya ye an ka Ala ta ye! Adamadenw kisiko y'a ka baara ye! Boɲa y'a ta ye.

Yirari 19:16

Tɔgɔ dɔ tun b'a ka fani n'a woto kan ko: «Masaw ka Masa, ni matigiw ka Matigi.»

Yirari 19:6

O tuma na, ne ye kumakanba dɔ mɛn, i n'a fɔ jamaba kumakan, walima jiba woyokan, walima saan pɛrɛnkan. O kumakan nin ko: «Aleluya! Bari an Matigi, Setigi Ala sigira a ka masasigilan kan.

Yirari 7:12

ka to k'a fɔ ko: «Amiina! Tanuli, nɔɔrɔ, ani hakilitigiya, o y'an ka Ala ta ye. Barika ka la a ye. Boɲa ni setigiya ani fangatigiya y'a ta ye tuma bɛɛ la. Amiina!»