Tim fɔlɔ 1:16 - ALA KA KUMA

¹⁶ Ne min tun ka jugu u bɛɛ cɛma, ni Ala hinɛna ne la, a b'a fɛ Yezu Krista k'a ka ɲumanya le yira k'o kɛ taamasiɲɛ ye mɔgɔw fɛ, olu minw bena la ale la ka nii banbali sɔrɔ.

Jula NT of Côte d’Ivoire

¹⁶ O kosɔn ne min ye bɛɛ ra jurumunkɛbagaba ye, Ala hinara ne ra, janko o ye kɛ sababu ye k’a to mɔgɔw y’a lɔn ko Yesu Kirisita bɛ muɲu kosɛbɛ, ani janko minw bɛ la a ra ka ɲanamanya banbari sɔrɔ, olugu ye ne cogo ye, k’a lɔn ko Ala bɛ makari.

LAYIDUKURA

¹⁶ Ne min tun kɛra fɔlɔ ye u bɛɛ cɛma, ni Ala hinɛna ne la, a b'a fɛ Yezu Krista k'a ka nyumanya le yira k'o kɛ taamasinyɛ ye mɔgɔw fɛ, olu minw bɛna la ale la ka sini hɛrɛ sɔrɔ.

Tim fɔlɔ 1:16 Iomraidhean Croise

Lok 2nan 33:19

A ka daalili, ani Ala y'a jaabi cogo min na, a ye kojugu ni tilenbaliyako minw bɛɛ kɛ, ani ka sɔnnikɛyɔrɔw dilan ka Asera jaaw ni joo wɛrɛw tutu yɔrɔ minw na sanni k'a yɛrɛ majigi, o bɛɛ be sɔrɔ Ozayi ka sɛbɛ kɔnɔ.

Zaburu 25:11

Masaba, yafa ne ma e tɔgɔ boɲa kosɔn, bari ne ka kojugu ka ca haali.

Bɔri 34:8

O yɔrɔnin bɛɛ, Musa birila duguma ka Masaba bato.

Ezayi 1:18

Ɔnhɔn! Aw ye na, an ka sigikafɔ kɛ.» Masaba ko ten! «Hali n'aw ka kojuguw wulenna i ko joli, u bena gwɛ i ko kɔɔri. Hali n'u wulenna fɔɔ ka fin, u bena gwɛ parapara.

Ezayi 43:25

O bɛɛ n'a ta, ne yɛrɛ le b'aw ka kojuguw yafa n yɛrɛ kosɔn, n be ɲinɛ n'aw ka kojuguw ye kɔ.

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Jateri 23:3

Balamu y'a fɔ Balaki ye ko: «Lɔ yan i ka saraka gɛrɛfɛ, ne bena taga ɲafɛ. N'a sɔrɔ Masaba bena na ne kunbɛn. N'a ye fɛɛn o fɛɛn yira ne la, n bena o fɔ i ye.» O kɔ, a tagara yɛlɛ kulu dɔ kan yiri te min kan.

Luka 15:10

Ne b'a fɔ aw ye ko ni hakɛkɛla kelen nimisara ka faran a ka kojuguw la, nisɔndiya be kɛ Ala ka mɛlɛkɛw fɛ o tigi kosɔn o cogo la.»

Luka 23:43

Yezu y'a jaabi ko: «Tiɲɛ na, ne b'a fɔ i ye, i bena kɛ ne fɛ arijana na bii yɛrɛ.»

Luka 7:47

O kama, kanuyasɔbɛ min b'a dusu la, ne b'a fɔ i ye k'o kosɔn, a ka hakɛw bɛɛ yafara a ma. U ma mɔgɔ min ka hakɛw bɛɛ yafa, kanuyasɔbɛ tena kɛ o dusu la.»

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka nii banbali sɔrɔ a barika la.

Yuhana 3:36

Ni mɔgɔ min y'a jigi la Ala Deen kan, o tigi ye nii banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tena nii banbali sɔrɔ, Ala ben'a tɔɔrɔ kosɔbɛ.»

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Yuhana 6:37

Ni n Faa ye mɔgɔ o mɔgɔ di ne ma, o bena la ne la, ne fana tena ban o tigi la.

Yuhana 6:40

N Faa ko ni mɔgɔ o mɔgɔ ye ne ye k'a jigi la ne kan, k'o tigi bena nii banbali sɔrɔ. Ne fana ben'a kunun labanlon na.»

Yuhana 6:54

Ni mɔgɔ min ye ne farisogo dumu ka ne joli min, o tigi bena nii banbali sɔrɔ, ne b'o tigi kunun labanlon na.

Kɛwalew 13:39

mɔgɔ o mɔgɔ mana la Yezu la, o tigi kunmabɔra.

Rɔmukaw 15:4

Koo minw bɛɛ tun fɔra Ala ka kuma na kabini fɔlɔfɔlɔ, o fɔra ka hakili d'an ma, janko an jaa ka gwɛlɛya ani ka muɲu, ka jigi sɔrɔ o barika la.

Rɔmukaw 6:23

Bari hakɛ sara ye halakili ye, nga Ala ka nilifɛn ye nii banbali ye an Matigi Yezu Krista barika la.

Kor fɔlɔ 7:25

Sisan, minw ma furu fɔlɔ, n kaan be olu le ma. Matigi ka kuma tɛ, nga ne yɛrɛ ka miiriya lo, n be min fɔ u ye. Matigi ka makari barika la, mɔgɔ be se k'a jigi la a kan.

Kor 2nan 4:1

Ala ka ɲumanya kosɔn a ye baara nin kalifa an ma, o la, an jigi te tigɛ fewu.

Ɛfɛsikaw 1:12

an minw kɔnna k'an jigi la Krista kan, waasa an k'a tanu.

Ɛfɛsikaw 1:6

An ka Ala tanu a ka nɛɛma kosɔn a ye min kɛ an ye, a Deen kanunin barika la.

Ɛfɛsikaw 2:7

O le y'a to, a tun y'a latigɛ k'a ka nɛɛma dafanin kɛ waati nataw la an faan fɛ, min ɲɔgɔn tɛ, a ka ɲumanya kosɔn Yezu Krista barika la.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tim fɔlɔ 1:13

Fɔlɔfɔlɔ ne min tun b'a tɔgɔ cɛn, ka Alaɲasiranbagaw tɔɔrɔ, ani ne tun ka fari, nga o bɛɛ n'a ta a makarila ne la, bari ne ka lanabaliya ni kolɔnbaliya le kosɔn, ne tun be o kɛra.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Piy fɔlɔ 3:20

Olu minw tun murutira Ala ma, a muɲuna, Nuhun ye kurunba lalaga, mɔgɔ damani le kisira o kɔnɔ, mɔgɔ seegi dɔrɔn.

Piy 2nan 3:15

N'aw y'a ye ko Matigi te kɔsegira ka na joona, o kɛra aw ka kisili kosɔn le. An balimacɛ n'an tericɛ Pɔli ye sɛbɛ ci aw ma o la. Ala ye lɔnniya min d'a ma, a y'o kɛ k'aw ladi.

Piy 2nan 3:9

Matigi y'a daa di koo min na, dɔw ko a ka suma o kɛko la. K'a sɔrɔ a man suma. Nga a be muɲu aw le kɔrɔ, a t'a fɛ mɔgɔ si ka halaki, a b'a fɛ bɛɛ ka se ka nimisa ka faran a ka kojuguw la.