Tim fɔlɔ 1:15 - ALA KA KUMA

¹⁵ Nin kuma ye tiɲɛ ye mɔgɔ bɛɛ ka kan ka sɔn min ma: Yezu Krista nana diɲɛ na waasa ka hakɛkɛlaw kisi. Ne tun ka jugu olu bɛɛ cɛma.

Jula NT of Côte d’Ivoire

¹⁵ Nin ye cankuma le ye, bɛɛ ka kan ka sɔn min ma, ko: Yesu Kirisita nana dunuɲa ra ka na jurumunkɛbagaw kisi. Ne Pɔli le kɛra o bɛɛ ra jurumunkɛbagaba ye.

LAYIDUKURA

¹⁵ Nin kuma ye tinyɛ ye mɔgɔ bɛɛ bɛ se ka sɔn min ma, ko: Yezu Krista nana dinyɛ na waasa ka kojugukɛlaw kisi. Ne tun kɛra mɔgɔjugu ye olu bɛɛ cɛma.

Tim fɔlɔ 1:15 Iomraidhean Croise

Ayuba 42:6

O le kama ne be nimisa n ka fɔta la. N be lɔ n ka fili la ka nimisa ka sigi buguri ni bugurigwɛ kan dusukasi bolo.»

Ezekiyɛli 16:63

O tuma na, i hakili bena jigi i taamacogokɔrɔ la ka maloya, ni ne ye i ka kɛwaliw bɛɛ yafa tuma min na, i tena se ka foyi fɔ tugu maloya kosɔn. Ne Matigi, Masaba le ko ten.»

Matiyu 1:21

A bena dencɛ wolo, i k'a tɔgɔ la ko Yezu, bari ale lo ben'a ka mɔgɔw kisi u ka hakɛw ma.»

Matiyu 18:10

«Aw k'aw yɛrɛ kɔlɔsi, aw si kana denmisɛn nunu dɔ dɔgɔya, bari ne b'a fɔ aw ye k'olu ka mɛlɛkɛw be n Faa ɲakɔrɔ arijana na tuma bɛɛ. [

Matiyu 18:11

Mɔgɔ Dencɛ nana ka mɔgɔ tununinw kisi.]

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Matiyu 9:13

Aw ye taga miiri Ala ka kuma nin kɔrɔ la. A tun y'a fɔ ko: ‹Ne be makari le fɛ, ne te saraka fɛ,› bari ne ma na mɔgɔtilenninw wele, nga ne nana hakɛkɛlaw le wele.»

Marika 2:17

Yezu y'u ka kuma mɛn minkɛ, a y'a fɔ u ye ko: «Mɔgɔ minw ka kɛnɛ, olu mako te furakɛla la, banabagatɔw le mako b'a la. Ne ma na mɔgɔtilenninw wele, nga ne nana hakɛkɛlaw le wele.»

Luka 15:2

*Fariziɲɛw ni sariya karamɔgɔw tun be to ka ŋunuŋunu. U tun b'a fɔ ko: «Cɛɛ nin be hakɛkɛlaw minɛ ka ɲa ka dumuni yɛrɛ kɛ n'u ye.»

Luka 19:10

Mɔgɔ Dencɛ nana ka mɔgɔ tununinw lo yaala k'u kisi.»

Luka 5:32

Ne ma na mɔgɔtilenninw wele, nga ne nana hakɛkɛlaw le wele waasa u ka nimisa ka faran u ka kojuguw la.»

Yuhana 1:12

Nga minw sɔnn'a ma, ka l'a la, a ye see di olu ma ka kɛ Ala deenw ye.

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Yuhana 12:47

Ni mɔgɔ min ye ne ka kuma mɛn, n'a ma sɔn k'o bato, a ma kɛ ko ne le b'o tigi kitira, bari n ma na janko ka adamadenw kiti, nga waasa k'u kisi.

Yuhana 3:36

Ni mɔgɔ min y'a jigi la Ala Deen kan, o tigi ye nii banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tena nii banbali sɔrɔ, Ala ben'a tɔɔrɔ kosɔbɛ.»

Kɛwalew 11:1

Cidenw, ni balima minw tun be Zeruzalɛmu, olu y'a mɛn ko siya wɛrɛw fana sɔnna Ala ka kuma ma.

Kɛwalew 11:18

Kuma nunu y'u dusu suma. U y'a daminɛ ka Ala tanu ka to k'a fɔ ko: «Tiɲɛ na, Ala ye sira di siya wɛrɛw fana ma u ka nimisa ka faran u ka kojuguw la ka kisi.»

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Rɔmukaw 11:14

waasa ka keliya wili ne ka siya dusu la, janko dɔw ka se ka kisi u cɛma.

Rɔmukaw 5:6

Tiɲɛ na, tuma min na barika tun te an na, Krista sara mɔgɔjuguw kosɔn o waati latigɛnin na.

Kor fɔlɔ 15:9

Bari ne ye cidenw bɛɛ la fitini ye, ne man kan ka wele ko ciden yɛrɛ, bari minw lara Ala la ne ye olu tɔɔrɔ.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka ɲumanya fɔ siya wɛrɛw ye, daan te ɲumanya min na.

Tim fɔlɔ 1:13

Fɔlɔfɔlɔ ne min tun b'a tɔgɔ cɛn, ka Alaɲasiranbagaw tɔɔrɔ, ani ne tun ka fari, nga o bɛɛ n'a ta a makarila ne la, bari ne ka lanabaliya ni kolɔnbaliya le kosɔn, ne tun be o kɛra.

Tim fɔlɔ 1:19

I k'o kɛ ni lanaya, ni dusuɲuman ye. Mɔgɔ dɔw dɛsɛra o la, o kama u benna.

Tim fɔlɔ 3:1

Nin kuma nin ye tiɲɛ ye: ni mɔgɔ dɔ b'a fɛ ka kɛ Ala ka jama ɲamɔgɔ ye, o tigi ye baaraɲuman le woloma.

Tim fɔlɔ 4:9

Nin kuma nin ye tiɲɛ ye, mɔgɔ bɛɛ ka kan ka sɔn min ma.

Tim fɔlɔ 6:13

Ala min be nii don fɛɛn bɛɛ la ani Yezu Krista min lɔra Pɔnsi Pilati ɲakɔrɔ ka seereyaɲuman kɛ, n b'a fɔ i ye olu ɲana

Tim 2nan 2:11

Nin kuma nin ye tiɲɛ ye: N'an sɔnna ka sa ni Matigi ye, an fana bena kunun ka to n'a ye.

Tite 3:8

Nin kuma ye tiɲɛ ye. Ne b'a fɛ i ka to o kan k'a fɔ ka gwɛlɛya, waasa mɔgɔ minw lara Ala la, olu k'u yɛrɛ bila koɲuman kɛli la, o le ka ɲi ani nafa b'o la mɔgɔw fɛ.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Zan fɔlɔ 3:5

Aw b'a lɔn ko Yezu nana janko ka mɔgɔw ka hakɛw yafa, a ma hakɛ si kɛ.

Zan fɔlɔ 3:8

Min be to ka hakɛ kɛ, o tigi ye Sutana ka mɔgɔ ye, bari Sutana ye hakɛkɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Zan fɔlɔ 5:11

O seereya nin filɛ: ko Ala ye nii banbali d'an ma, min be sɔrɔ a Dencɛ sababu la.

Yirari 21:5

Mɔgɔ min siginin be masasigilan kan, ale y'a fɔ o tuma na ko: «N be fɛɛn bɛɛ kɛ kura ye.» O kɔ, a y'a fɔ ne ye ko a bena min fɔ, ko n k'o sɛbɛn, bari, tiɲɛ kuma lo, mɔgɔ ka kan k'a jigi la min kan.

Yirari 22:6

O kɔ, mɛlɛkɛ y'a fɔ ne ye ko: «Kuma nunu ye tiɲɛ kuma ye, mɔgɔ ka kan k'a jigi la min kan. Koo minw bena kɛ sisan sisan, Matigi Ala min be lɔnniya di a ka kiraw ma, ale lo y'a ka mɛlɛkɛ ci ka na o koow yira a ka baarakɛlaw la.»

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.