Tes fɔlɔ 5:6 - ALA KA KUMA

⁶ O la, an man kan ka sinɔgɔ i n'a fɔ mɔgɔ tɔɔ nunu. An k'an yɛrɛ kɔlɔsi an labɛnnin ka to ɲana tuma bɛɛ,

Jula NT of Côte d’Ivoire

⁶ O kosɔn, an kana to sunɔgɔ ra i n’a fɔ tɔw. An ye an janto an yɛrɛ, ka an yɛrɛ minacogo lɔn.

LAYIDUKURA

⁶ O la, an man kan ka sinɔgɔ i n'a fɔ mɔgɔ tɔ nunu. An k'an yɛrɛ kɔlɔsi an labɛnnin ka to nyana tuma bɛɛ,

Tes fɔlɔ 5:6 Iomraidhean Croise

Zanaw 19:15

Salabagatɔya be mɔgɔ bila sinɔgɔ la. Baarakɛbali kɔni bena to kɔngɔ la sa.

Ezayi 56:10

Isirayɛli ka kɔlɔsilikɛbagaw bɛɛ ye fiɲɛntɔw ye, u te foyi kala ma. U bɛɛ ye wulu nalomanw ye, u te se ka sɔngɔ. U b'a la ka siko, u lalanin be, sinɔgɔ ka d'u ye.

Yunusu 1:6

O tuma na, kurun bolilaw ɲamɔgɔ jigira k'a fɔ a ye ko: «Ee! E be sinɔgɔra le wa? Wili k'i ka batofɛn daali. N'a sɔrɔ ale ben'a janto an na k'an kisi saya ma.»

Matiyu 13:25

Ka mɔgɔ bɛɛ to sinɔgɔ la sufɛ, a jugu tagara binjugukisɛ seri *bile cɛma ka tɛmɛ n'a yɛrɛ ye.

Matiyu 24:42

O la, aw labɛnnin ka to, bari aw t'aw ka Matigi nalon lɔn.

Matiyu 25:13

O la, aw labɛnnin ka to, bari aw t'o loon n'a waati lɔn.

Matiyu 25:5

Kɔɲɔcɛ mɛnna a tun te nana minkɛ, sinɔgɔ ye sunguru tan nunu minɛ, u bɛɛ sinɔgɔra.

Matiyu 26:38

A y'a fɔ u ye ko: «Dusukasi bena n faga. Aw ye to yanni ne ye, aw kana sinɔgɔ.»

Marika 13:37

Ne be min fɔra aw ye, mɔgɔ bɛɛ seen b'a la: Aw labɛnnin ka to.»

Luka 12:37

Tiɲɛ na, ne b'a fɔ aw ye ko, ni baaraden minw kuntigi kɔsegitɔ nana u sɔrɔ kɔnɔni na, u ka kuntigi yɛrɛ bena baarakɛfaniw don ka dumuniko ɲanabɔ u ye.

Luka 12:39

Aw b'a lɔn ko ni sotigi tun be soon nawaati lɔn, a tun ben'a bali ka don a ka soo kɔnɔ.

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Luka 22:46

A y'a fɔ u ye ko: «Mun na aw be sinɔgɔ? Aw ye wili ka Ala daali waasa aw kana don kɔrɔbɔli la.»

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kor fɔlɔ 15:34

Aw k'aw ɲaa yɛlɛ ka taama tilenninya la. Aw kana to ka hakɛ kɛ tugu. Aw dɔw te Ala lɔn tiɲɛ na, ne y'o fɔ waasa aw ka maloya.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɔbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Ɛfɛsikaw 2:3

An fana, an bɛɛ tun kɛra i ko olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛɲɛ n'an cogo ye, Ala tun be dimi an kɔrɔ i n'a fɔ tɔw fana.

Ɛfɛsikaw 5:14

Bari ni koo o koo bɔra kɛnɛ kan ka ban, o be faamu. O le y'a to a fɔra ko: «Wili, e min be sinɔgɔ la, wili ka bɔ suuw cɛma, Krista ben'a ka yeelen bɔ i ye.»

Ɛfɛsikaw 6:18

Aw ka Ala daali kosɔbɛ tuma bɛɛ Nii Senuman barika la ni daalili sifa bɛɛ ye. Aw ye jija o la kosɔbɛ ka daalili kɛ Ala ka mɔgɔw bɛɛ ye.

Filipikaw 4:5

Aw ka kɛ mɔgɔsabalininw ye tuma bɛɛ. Matigi natuma surunyana.

Kɔlɔsikaw 4:2

Aw ka jija Aladali la, ka barika la a ye kosɔbɛ.

Tes fɔlɔ 4:13

N balimaw, mɔgɔ minw sara, an t'a fɛ aw ka to olu ka koo lɔnbaliya la, waasa aw dusu kana kasi i n'a fɔ mɔgɔ tɔw, jigi te minw fɛ.

Tes fɔlɔ 5:10

ale min sara an kosɔn, janko k'an to nii la, walima n'an sara, an ka se ka to n'ale ye.

Tes fɔlɔ 5:8

Nga an minw ye kɛnɛ kan mɔgɔw ye, an k'an yɛrɛ labɛn, ka jigi ni kanuya kɛ i n'a fɔ nigɛkunbɛnnan, k'o don an kaan na, ani k'an jigi la an ka kisili kan i n'a fɔ nigɛfugulan.

Tim fɔlɔ 2:15

O bɛɛ n'a ta, muso bena kisi a ka denwolo kosɔn, n'a jigi tora Ala kan, ka to kanuya la, ani k'a taamacogo bɛn Ala sago ma.

Tim fɔlɔ 2:9

O cogo kelen na fana, ne b'a ɲini musow fɛ ko u k'u yɛrɛ masiri cogo bɛnnin na, ka fani don minw b'u sutura. O ɲaji kana caya u ka masirifɛnw la, i n'a fɔ u kunsigi labɛncogo, walima ka sanu don, ani kɔnɔkisɛ ani fani sɔngɔgwɛlɛnw.

Tim fɔlɔ 3:11

Muso minw b'a fɛ k'o baara ɲɔgɔn kɛ fana, olu ka kan ka kɛ mɔgɔsɔbɛw ye. U kana kɛ mɔgɔ tɔgɔcɛnbagaw ye. U ka kan k'u yɛrɛ kɔlɔsi kosɔbɛ ani ka tilenninya kɛ koo bɛɛ la.

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tim 2nan 4:5

Nga ele kɔni, i k'i yɛrɛ minɛ kosɔbɛ koo bɛɛ la. I ka sigɛn muɲu, k'i ka baara kɛ ka ɲa min ye kibaru diman fɔli ye.

Tite 2:12

Ale min b'a yira an na ko an ka siran Ala ɲa ani ka ban nin diɲɛ nigɛjuguw la, waasa k'an to bii diɲɛ na, an ka se k'an yɛrɛ minɛ ka taama tilenninya la Ala ɲakɔrɔ.

Tite 2:6

O cogo kelen na fana, i ka kanbelenw ladi k'olu ka kɛ mɔgɔsɔbɛw ye

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Yirari 16:15

O la, Matigi ko: «Ni mɔgɔ min tora ɲana ani k'a ka fani mara, o tigi bena dagamu. Ni taatuma sera, a suturanin ka taga, a kana maloya. Bari ne bena na i n'a fɔ soon.»

Yirari 3:2

Aw k'aw yɛrɛ minɛ, waasa barika dɔɔni min b'aw la, o fana kana nagasi. Bari aw ka kɛwaliw si ma ne ka Ala ɲaa fa.