Tes fɔlɔ 4:6 - ALA KA KUMA

⁶ Mɔgɔ si kan'a tɔɲɔgɔn namara o koo la k'a hakɛ ta fana. Bari Matigi b'o koo sifa nunu juru sara, i n'a fɔ an delila k'a fɔ ka gwɛlɛya aw ye cogo min na.

Jula NT of Côte d’Ivoire

⁶ Mɔgɔ si kana a balema nanbara, k’a tɔɲɔ nin kow ra; an ka o fɔ aw ye ka ban k’a gbɛlɛya, ko Matigi bɛna o kow bɛɛ hakɛ bɔ mɔgɔw ra.

LAYIDUKURA

⁶ Mɔgɔ si kana a tɔnyɔgɔn nanbaran o koo la k'a hakɛ ta fana. Bari Matigi b'o koo sifa nunu juru sara, i n'a fɔ an delila k'a fɔ ka gwɛlɛya aw ye cogo min na.

Tes fɔlɔ 4:6 Iomraidhean Croise

Zaburu 140:12

Minw be galon tigɛ ka mɔgɔ tɔgɔ cɛn, o kana to jamana kɔnɔ. Juguman ka mɔgɔ fariman kɔgwɛn tuma bɛɛ.

Zaburu 94:1

Masa Ala, mɔnɛbɔbaga, i yɛrɛ yira Ala, mɔnɛbɔbaga.

Bɔri 20:15

«Aw kana soɲali kɛ.

Bɔri 20:17

«Aw ɲaa kana bɔ aw mɔgɔɲɔgɔn ka soo fɛ. Aw ɲaa kana bɔ aw mɔgɔɲɔgɔn muso fɛ, walima a ka jɔncɛ, walima a ka jɔnmuso, walima a ka misi, walima a ka fali, walima a bololafɛn si fɛ.»

Zanaw 11:1

Sumanikɛminan namarata koo ka go Masaba ye. Nga min ka ɲi, o koo ka d'a ye.

Zanaw 16:11

Sumanikɛminan ɲumanw le ka di Masaba ye. A be sumanikɛcogo latigɛ.

Zanaw 20:14

Sannikɛla be kule ko: «A ka gwɛlɛ!» Nga sanni kɛnin kɔ, a nisɔndiyanin le be kɔsegi.

Zanaw 20:23

Ka namara kɛ sumani la, o ka go Masaba ye. Ka namara kɛ sumanikɛminan na, o ma ɲi.

Zanaw 28:24

Mɔgɔ min b'a faa n'a baa bololafɛn soɲa k'a fɔ k'o te kojugu ye, o tigi ni cɛnnikɛla ka kan.

Waajurikɛbaga 5:8

Dugukolo nafa ye bɛɛ ta ye. Hali masacɛ niyɔrɔ fana b'a la.

Ezayi 5:7

Masaba, Setigi ka ɛrɛzɛnforo ye Isirayɛlidenw le ye. Zuda mara mɔgɔw le kɛra ɛrɛzɛnsunw ye, minw koo tun ka d'a ye haali. A tun be tilenninya le kɔnɔn'u fɛ, nga tilenbaliya le be kɛra. A tun be hɔrɔnya le fɛ, nga tɔɲɔli lo be yɔrɔ bɛɛ.

Yeremi 7:6

n'aw te lonanw tɔɲɔ, ni falatɔw, ani firiyamusow, n'aw te mɔgɔ jalakibaliw faga yɔrɔ nin na, n'aw ye batofɛn wɛrɛw ye k'u to yen, min be bɔnɛ se aw ma,

Yeremi 9:4

U be ɲɔgɔn janfa, u te tiɲɛ fɔ. U y'u yɛrɛ deli galontigɛ la, u b'u seko bɛɛ kɛ ka kokolon kɛ.

Ezekiyɛli 22:13

«Ayiwa, i ye tɔnɔjugu min sɔrɔ, ani ka mɔgɔw faga dugu nin kɔnɔ, ne bena n bolo ci ɲɔgɔn na o kosɔn.

Sarakalasebagaw 19:11

«Aw kana soɲali kɛ. Aw kana galon tigɛ, aw kana ɲɔgɔn namara.

Sarakalasebagaw 19:13

«Aw kana aw mɔgɔɲɔgɔn tɔɲɔ, walima k'a bololafɛn soɲa. Aw ka baaraden ka sara kana si aw bolo.

Sarakalasebagaw 25:14

Ni aw ye dugukolo dɔ feere aw balima dɔ ma, walima ka dɔ san a fɛ, aw kana ɲɔgɔn tɔɲɔ.

Sarakalasebagaw 25:17

Aw kana ɲɔgɔn tɔɲɔ, aw ka siran aw ka Ala ɲa. Ne le ye Masaba aw ka Ala ye.

Mise 2:2

N'u ɲaa bɔra mɔgɔw ka forow la, u b'u bɔsi. N'u ɲaa bɔra mɔgɔw ka soo la, u b'u minɛ. U be lutigi n'a ka somɔgɔw bololafɛnw bɔsi, u b'u ka forow minɛ.

Sofoni 3:1

Dugumurutinin, dugukolon! Bɔnɛ ye a kɔnɔ mɔgɔw ta ye! Dugujugu!

Sofoni 3:5

Masaba b'u cɛma, a tilennin lo, a te kojugu kɛ. Dugugwɛ o dugugwɛ, a b'a ka tilenninya yira, loon o loon sɔgɔma, a te fɔn o la. Nga mɔgɔjugu te maloya lɔn.

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Marika 10:19

I be Ala ka sariyaw lɔn: ‹I kana mɔgɔ faga, i kana kakalaya kɛ, i kana soɲali kɛ, i kana galon seereya kɛ, i kana mɔgɔ si tɔɲɔ, i faa n'i baa boɲa.› »

Luka 12:5

Aw ka kan ka siran min ɲa, ne bena o fɔ aw ye. See be min ye ka mɔgɔ nii minɛ, o kɔ, a be se k'a fili jahanama kɔnɔ, aw ka siran ale lo ɲa.

Luka 16:28

bari dɔgɔcɛ duuru be ne fɛ. A ka taga u lasɔmi waasa olu fana kana na nin tɔɔrɔ yɔrɔ la.›

Rɔmukaw 1:18

Ka Ala to sankolo la, a be dimi mɔgɔw fɛ minw te siran a ɲa, n'u be tilenbaliyako kɛ ka tiɲɛ dogo.

Rɔmukaw 12:19

Ne teriw, aw kana aw mɔnɛ bɔ, aw k'o to Ala ma, bari a fɔra Ala ka kuma na ko: «Mɔnɛbɔko ye ne ta ye, ne le be juru sara.» Matigi ko ten.

Rɔmukaw 13:4

Bari a be yen Ala ka baara le kama janko k'i seen bila siraɲuman na, nga n'i ye kojugu kɛ i ka siran, bari a sigikun ka maramafɛn d'a ma te dɔ wɛrɛ ye, ka kojugukɛlaw jalaki. N'a b'o kɛ tuma min na, a be Ala ka baara le kɛra k'a ka dimiko yira o tigi la.

Kor 2nan 7:11

Dusukasi min y'aw sɔrɔ ka bɔ Ala fɛ. Ale ye baara min kɛ, aw y'o ye, o le y'a to aw siranna Ala ɲa. Ka sin ka koo nin ta ni sɔbɛ ye, k'a yira ko a tun man d'aw ye fana, fɔɔ aw dimina. Ne koo donna aw kɔnɔ kosɔbɛ, ani aw banbana kosɔbɛ ka kojugukɛla nin jalaki. Aw y'a yira cogo bɛɛ la ko aw seen tun te o koo la fana.

Galasikaw 5:21

wasabaliya, dɔrɔtɔya, ni nugubatɔya, ani o ɲɔgɔnna koow. Ne be kɔn k'o fɔ aw ye, i n'a fɔ n delila k'a fɔ aw ye cogo min na ko mɔgɔ minw b'o koow kɛ, k'olu tena Ala ka masaya sɔrɔ fewu.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Ɛfɛsikaw 4:28

Mɔgɔ min be soɲali kɛ, o tigi kana soɲali kɛ tugu, nga o tigi ka baara kɛ ka ɲa, janko a ka se ka sɔrɔli kɛ ka dɔ di dɛsɛbagatɔw ma.

Ɛfɛsikaw 5:6

Aw kana sɔn mɔgɔ si k'aw ɲagami n'a ka kuma fufafu ye, bari o ɲɔgɔn le b'a to Ala be dimi a ka kuma batobaliw fɛ.

Sariya 24:7

«Ni aw Isirayɛlidenw dɔ y'a balima dɔ minɛ k'a kɛ jɔɔn ye, walima k'a feere, o tigi ka kan ka faga. O la, aw bena kojugu bɔ aw cɛma.

Sariya 32:35

N'u benlon nana se, ne le ka kan ka mɔnɛ bɔ, ne bena u sara. U ka lonjugu sera. Min labɛnna u kama, o tena mɛn n'o ma kɛ.»

Tes fɔlɔ 2:11

Aw b'a lɔn fana ko an y'aw kelen kelen bɛɛ minɛ i n'a fɔ faa b'a deenw minɛ cogo min na.

Tes 2nan 1:8

A bena na ni tasuma ye, ka mɔgɔw ɲaa gwan minw ma Ala lɔn ani minw ma sɔn an Matigi Yezu ka kibaru diman ma.

Heburuw 13:4

Mɔgɔ bɛɛ ka furu boɲa, kakalaya kana kɛ furu kɔnɔ. Bari Ala bena ɲamɔgɔyakɛlaw ni kakalaw kiti.

Heburuw 2:6

Nga a fɔra Ala ka kuma yɔrɔ dɔ la ko: «Mɔgɔ ye mun ye n'i b'i hakili to a la? Adamaden ye mun ye n'i b'i janto a la?

Yakuba 2:6

Nga aw kɔni, aw be fantanw le dɔgɔya. Nafolotigiw le t'aw tɔɔrɔ k'aw minɛ ka taga n'aw ye faamaso wa?

Yakuba 5:4

Baaraden minw ye baara kɛ aw ka foro kɔnɔ, aw ma olu ka saraw di u ma. Matigi, Setigi y'o baaraden nunu kasikan mɛn.