Tes fɔlɔ 4:16 - ALA KA KUMA

¹⁶ Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bena bɔ sankolo la ka jigi. O tuma na, mɔgɔ minw tun lara Krista la ka sɔrɔ ka sa, olu be kunun fɔlɔ.

Jula NT of Côte d’Ivoire

¹⁶ Sabu kumakan dɔ bɛna bɔ, o kɔ mɛlɛkɛ kuntigi dɔ kan bɛna bɔ; o kɔ, Ala ta burufiyɛkan bɛ bɔ. Ni o kɛra, Matigi Yesu yɛrɛ bɛ jigi ka bɔ sankolo ra. O tuma, minw sara ka o to Kirisita ta jɛnɲɔgɔnya ra, olugu bɛ kɔn ka kunu.

LAYIDUKURA

¹⁶ Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bɛna bɔ sankolo la ka jigi, o tuma na mɔgɔ minw tun lara Krista la ka sɔrɔ ka sa, olu bɛ kunun fɔlɔ.

Tes fɔlɔ 4:16 Iomraidhean Croise

Zaburu 47:1

Kore kɔmɔgɔw ka dɔnkili dɔ, dɔnkililabagaw kuntigi ye min la.

Zaburu 47:5

A y'an niyɔrɔ d'an ma, an minw ye Yakuba kunkɔrɔtabagaw ye, min koo tun ka d'a ye.

Bɔri 19:16

Tile sabanan loon sɔgɔmadafɛ, saan pɛrɛnna, ka manamana, sankabafin tun be kulu kunna, buru fiyɛra kosɔbɛ. Jama bɛɛ yɛrɛyɛrɛla u sigiyɔrɔ la.

Bɔri 20:18

Jama ye saan pɛrɛnkan ni buru fiyɛkan mɛn, ka saan manamanatɔ ye, ani ka kulu sisitɔ ye tuma min na, u yɛrɛyɛrɛla siranya bolo. U lɔra yɔrɔjan na

Ezayi 27:13

O loon na, buruba bena fiyɛ. Minw tununin tun be Asiri jamana la, olu bena na, ani minw tun gwɛnna ka taga Ezipiti jamana la, u bena na u kunbiri gwan Masaba ɲakɔrɔ kulu senuman kan, Zeruzalɛmu kɔnɔ.

Yowɛli 2:11

Masaba kumakan be bɔ a ka kɛlɛdenw ɲafɛ, u ka ca kosɔbɛ. Barika b'a ka kuma batobagaw la. Masaba ka loon ye lonba ye, siranyalon lo. Jɔn be se ka lɔ o loon na?

Jakariya 9:14

Masaba ben'a yɛrɛ yira sanfɛ u kunna. A ka biɲɛ be taga i ko sanmanamana. Matigi, Masaba bena buru fiyɛ, a bena na worodugu ɲafan fɔɲɔba kɔnɔ.

Jakariya 9:9

*Siyɔnkaw, aw ye ɲanagwɛ kosɔbɛ! Zeruzalɛmukaw ka nisɔndiya ka mankan kɛ! Aw ka masacɛ natɔ filɛ aw fɛ! Mɔgɔtilennin lo, setigi lo, mɔgɔmajiginin lo. A be fali kan, a be faliden kan.

Jateri 23:21

A ma tilenbaliyako ye Yakuba kɔmɔgɔw la, a ma kojugu ye Isirayɛlidenw fɛ. Masaba u ka Ala tora u fɛ, Masaba ka folikan be bɔra u fɛ.

Matiyu 16:27

Ayiwa, Mɔgɔ Dencɛ bena na n'a ka mɛlɛkɛw ye a Faa ka sebagaya la, o la a bena mɔgɔ kelen kelen bɛɛ sara ka kɛɲɛ n'u ka kɛwaliw ye.

Matiyu 16:28

Tiɲɛ na, ne b'a fɔ aw ye ko aw minw be yan, aw dɔw tena sa n'u ma Mɔgɔ Dencɛ natɔ ye n'a ka masaya ye.»

Matiyu 25:31

«Tuma min na Mɔgɔ Dencɛ bena na a ka nɔɔrɔ la ni mɛlɛkɛw ye, a bena sigi a ka masasigilan kan.

Matiyu 26:64

Yezu y'a jaabi ko: «Ele yɛrɛ le y'a fɔ, nga ne b'a fɔ aw ye ko k'a ta sisan ma, aw bena Mɔgɔ Dencɛ siginin ye Setigi Ala kinibolo fɛ, o kɔ, aw ben'a natɔ ye sankaba kan.»

Kɛwalew 1:11

Cɛɛ fila nunu y'u kaan to u ma ko: «Galilekaw! A kɛra di aw lɔnin be ka sankolo filɛ ten? Aw ye Yezu min yɛlɛtɔ ye arijana na, a bena segi ka na ten ka bɔ o yɔrɔ la.»

Kor fɔlɔ 15:18

O la, mɔgɔ minw sara k'u jigi lanin to Krista kan, olu ta cɛnna.

Kor fɔlɔ 15:20

Nga tiɲɛ na, Krista kununna. K'a yira k'a gwɛya ko mɔgɔ minw sara, olu bena kunun.

Kor fɔlɔ 15:23

Nga o bena kɛ bɛɛ n'a lɔyɔrɔ: Krista le kɛra fɔlɔ ye, o kɔ, mɔgɔ minw kɛra a ta ye. A be kɛ ten a natuma na.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tes fɔlɔ 3:11

An b'a ɲini ale an Faa Ala fɛ ani an Matigi Yezu fɛ, u ka sira di an ma loon dɔ waasa ka taga aw fɛ.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Tes 2nan 2:1

Min y'an Matigi Yezu Krista ka kɔsegiko ye, ani an lajɛnko ye a fɛ, n balimaw, an b'aw daali ko

Piy 2nan 3:10

Matigi nalon bena bari mɔgɔw la i n'a fɔ soon. O loon na, sankolo bena tunu ni mankanba ye. Sankolofɛnw bɛɛ bena halaki ni tasuma ye pewu! Diɲɛ n'a kɔnɔnafɛnw bɛɛ bena ban.

Zude 1:9

O ye koo ye, hali mɛlɛkɛw ɲamɔgɔ Misɛli ma sɔn k'a min kɛ. Tuma min na, a tun be sɔsɔli kɛra ni Sutana ye Musa suu koo la, a y'a yɛrɛ minɛ, a ma sɔn ka Sutana nɛni. Nga a y'a fɔ ko: «Ala bena i sara.»

Yirari 1:10

Matigi ka loon dɔ la, Nii Senuman barika la, ne ye kumakan dɔ mɛn n kɔfɛ, i n'a fɔ buru fiyɛkan.

Yirari 1:7

Ayiwa, a bena na sankaba kan. Mɔgɔ bɛɛ ben'a ye. Hali minw tun y'a sɔgɔ, u ben'a ye. Siyaw bɛɛ bena kasi ale kosɔn. Ɔnhɔn, a bena kɛ ten. Amiina.

Yirari 14:13

O kɔ, kumakan dɔ bɔra sankolo la. A ko ne ma: «A sɛbɛn ko: mɔgɔ minw be sa k'u jigi lanin to Matigi kan kabini sisan, olu dagamunin lo.» Nii Senuman ko: «U bena lafiɲɛ, bari u ye kɛwaliɲumanw kɛ.»

Yirari 8:13

O tuma na, ne tun be filɛli kɛra, ne ye sɛgɛn dɔ tɛmɛtɔ pɛrɛnkan mɛn fɔɔ sankolo la. A tun b'a fɔra ko: «Mɛlɛkɛ saba minw tora, olu bena buru minw fiyɛ sisan, bɔnɛ! Bɔnɛ! Bɔnɛ ye diɲɛ mɔgɔw ta ye, o buru nunu fiyɛli kama.»

Yirari 8:2

Ne ye mɛlɛkɛ wolonwula ye minw be lɔ Ala ɲafɛ, buru fiyɛta wolonwula dira u ma.