Tes fɔlɔ 3:8 - ALA KA KUMA

⁸ Sisan an be se ka ninakili ka ɲa bari aw jijanin lo ka to Matigi ka jɛnɲɔgɔnya la.

Jula NT of Côte d’Ivoire

⁸ Ayiwa, sisan kɔni an ja gbɛlɛyara, sabu an k’a lɔn ko aw ta lanaya bɛ a nɔ ra, Matigi ta jɛnɲɔgɔnya ra.

LAYIDUKURA

⁸ Sisan an bɛ se ka ninakili ka nya bari aw jijanin lo ka to Matigi ka jɛnnyɔgɔnya la.

Tes fɔlɔ 3:8 Iomraidhean Croise

Zaburu 30:5

Aw minw ye Masaba ka mɔgɔw ye, aw k'a tanu ni dɔnkiliw ye. Aw k'a bato k'a ka senuya koo fɔ.

Yuhana 15:4

Aw ye to ni ne ye i n'a fɔ ne be n'aw ye cogo min na. Yiribolo te se ka tigɛ ka to a kelen na ka se ka deen kɛ cogo min na a yɛrɛ ma, o cogo kelen na fana, n'aw ma to ne fɛ, aw te se ka foyi kɛ.

Yuhana 15:7

N'aw tora ne fɛ, ani ne ka kuma tora aw kɔnɔ, aw be fɛɛn min fɛ, aw k'o daali aw bena o sɔrɔ.

Yuhana 8:31

Zuwifuw ɲamɔgɔ minw lara Yezu la, a y'a fɔ olu ye ko: «N'aw ye ne ka kuma bato, aw be kɛ n ka kalandenw ye tiɲɛ na.

Kɛwalew 11:23

Ala y'a ka ɲumanya yira mɔgɔ nunu la cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɔbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Galasikaw 5:1

Krista y'an hɔrɔnya janko an ka kɛ hɔrɔnw ye sɔbɛ la, o la, aw ye jija, aw kana tila ka don jɔnya la tugu.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Filipikaw 1:21

bari ni ne be nii na, ne be nii na Krista ka baara kosɔn, nga ni ne sara, o fana ye ne ka tɔnɔ ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Filipikaw 4:1

O le kosɔn n balimaw, ne be aw minw kanu, ani ne b'a fɛ ka aw minw ye tugu, aw minw be kɛ sababu ye ne be nisɔndiya ni kunkɔrɔta sɔrɔ, aw ka jija kosɔbɛ Matigi barika la, ne teriw.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Tes fɔlɔ 3:7

O le y'a to, n balimaw, k'an to an ka sigɛn n'an ka tɔɔrɔ la, an y'a ye tuma min na ko aw jigi lanin be Matigi kan halibi, an ye nisɔndiya sɔrɔ.

Heburuw 10:23

An ko jigi min b'an fɛ, an kana an fari faga o koo la. Bari Ala min y'a daa di, kantigi lo.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamaɲɔgɔnw ye.

Heburuw 4:14

Ayiwa, sarakalasebagaw kuntigiba ɲanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi be min kan, an k'a to o kan.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Piy 2nan 3:17

Ayiwa, n teriw, aw kɔni lasɔmina ka ban. Aw k'aw yɛrɛ kɔlɔsi Alaɲasiranbaliw si kana aw kuun ɲagami. Aw kan'a to u b'aw jigi tigɛ ka bɔ fuu la.

Yirari 3:11

N be na yanni dɔɔni. Aw ye jija k'aw yɛrɛ kɔlɔsi waasa mɔgɔ si kana na aw ka sara bɔsi aw la.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka ɲa. N'o tɛ, ne bena na bari aw la i n'a fɔ soon, aw tena ne natuma lɔn.

Sam fɔlɔ 25:6

Aw k'a fɔ a ye ko Ala ka sii d'a ma, ka hɛrɛ kɛ a n'a ka somɔgɔw, n'a bololafɛnw bɛɛ ye.