Tes fɔlɔ 3:6 - ALA KA KUMA

⁶ Sisan, Timote bɔra aw fɛ ka na se yan an fɛ. A ye kibaruɲuman fɔ aw koo la. A ko jigiɲuman be aw fɛ, ko aw be ɲɔgɔn kanu. An ka koo be aw kɔnɔ cogo min na, a y'o fɔ, ko aw b'a fɛ k'an ye kosɔbɛ, i n'a fɔ an fana b'a fɛ k'aw ye cogo min na.

Jula NT of Côte d’Ivoire

⁶ Ayiwa, Timote bɔra aw fɛ yi, ka na kibaroɲuman fɔ an ye aw ta lanaya ko ra, ani aw ta kanuya; a ko aw hakiri bɛ an na kosɛbɛ, ani ko an lɔgɔ bɛ aw ra i n’a fɔ aw fana lɔgɔ bɛ anw na cogo min na.

LAYIDUKURA

⁶ Sisan, Timote bɔra aw fɛ ka na se yan an fɛ. A ye kibarunyuman fɔ aw koo la. A ko jiginyuman bɛ aw fɛ, ko aw bɛ nyɔgɔn kanu. An koo bɛ aw kɔnɔ cogo min na, a ye o fɔ, ko aw b'a fɛ k'an ye kosɛbɛ, i n'a fɔ an fana b'a fɛ ka aw ye cogo min na.

Tes fɔlɔ 3:6 Iomraidhean Croise

Zanaw 25:25

Jisuma koo ka di minnɔgɔtɔ ye cogo min na, kibaru diman min bɔra yɔrɔjan, be ten le a mɛnbagaw fɛ.

Ezayi 52:7

Ciden min be nana kibaru diman fɔ, ale yenin be mɔgɔ nisɔndiya, min be hɛrɛkuma wango la, min be kibaru diman fɔ ka kisili wango la, min b'a fɔ *Siyɔn ye ko: «I ka Ala ye masa ye!»

Kɛwalew 16:1

Pɔli nunu sera Dɛribe, ka taga Lisitɔrɔ. Kalanden dɔ tun b'o yɔrɔ la, a tɔgɔ ko Timote. A bamuso tun ye zuwifu ye, ka na la Yezu la. Nga a facɛ tun ye girɛki ye.

Kɛwalew 18:1

O kɔ, Pɔli bɔra Atɛni ka taga Korɛnti.

Kɛwalew 18:5

Silasi ni Timote nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira zuwifuw la ko Yezu le ye Ala ka Mɔgɔ wolomanin ye.

Kor fɔlɔ 11:2

Ne be barika la aw ye bari aw hakili be ne la waati bɛɛ, ne ye koo minw bɛɛ fɔ aw ye, aw y'o bato ka ɲa.

Kor fɔlɔ 13:13

Sisan fɛɛn saba nunu le be yen: lanaya, jigi, ani kanuya, nga o fɛɛn saba nunu na, kanuya le be ɲafɛ.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Filipikaw 1:8

Ala yɛrɛ b'a lɔn ko aw bɛɛ koo ka di ne ye i n'a fɔ aw koo ka di Yezu Krista ye cogo min na.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw be Ala ka mɔgɔw kanu.

Kɔlɔsikaw 4:18

Ne Pɔli b'aw fo, yan sɛbɛn nɔɔ nin ye ne yɛrɛ bulonɔ ye. Aw kana ɲinɛ ko ne be kaso la. Ala ka nɛɛma kɛ aw ye.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes fɔlɔ 2:17

An kɔni fɛ balimaw, kabini an faranna ɲɔgɔn na waati dɔɔni nin kɔnɔ, an kɔni t'aw cɛma, nga an be miiri aw koo la. An ye cogo bɛɛ ɲini, janko ka segi ka taga aw fɛ, bari an b'a fɛ k'aw ye.

Tes fɔlɔ 2:9

N balimaw, an ye baara min kɛ k'o sigɛn muɲu, aw hakili b'o la. K'an to aw cɛma n'an be Ala ka kibaru diman fɔ aw ye, an ye baara kɛ suu fara tile kan waasa an ka doni kana la aw dɔ kan.

Tes fɔlɔ 3:7

O le y'a to, n balimaw, k'an to an ka sigɛn n'an ka tɔɔrɔ la, an y'a ye tuma min na ko aw jigi lanin be Matigi kan halibi, an ye nisɔndiya sɔrɔ.

Tes 2nan 1:3

N balimaw, an ka kan ka barika la Ala ye tuma bɛɛ aw kosɔn la, o ka ɲi. Bari aw jigi lanin lo Matigi kan kosɔbɛ ani kanuya min be aw ni ɲɔgɔn cɛ, o be boɲana ka taga ɲa,

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Filemɔn 1:5

bari, i be Krista kɔmɔgɔw kanu cogo min na, ani i lanin be Matigi Yezu la cogo min na, ne y'o mɛn.

Heburuw 13:3

Aw k'aw hakili to kasodenw na, k'a kɛ i n'a fɔ aw fana be kaso la n'u ye. U be minw tɔɔrɔla, aw k'aw hakili to u la, i n'a fɔ aw yɛrɛ tun be tɔɔrɔla.

Heburuw 13:7

Aw k'aw hakili jigi aw ɲamɔgɔw la. Minw ye Ala ka kuma fɔ aw ye. U sii labanna cogo min na, aw k'o jati k'u ka lanaya ɲɔgɔn kɛ.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka ɲɔgɔn kanu. Ale yɛrɛ le y'o cii nin don an bolo.