Tes fɔlɔ 3:3 - ALA KA KUMA

³ waasa aw, mɔgɔ si fari kana faga tɔɔrɔ kosɔn minw y'aw sɔrɔ sisan, bari aw yɛrɛ b'o lɔn ka ban ko wajibi lo, o k'an sɔrɔ.

Jula NT of Côte d’Ivoire

³ janko tɔɔrɔ min bɛ aw kan sisan, o kana aw ta lanaya bɔ a nɔ ra. Aw yɛrɛ k’a lɔn ko Ala ka an wele o le kama.

LAYIDUKURA

³ waasa aw la, mɔgɔ si kunna kana cɛn tɔɔrɔ kɔsɔn minw y'aw sɔrɔ sisan, bari aw yɛrɛ b'o lɔn ka ban ko wajibi lo, o ka an sɔrɔ.

Tes fɔlɔ 3:3 Iomraidhean Croise

Ayuba 23:14

A ye min latigɛ n kosɔn, a bena o kɛ, dɔ wɛrɛ fana be sɔrɔ, a ye minw mara.

Zaburu 112:6

Mɔgɔtilennin tena dɛsɛ foyi la. A koo bena to mɔgɔw hakili la kudayi.

Luka 21:12

«Nga sanni o koow bɛɛ ka kɛ, mɔgɔw bena aw minɛ k'aw tɔɔrɔ kosɔbɛ. U bena aw don kalanso kuntigiw bolo k'aw don kaso la. U bena taga n'aw ye masacɛw ni jamanatigiw fɛ ne kosɔn.

Yuhana 16:2

U bena aw gwɛn ka bɔ kalansow kɔnɔ, waati dɔ bena se, mɔgɔ minw bena aw faga, olu bena miiri k'u ye Ala sago le kɛ.

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kɛwalew 2:25

Masacɛ Dawuda yɛrɛ tun y'a koo fɔ ko: ‹Ne ɲaa be Matigi la tuma bɛɛ n ɲafɛ. A be ne fɛ minkɛ, n hakili tena ɲagami.

Kɛwalew 21:11

A nana an sɔrɔ minkɛ, a ye Pɔli ka cɛsirilan ta k'a yɛrɛ seen n'a bolow siri n'a ye, k'a fɔ ko: «Mɔgɔ min ta ye cɛsirilan nin ye, zuwifuw ben'a tigi minɛ k'a siri ten Zeruzalɛmu k'a don siya wɛrɛw bolo. Nii Senuman le ko ten.»

Kɛwalew 21:13

Nga a y'an jaabi ko: «Mun na aw be kasira ten, n'aw b'a fɛ ka ne jigi tigɛ? Ka ne siri, o te foyi ye ne fɛ. Ne ka sa yɛrɛ Zeruzalɛmu, Matigi Yezu tɔgɔ kosɔn, ne labɛnnin lo o kama.»

Kɛwalew 9:16

A ka kan ka tɔɔrɔ minw bɛɛ kɛ ne kosɔn, ne yɛrɛ bena o bɛɛ yira a la.»

Rɔmukaw 5:3

O dama tɛ, an be nisɔndiya an ka tɔɔrɔkow la, bari an b'a lɔn ko tɔɔrɔ be na ni muɲuli ye.

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Kor fɔlɔ 4:9

Bari ne be miiri ko Ala y'an cidenw kɔni bila mɔgɔ bɛɛ kɔfɛ, i n'a fɔ mɔgɔ minw ka kan ka faga. O la, an kɛra diɲɛ bɛɛ ka tolonkɛfɛn ye, k'a ta mɛlɛkɛw ma fɔɔ ka taga bila adamadenw ma.

Ɛfɛsikaw 3:13

O la, ne b'aw daali ko aw kana aw jigi tigɛ ne ka tɔɔrɔko kosɔn, ne be minw kɛ aw kama, o le ye aw ka yɛrɛboɲa sababu ye.

Filipikaw 1:28

Aw kana sɔn aw juguw ka siranya bila aw la cogo si la. Ni aw jaa ma tigɛ fewu, u ben'a lɔn ko olu ta ye halakili ye, ani ko aw ta ye kisili ye min bɔra Ala fɛ.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Tes fɔlɔ 5:9

Bari Ala m'a latigɛ ko a ka dimi ka se an ma, nga a y'a latigɛ ko an ka kisi an Matigi Yezu Krista barika la le,

Tes 2nan 1:4

fɔɔ an b'an yɛrɛ boɲa Krista ka jama cɛma aw ka jijali, n'aw ka lanaya kosɔn, hali k'aw to nin tɔɔrɔ ni kɔrɔbɔli bɛɛ la.

Tim 2nan 1:8

I kana maloya k'an Matigi koo fɔ, i kana maloya ni ne fana ka koo ye, ne min be kaso la ale kosɔn. Nga i ka sɔn tɔɔrɔ ma i n'a fɔ ne, kibaru diman kosɔn, Ala barika la.

Piy fɔlɔ 2:21

Ala y'aw wele o yɛrɛ le kama. Bari Krista fana tɔɔrɔla aw kosɔn. A ye wale yira aw la, aw ka kan k'a nɔɔ ta.

Yirari 2:10

Tɔɔrɔ min bena aw sɔrɔ, aw kana siran o ɲa. Ayiwa, aw cɛma, mɔgɔ damani bena kaso kɛ Sutana sababu la. A bena o kɛ k'aw kɔrɔbɔ. Aw bena tɔɔrɔ tile tan kɔnɔ. Aw ka kɛ kantigiw ye fɔɔ ka taga se saya ma, n'o kɛra, aw bena nii banbali sɔrɔ ne barika la.

Yirari 2:13

Aw be dugu min na, ne y'a lɔn ko Sutana ka masasigilan b'o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seereɲuman Antipasi faga aw fɛ loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.