Tes fɔlɔ 3:13 - ALA KA KUMA

¹³ A ka barika don aw la, aw ka kɛ mɔgɔɲumanw ni jalakibaliw ye an Faa Ala ɲakɔrɔ, an Matigi Yezu kɔsegituma na n'a ka mɔgɔw bɛɛ ye.

Jula NT of Côte d’Ivoire

¹³ Ala ye baraka don aw ra, k’a to aw ye saninya, jarakiyɔrɔ kana kɛ aw ra an Fa Ala ɲa kɔrɔ, an Matigi Yesu nalon na ni a ta mɔgɔ saninmanw bɛɛ ye.

LAYIDUKURA

¹³ A ka barika don aw la, aw ka kɛ mɔgɔnyumanw ni jalakibaliw ye an Faa Ala nyakɔrɔ, an Matigi Yezu kɔsegituma na n'a ka mɔgɔw bɛɛ ye.

Tes fɔlɔ 3:13 Iomraidhean Croise

Jakariya 14:5

Aw bena boli ka tɛmɛ n'o kuluw furancɛ le ye. Furancɛ nin bena taga fɔɔ Asali. Aw bena boli i n'a fɔ aw tun bolila cogo min na dugukolo yɛrɛyɛrɛlon na, Zuda mara masacɛ Oziyasi ka tile la. O kɔ, Masaba, n ka Ala bena na n'a ka mɔgɔɲumanw bɛɛ ye.

Matiyu 25:31

«Tuma min na Mɔgɔ Dencɛ bena na a ka nɔɔrɔ la ni mɛlɛkɛw ye, a bena sigi a ka masasigilan kan.

Marika 8:38

Bii mɔgɔw banna Ala la, u be hakɛ kɛ. Ni mɔgɔ min maloyara olu ɲana ka ne koo fɔ, ne bena na n Faa ka sebagaya la tuma min na ni mɛlɛkɛ senumanw ye, Mɔgɔ Dencɛ fana bena maloya k'a fɔ k'o tigi ye a ka kalanden ye.»

Luka 1:6

U fila bɛɛ tilennin tun be Ala ɲakɔrɔ, u tun be Matigi ka sariyaw bɛɛ bato a ɲaa ma.

Rɔmukaw 14:4

E min be mɔgɔ wɛrɛ ka baaraden jalaki, e ye jɔn ye? A ye baaraɲuman kɛ wo, a m'a kɛ wo, o t'i ka sira la, o ye a tigi ka koo ye. A do bena baaraɲuman kɛ, bari see be Matigi ye k'o kɛ.

Rɔmukaw 16:25

An ka Ala fo, ale min be se ka barika don aw la Yezu Krista ka kibaru diman kosɔn, ne be min fɔ ka kɛɲɛ ni tiɲɛ ye an y'o min lɔn, o min tun kɛra gundo ye kabini fɔlɔfɔlɔ.

Kor fɔlɔ 15:23

Nga o bena kɛ bɛɛ n'a lɔyɔrɔ: Krista le kɛra fɔlɔ ye, o kɔ, mɔgɔ minw kɛra a ta ye. A be kɛ ten a natuma na.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Ɛfɛsikaw 5:27

a ka jama dafanin ka sɔrɔ a yɛrɛ ɲakɔrɔ, nɔɔ si kana ye a kan, ni kurukuruyɔrɔ ani dɛsɛyɔrɔ si kana ye a la. A b'a fɛ a ka jama ka kɛ a ɲanaman ye, jalakiyɔrɔ kana sɔrɔ a la.

Sariya 33:2

A ko: «Masaba bɔra Sinayi kulu kan ka na, a bɔra i ko tile wilitɔ, *Seyiri mara la. A tora Paran kulu kan ka yeelen bɔ a ka jama ye. A nana ni mɛlɛkɛ waa caaman ye, ka bɔ kulu nin kan, worodugu ɲafan fɛ.

Filipikaw 1:10

waasa aw ka se ka koɲuman lɔn, ka kɛ mɔgɔɲuman jalakibaliw ye Krista kɔsegilon na,

Kɔlɔsikaw 1:22

sisan Ala bɛnna n'aw ye a Dencɛ ka saya barika la, waasa aw saniyanin, n'aw jalakibali ka se ka lɔ a ɲakɔrɔ.

Tes fɔlɔ 2:19

N'an Matigi Yezu segira ka na tuma min na, an jigi be jɔn le kan, an bena nisɔndiya jɔn le kosɔn, jɔn le bena kɛ an ka sesɔrɔjala ye an bena an yɛrɛ boɲa min kosɔn, aw tɛ wa?

Tes fɔlɔ 3:11

An b'a ɲini ale an Faa Ala fɛ ani an Matigi Yezu fɛ, u ka sira di an ma loon dɔ waasa ka taga aw fɛ.

Tes fɔlɔ 3:2

O le y'a to, an ye an balimacɛ Timote ci aw fɛ, ale ye Ala ka baarakɛla ye Krista ka kibaru diman fɔli kosɔn, an y'a ci waasa ale ka taga aw dɛmɛ, ani k'aw ladi aw jigi koo la,

Tes fɔlɔ 4:15

An be min fɔ aw ye, an y'o sɔrɔ Matigi ka kuma na. An minw bena to na fɔɔ ka taga se Matigi ka kɔsegi ma, mɔgɔ minw sara, an tena kɔn ka taga olu ɲa.

Tes fɔlɔ 4:17

O kɔ, an minw tora nii na, an bena kori ka kɔrɔta ɲɔgɔn fɛ ni olu ye sankaba kan ka taga Matigi kunbɛn. An bena to n'a ye tuma bɛɛ.

Tes fɔlɔ 5:23

Hɛrɛtigi Ala yɛrɛ k'aw kɛ mɔgɔ senumanw ye, juguya si kana sɔrɔ aw la, aw farisogo faan fɛ, n'aw dusu, ani aw hakili la, a k'aw bɛɛ mara jalakiyɔrɔ kana sɔrɔ aw la an Matigi Yezu Krista nalon na.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Tes 2nan 2:1

Min y'an Matigi Yezu Krista ka kɔsegiko ye, ani an lajɛnko ye a fɛ, n balimaw, an b'aw daali ko

Yakuba 5:8

O cogo kelen na, aw fana ka muɲu, ka jija bari Matigi kɔsegituma surunyana.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Zude 1:14

Enɔki min ye wolokun wolonwulanan ye k'a ta Adama ma, ale ye kirayakuma fɔ u ka koo la ko: «A filɛ. Matigi bena na n'a ka mɛlɛkɛ senuman waa caaman ye.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,