Tes fɔlɔ 3:10 - ALA KA KUMA

¹⁰ N'an be Ala daali tuma min na, suu fara tile kan, an b'a ɲini a fɛ kosɔbɛ ko a ka sira di an ma, waasa an ka se ka taga aw filɛ ani k'aw dɛmɛ tugu k'aw jigi sabati.

Jula NT of Côte d’Ivoire

¹⁰ Su ni tere an bɛ Ala daari, k’a daari kosɛbɛ, janko a y’a to an ye sira sɔrɔ ka taga an ɲa la aw kan; ni o kɛra, min ka aw ta lanaya jɛn, an bɛna aw karan o ra.

LAYIDUKURA

¹⁰ N'an bɛ Ala dali tuma min na, suu fara tile kan, an b'a nyini a fɛ kosɛbɛ ko a ka sira di an ma, waasa an ka se ka taa aw filɛ ani ka aw dɛmɛ tugu ka taa aw ka jigi sabatiko faan fɛ.

Tes fɔlɔ 3:10 Iomraidhean Croise

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Kɛwalew 26:7

An ka siya bɛɛ jigi b'a kan ko Ala y'a daa di koo min na k'o bena kɛ. O kama u jijanin be ka to ka Ala bato suu fara tile kan. Masa Agiripa, jigi min be ne fɛ, o kama zuwifuw be ne jalakira.

Kor 2nan 1:15

N lanin tun b'o la minkɛ, o la, ne tun b'a fɛ ka taga aw fɛ fɔlɔ, waasa aw ka se ka nisɔndiya tugu kosɔbɛ.

Kor 2nan 1:24

A ma kɛ ko anw b'a fɛ ka koo dɔ wajibiya aw kunna lanaya faan fɛ dɛ, nga an b'aw dɛmɛna le janko aw ka nisɔndiya, bari aw banbanin lo lanaya la.

Kor 2nan 13:11

Sisan n balimaw, aw ka to nisɔndiya la, ka jija ka kɛ mɔgɔdafaninw ye, ka ɲɔgɔn jaa gwɛlɛya, ka bɛn kosɔbɛ, ani ka to hɛrɛ la ɲɔgɔn fɛ. N'o kɛra, kanuyatigi Ala, min ye hɛrɛtigi ye, ale bena to n'aw ye.

Kor 2nan 13:9

Ni an be dɛsɛ, aw be fanga sɔrɔ, o tuma na an be nisɔndiya. An be Ala daali ko aw ka se ka taga ɲa ka kɛ mɔgɔdafaninw ye.

Filipikaw 1:25

o la, ne lanin b'a la ko ne bena to nii na aw gɛrɛfɛ, k'aw bɛɛ dɛmɛ ka taga ɲa ani ka nisɔndiya sɔrɔ aw ka lanaya la Yezu la.

Kɔlɔsikaw 1:28

An be ale Krista le koo fɔra mɔgɔ bɛɛ ye, k'u ladi, ani k'u kalan ni hakilitigiya bɛɛ ye, waasa an ka se ka mɔgɔ kelen kelen bɛɛ labɛn u dafanin ka lɔ Ala ɲakɔrɔ Krista barika la.

Kɔlɔsikaw 4:12

Epafarasi b'aw fo, ale min ye aw balima dɔ ye, min kɛra Yezu Krista ka baarakɛla ye. A be to ka Ala daali aw ye tuma bɛɛ, waasa aw ka se ka kɔgɔ Ala koo la ani ka sɔn a sago ma kosɔbɛ.

Tes fɔlɔ 3:11

An b'a ɲini ale an Faa Ala fɛ ani an Matigi Yezu fɛ, u ka sira di an ma loon dɔ waasa ka taga aw fɛ.

Tes 2nan 1:11

O le y'a to an b'an ka Ala daali aw ye tuma bɛɛ, waasa, Ala y'aw wele kuun min na, aw k'o ɲa. Ani ka see d'aw ma, aw jigi kosɔn, aw b'a fɛ ka koɲuman min kɛ, aw ka se k'o kɛ.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Filemɔn 1:22

Ani ka fara o kan, i ka jigiyɔrɔ dɔ labɛn ne ye, bari ne lanin b'a la ko aw ka Aladali barika la, ne bena sira sɔrɔ ka taga aw fɛ.

Yirari 4:8

O nimanfɛn naani nunu bɛɛ tun be ni gaman wɔɔrɔ wɔɔrɔ ye, ɲadenw tun be u fari yɔrɔ bɛɛ la. Suu ni tile, u b'a fɔ ko: «Senuman, senuman, senuman ye Matigi Ala ye, Setigi! Min tun be yen! Min be yen! Min be na!»

Yirari 7:15

O kama, u lɔnin be Ala ka masasigilan ɲafɛ ka to k'a bato a ka soo kɔnɔ suu ni tile. Ayiwa, min siginin be masasigilan kan, ale bena u tanga.

Sam fɔlɔ 12:23

Masaba ka ne fana kisi ne kan'a hakɛ ta ka daaliliko dabila aw ye! Ne bena to k'aw kalan ka siraɲuman ni siratilennin don aw seen kɔrɔ.