Tes fɔlɔ 2:7 - ALA KA KUMA

⁷ An tun be se ka kuntigiya kɛ aw kan, bari an ye Krista ka cidenw ye. Nga an ka koo tun ka di k'an to aw cɛma yen, i n'a fɔ muso b'a deen mara cogo min na.

Jula NT of Côte d’Ivoire

⁷ K’a sɔrɔ an tun bɛ se ka an ta fanga sigi aw kan, ko anw ye Kirisita* ta ciradenw* le ye. Nka an ma o kɛ; an ka baara kɛ aw cɛ ra ni sabari le ye, ka aw mina i ko bamuso bɛ a janto a denw na cogo min na.

LAYIDUKURA

⁷ An tun bɛ se ka kuntigiya kɛ aw kan, bari an ye Krista ka cidenw ye. Nga an ka koo tun ka di k'an to aw cɛma yen, i n'a fɔ muso b'a deen mara cogo min na.

Tes fɔlɔ 2:7 Iomraidhean Croise

Ezayi 40:11

A b'a ka mɔgɔw kɔlɔsi i ko begɛndɛndɛbaga. A be sagadenw minɛ k'u ta a disi la, ka tugu u bamusow kɔ dɔɔni dɔɔni.»

Ezayi 49:23

Masaw le bena kɛ i deenw ka lamɔfaw ye, masacɛ denmusow be kɛ u minɛbagaw ye. U bena biri k'u teen gwan duguma i ɲafɛ, u bena u yɛrɛ majigi i kɔrɔ k'i boɲa. I ben'a lɔn o seen fɛ ko ne ye Masaba ye. Mɔgɔ minw b'u jigi la ne kan, olu tena maloya abada!»

Ezayi 66:13

Bamuso b'a deen dusu saalo cogo min na, ne bena aw dusu saalo ten. Zeruzalɛmukaw dusu bena saalo.

Jateri 11:12

Ne le ye mɔgɔ nunu bɛɛ kɔnɔ ta wa? Ne le y'u wolo wa? N'i b'a fɔ ne ye ko ne k'u ta i n'a fɔ deen minɛbaga be deen ta cogo min na wa? I ye layidugwɛlɛn ta an bɛmaw ye jamana min koo la ko i bena o d'u ma, i ko ne ka taga n'u ye o yɔrɔ la wa?

Kɛwalew 13:18

K'u to kongokolon kɔnɔ, a y'u mako ɲa fɔɔ saan bi naani ɲɔgɔn.

Kor fɔlɔ 2:3

Ne sera aw fɛ tuma min na, ne tun ye mɔgɔ barikatan ye, n tun siranna, ka yɛrɛyɛrɛ kosɔbɛ.

Kor fɔlɔ 9:22

Barika te mɔgɔ minw na, ka ne to olu cɛma, ne tun be n yɛrɛ kɛ barikatan ye, waasa ka olu sɔrɔ. Ne ye n yɛrɛ kɛ bɛɛ ka mɔgɔ ye waasa cogo o cogo n ka se ka dɔw kisi.

Kor 2nan 10:1

U b'a fɔ ko ne Pɔli kɛra mɔgɔmajiginin ye ni ne be aw cɛma, nga ni n te aw cɛma, n ka fari. Ne yɛrɛ le b'aw daali Krista ka makari n'a ka ɲumanya kosɔn,

Kor 2nan 13:4

Hali ni Krista sara lɔgɔ kan barikatanya la, a ɲanaman lo Ala ka sebagaya barika la bii. An fana, halibi, an ye barikatanw ye i n'a fɔ ale tun be cogo min na, nga Ala barika la k'an to n'ale ye, Ala b'an kɛ setigiw ye aw faan fɛ.

Galasikaw 4:19

Ne deenw halibi, ne be tɔɔrɔ muɲuna aw kosɔn, tɔɔrɔ min ni muso jigibagatɔ ta ye kelen ye, janko Krista ka sigiyɔrɔ sɔrɔ aw kɔnɔ.

Tes fɔlɔ 2:11

Aw b'a lɔn fana ko an y'aw kelen kelen bɛɛ minɛ i n'a fɔ faa b'a deenw minɛ cogo min na.

Yakuba 3:17

Nga hakilitigiya min be Ala fɛ, o be mɔgɔ kɛ mɔgɔɲuman ye, hɛrɛmɔgɔ, hinɛbaga, min ka koo ka di, a ka kɛwaliw ka ɲi kosɔbɛ. A be makari kosɔbɛ. A te wolomani kɛ. A te kuma fila fɔ.