Tes fɔlɔ 2:4 - ALA KA KUMA

⁴ Nga Ala yɛrɛ y'a ye ko an be se, o la, a y'o kibaru diman fɔko kalifa an ma, an fana b'a fɔ a cogo la. An te mɔgɔ diyanako ɲinina, nga Ala min b'an kɔnɔnakow lɔn, an be ale ta le kɛ.

Jula NT of Côte d’Ivoire

⁴ Nka Ala ka an sɛgɛsɛgɛ, k’a jigi la an kan, ka Kibaro Diman karifa an ma cogo min na, an fana b’a fɔ ten le; an tɛ kuma ka an yɛrɛ ko diya mɔgɔw ye, nka an bɛ an yɛrɛ ko diya Ala le ye, ale min bɛ mɔgɔw jusukunnakow bɛɛ sɛgɛsɛgɛ.

LAYIDUKURA

⁴ Nga Ala yɛrɛ y'a ye ko an bɛ se, o la, a y'o kibaru diman fɔko kalifa an ma, an fana b'a fɔ a fɔcogo la. An tɛ mɔgɔ diyana koo nyinina, nga Ala min b'an kɔnɔnakow lɔn, an bɛ ale ta le kɛ.

Tes fɔlɔ 2:4 Iomraidhean Croise

Mas fɔlɔ 8:39

k'i to i sigiyɔrɔ la sankolo la, mɛnni kɛ ka yafa u ma, k'u dɛmɛ ka kɛɲɛ n'u kelen kelen bɛɛ ka kɛtaw ye, e min b'u bɛɛ kɔnɔnako lɔn. Bari ele kelen le be adamadenw bɛɛ kɔnɔnakow lɔn.

Mas 2nan 16:16

Masacɛ Akazi tun ye min fɔ sarakalasebaga Uriya ye, a y'o bɛɛ kɛ.

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Zaburu 139:23

Ala, ne sɛgɛsɛgɛ ka ne kɔnɔnakow lɔn. Ne kɔrɔbɔ ka ne ka haminakow lɔn.

Zaburu 17:3

I ye ne sɛgɛsɛgɛ sufɛ ka n filɛ. I ye n kɔrɔbɔ, i ma foyi ye n la. N ka kuma ni n ka miiriya kɛra kelen ye.

Zaburu 44:21

N'a kɛra ko an le ɲinɛna an ka Ala kɔ, n'a kɛra ko an ye batofɛn wɛrɛ le daali,

Zaburu 7:9

Masaba, ele lo ye siyaw kitibaga ye. Ne ka kan ni min ye, o kɛ n ye. I k'o kɛ k'a kɛɲɛ ni ne ka tilenninya, ni n ka ɲumanya ye.

Zanaw 17:3

Warigwɛ ni sanu be sɛgɛsɛgɛ tasuma kɔnɔ. Nga Masaba le be adamaden dusu sɛgɛsɛgɛ.

Yeremi 17:10

«Ne Masaba le be mɔgɔ kɔnɔnako n'a ka miiriya sɛgɛsɛgɛ. Ne le be mɔgɔ kelen kelen bɛɛ sara ka kɛɲɛ n'a taamacogo, n'a ka kɛwaliw ye.»

Yeremi 32:19

I be koo latigɛ ni hakili ye, ka kobabaw kɛ. I ɲaa be mɔgɔw bɛɛ ka kɛwaliw la, i b'u kelen kelen bɛɛ sara ka kɛɲɛ n'u ka kɛtaw ye.

Jateri 27:16

«Masa Ala, e min be nii don adamadenw bɛɛ la, i ka mɔgɔ dɔ sigi ne nɔɔ na jama nin kunna,

Luka 12:42

Matigi y'a jaabi ko: «Baaraden tilennin hakiliman jumɛn be yen, n'a kuntigi y'a sigi a ka baaraden tɔw kunna waasa a ka dumuni d'u ma a diwaati la?

Luka 16:11

N'aw ma kɛ mɔgɔsɔbɛw ye nin diɲɛ nafolo koow la, jɔn le bena nafolosɔbɛ kalifa aw ma?

Yuhana 21:17

O kɔ, a y'a fɔ a ye a siɲɛ sabanan na ko: «Zan dencɛ Simɔn, ne koo ka d'i ye wa?» Piyɛri hakili ɲagamina bari Yezu y'a ɲininga fɔɔ siɲɛ saba ko ale koo ka d'a ye wa. A y'a jaabi ko: «Matigi, e yɛrɛ be koo bɛɛ lɔn, e b'a lɔn ko e koo ka di ne ye.» Yezu y'a fɔ a ye ko: «Ne ka sagaw dɛndɛ.»

Rɔmukaw 8:27

Ala min be adamaden dusulako lɔn, ale b'a lɔn Nii Senuman be fɛɛn min fɛ, bari Nii Senuman be daalili kɛ Ala ka mɔgɔw ye ka kɛɲɛ ni Ala sago ye.

Kor fɔlɔ 7:25

Sisan, minw ma furu fɔlɔ, n kaan be olu le ma. Matigi ka kuma tɛ, nga ne yɛrɛ ka miiriya lo, n be min fɔ u ye. Matigi ka makari barika la, mɔgɔ be se k'a jigi la a kan.

Kor fɔlɔ 9:17

Ni ne y'o baara kɛ ni dusudiya ye, n bena o sara sɔrɔ, nga ni ne b'o kɛ ni jagoya ye, o ye karabako ye n ma.

Kor 2nan 2:17

Mɔgɔ caaman be Ala ka kuma kɛ jagokun ye. An te i n'a fɔ olu. Ala le y'an ci, o la, an be kuma a ɲakɔrɔ ni kɔnɔgwɛ ye Krista barika la.

Kor 2nan 4:2

An banna dibidibiko ma maloya be min na, an te koo kɛ ni namara ye, an fana te Ala ka kuma kɔrɔ yɛlɛma fewu. An kɔni, an be tiɲɛ yɛrɛ yɛrɛ le fɔ, janko mɔgɔw k'u jigi la an kan Ala ɲakɔrɔ.

Kor 2nan 5:11

Matigi ɲasiran b'an dusu la minkɛ, o la, an be banba ka mɔgɔw dɛmɛ u k'a lɔn. Ala b'an lɔn kosɔbɛ, ne be miiri ko aw fana b'an lɔn ten.

Kor 2nan 5:16

O la, an te mɔgɔ si jati adamadenw ka jaticogo la tugu. Hali n'an tun ye Krista lɔn ten, sisan an t'a lɔn o cogo la tugu.

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tena kɛ Krista ka baarakɛla ye.

Galasikaw 2:7

Nga olu y'a faamu ko Ala ye kibaru diman fɔ baara kalifa ne ma siya wɛrɛw cɛma, i n'a fɔ a y'a kalifa Piyɛri fana ma cogo min na zuwifuw cɛma.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka ɲumanya fɔ siya wɛrɛw ye, daan te ɲumanya min na.

Ɛfɛsikaw 6:6

Aw kana o kɛ u ɲana dɔrɔn k'aw koo diya u ye, nga aw k'o kɛ i n'a fɔ Krista ka jɔɔnw, ka Ala sago kɛ sɔbɛ la.

Kɔlɔsikaw 3:22

Jɔɔnw, aw ka mɛnni kɛ aw kuntigiw fɛ koo bɛɛ la ka kɛɲɛ ni adamadenya ye, aw kana baara kɛ aw kuntigiw ɲana dɔrɔn janko k'aw koo diya u ye, nga o ka kɛ ni dusu gwɛnin ye Matigi ɲasiran kosɔn.

Tim fɔlɔ 6:20

Timote, koo minw kalifara i ma, i ka olu mara kosɔbɛ. I k'i yɛrɛ tanga kuma fufafu ma minw ni Alasira te bɛn, min be jati lɔnniya ye, k'a sɔrɔ lɔnniyasɔbɛ tɛ.

Tim 2nan 1:14

I ye koɲuman minw sɔrɔ, i ka olu minɛ kosɔbɛ Nii Senuman barika la, min be an kɔnɔ.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.

Tite 1:3

A ka waati latigɛnin sera tuma min na, a y'o yira a ka kuma barika la. An kisibaga Ala le y'o baara kalifa ne ma.

Heburuw 4:13

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Piy fɔlɔ 4:11

Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!

Yirari 2:23

N bena saya lase a deenw ma, o la Krista ka jama bɛɛ ben'a lɔn ko ne le be mɔgɔ bɛɛ kɔnɔnako n'u ka ŋaniyaw lɔn. N bena aw kelen kelen bɛɛ sara ka kɛɲɛ n'aw ka kɛwaliw ye.