Tes fɔlɔ 2:3 - ALA KA KUMA

³ An be kuma min fɔra mɔgɔw ye, o te galon ye, walima namarakow ye, an fana te mɔgɔ si lafili.

Jula NT of Côte d’Ivoire

³ An ma an ta waajuri kɛ janko ka mɔgɔw lafiri, an m’a kɛ ni miirijugu ye, walama nanbara.

LAYIDUKURA

³ An bɛ kuma min fɔra mɔgɔw ye, o ma kɛ galon ye walima nanbaran koow ye, an fana tɛ mɔgɔ si lafili.

Tes fɔlɔ 2:3 Iomraidhean Croise

Jateri 16:15

Musa dimina kosɔbɛ. A y'a fɔ Masaba ye ko: «Kana sɔn u ka saraka la. Ne ma hali fali kelen minɛ u fɛ, ne ma kojugu kɛ u si la.»

Kɛwalew 13:15

O yɔrɔ mɔgɔw dɔ ye sariyasɛbɛ ni kiraw ka sɛbɛ kalan ka ban, kalanso ɲamɔgɔw y'a fɔ Pɔli ni Barinabasi ye ko: «Balimaw, ni kuma dɔ b'aw fɛ k'a lase jama ma k'u ladi, kuma b'aw bolo.»

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kor 2nan 11:13

O mɔgɔ nunu be galon tigɛ k'olu ye cidenw ye, u kɛra galontigɛlaw ye, k'u yɛrɛ kɛ Krista ka cidenw ye.

Kor 2nan 2:17

Mɔgɔ caaman be Ala ka kuma kɛ jagokun ye. An te i n'a fɔ olu. Ala le y'an ci, o la, an be kuma a ɲakɔrɔ ni kɔnɔgwɛ ye Krista barika la.

Kor 2nan 4:2

An banna dibidibiko ma maloya be min na, an te koo kɛ ni namara ye, an fana te Ala ka kuma kɔrɔ yɛlɛma fewu. An kɔni, an be tiɲɛ yɛrɛ yɛrɛ le fɔ, janko mɔgɔw k'u jigi la an kan Ala ɲakɔrɔ.

Kor 2nan 4:5

An t'an yɛrɛ koo fɔra aw ye dɛ, Yezu Krista min ye Matigi ye, an be ale lo koo fɔra. Anw kɔni be baara kɛ aw ye Yezu kosɔn.

Kor 2nan 6:8

N ye n yɛrɛ yira Ala ka baarakɛla ye n boɲatuma ni n dɔgɔyatuma na. U b'an tɔgɔjugu fɔ, k'an tɔgɔɲuman fana fɔ. U be miiri ko an ye galontigɛlaw ye, k'a sɔrɔ an ye tiɲɛfɔlaw ye.

Kor 2nan 7:2

Aw k'aw dusu yɛlɛ an ye. An ma mɔgɔ si hakɛ ta, an ma mɔgɔ si mako sa, an fana ma mɔgɔ si ka fɛɛn namara.

Tes fɔlɔ 2:11

Aw b'a lɔn fana ko an y'aw kelen kelen bɛɛ minɛ i n'a fɔ faa b'a deenw minɛ cogo min na.

Tes fɔlɔ 4:7

Ala m'an wele kakalaya kama, nga a y'an wele ka kɛ mɔgɔ senumanw le ye.

Tes 2nan 2:11

O le y'a to Ala y'a kɛ u filila kosɔbɛ.

Piy 2nan 1:16

An ye Yezu Krista, an Matigi ka setigiya n'a ka nako min fɔ aw ye, o te siirin koo ye dɛ! Nga anw yɛrɛ ɲaa lara a ka nɔɔrɔ kan.

Sam fɔlɔ 12:3

Ne filɛ aw ɲa. Ne ye koo minw kɛ aw la, aw k'o bɛɛ fɔ Masaba n'a ka mɔgɔ wolomanin ɲakɔrɔ. Ni n ye min ka misi bɔsi, a k'a fɔ, ni n ye min ka fali bɔsi, o tigi k'a fɔ. N ye min tɔɲɔ, o fana k'a fɔ, n ye min tɔɔrɔ, o tigi k'a fɔ fana. Ne ye n ɲaa tugu min ka kojugu kan a ka boɲafɛn kama, o tigi k'a yɛrɛ yira. Ne ben'a ɲɔgɔn kɔsegi aw ma.»