Tes fɔlɔ 2:19 - ALA KA KUMA

¹⁹ N'an Matigi Yezu segira ka na tuma min na, an jigi be jɔn le kan, an bena nisɔndiya jɔn le kosɔn, jɔn le bena kɛ an ka sesɔrɔjala ye an bena an yɛrɛ boɲa min kosɔn, aw tɛ wa?

Jula NT of Côte d’Ivoire

¹⁹ Ayiwa, jɔn le ye anw jigi ye, ani an ta ɲagari kun, ani an ta bonya kun? Aw le bɛna kɛ o ye an Matigi Yesu ɲa kɔrɔ, a nalon na.

LAYIDUKURA

¹⁹ N'an Matigi Yezu segira ka na tuma min na, an jigi bɛ jon le kan, an bɛna nisɔndiya jon le kɔsɔn, jon le bɛna kɛ an ka sesɔrɔjala ye an bɛna an yɛrɛ bonya o min kɔsɔn an Matigi Yezu nyakɔrɔ, ni aw tɛ?

Tes fɔlɔ 2:19 Iomraidhean Croise

Zanaw 12:4

Musoɲuman be i ko masafugulan, a cɛɛ kunna. Nga muso min b'a cɛɛ maloya, ale be i ko jolijugu a fari la.

Zanaw 16:13

Masaw be kumatilennin fɔbaga le fɛ. Tiɲɛfɔla koo le ka di u ye.

Zanaw 17:6

Mamadenw le ye mɔgɔkɔrɔbaw ka kunkɔrɔtafɛn ye. Wolobagaw le ye deenw ka boɲasɔrɔfɛn ye.

Zanaw 4:9

A bena kɛ i ko fugulanɲuman i kuun na. A bena kɛ masirifɛn ye i kuun na.

Ezayi 62:3

I bena kɛ i ko masafugulanɲuman, Masaba bolo. I bena kɛ masa kunmelekefani ye i ka Ala bolo.

Matiyu 16:27

Ayiwa, Mɔgɔ Dencɛ bena na n'a ka mɛlɛkɛw ye a Faa ka sebagaya la, o la a bena mɔgɔ kelen kelen bɛɛ sara ka kɛɲɛ n'u ka kɛwaliw ye.

Marika 8:38

Bii mɔgɔw banna Ala la, u be hakɛ kɛ. Ni mɔgɔ min maloyara olu ɲana ka ne koo fɔ, ne bena na n Faa ka sebagaya la tuma min na ni mɛlɛkɛ senumanw ye, Mɔgɔ Dencɛ fana bena maloya k'a fɔ k'o tigi ye a ka kalanden ye.»

Yuhana 21:22

Yezu y'a fɔ a ye ko: «Hali ni ne b'a fɛ ale ka to yen fɔɔ ne ka kɔsegi ka na, e ka mun le b'o la? Ele kɔni, e ka tugu ne kɔ.»

Kor fɔlɔ 15:23

Nga o bena kɛ bɛɛ n'a lɔyɔrɔ: Krista le kɛra fɔlɔ ye, o kɔ, mɔgɔ minw kɛra a ta ye. A be kɛ ten a natuma na.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Kor 2nan 1:14

Bari aw y'an ka koo faamu dɔɔni k'a lɔn ko an kɛra aw ka kunkɔrɔtafɛn ye, i n'a fɔ aw fana bena kɛ an ka kunkɔrɔtafɛn ye cogo min na an Matigi Yezu kɔsegilon na.

Filipikaw 2:16

U be se ka kisi kuma min barika la, aw k'o fɔ u ye. N'o kɛra, o bena kɛ ne fɛ kunkɔrɔta ye Krista nalon na, o la, ne ye baara min kɛ ani ka sigɛn minw muɲu, o tena kɛ fuu ye.

Filipikaw 4:1

O le kosɔn n balimaw, ne be aw minw kanu, ani ne b'a fɛ ka aw minw ye tugu, aw minw be kɛ sababu ye ne be nisɔndiya ni kunkɔrɔta sɔrɔ, aw ka jija kosɔbɛ Matigi barika la, ne teriw.

Tes fɔlɔ 2:20

Tiɲɛ na, an b'an yɛrɛ boɲa ani ka nisɔndiya aw le kosɔn.

Tes fɔlɔ 3:13

A ka barika don aw la, aw ka kɛ mɔgɔɲumanw ni jalakibaliw ye an Faa Ala ɲakɔrɔ, an Matigi Yezu kɔsegituma na n'a ka mɔgɔw bɛɛ ye.

Tes fɔlɔ 4:15

An be min fɔ aw ye, an y'o sɔrɔ Matigi ka kuma na. An minw bena to na fɔɔ ka taga se Matigi ka kɔsegi ma, mɔgɔ minw sara, an tena kɔn ka taga olu ɲa.

Tes fɔlɔ 5:23

Hɛrɛtigi Ala yɛrɛ k'aw kɛ mɔgɔ senumanw ye, juguya si kana sɔrɔ aw la, aw farisogo faan fɛ, n'aw dusu, ani aw hakili la, a k'aw bɛɛ mara jalakiyɔrɔ kana sɔrɔ aw la an Matigi Yezu Krista nalon na.

Tes 2nan 1:4

fɔɔ an b'an yɛrɛ boɲa Krista ka jama cɛma aw ka jijali, n'aw ka lanaya kosɔn, hali k'aw to nin tɔɔrɔ ni kɔrɔbɔli bɛɛ la.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Tes 2nan 2:1

Min y'an Matigi Yezu Krista ka kɔsegiko ye, ani an lajɛnko ye a fɛ, n balimaw, an b'aw daali ko

Tite 2:13

K'an to nisɔndiya loon makɔnɔni na, min ye Setigi Ala an kisibaga Yezu Krista ka nɔɔrɔ loon ye.

Yakuba 5:7

N badenw, aw ye muɲu fɔɔ ka se Matigi kɔsegilon ma i n'a fɔ sɛnɛkɛla be muɲu cogo min na. Ni sanji fɔlɔ benna, a be muɲu fɔɔ ka se sanji laban ka ben ma, a be sɔrɔ k'a ka baara nafa sɔrɔ.

Yakuba 5:8

O cogo kelen na, aw fana ka muɲu, ka jija bari Matigi kɔsegituma surunyana.

Piy fɔlɔ 5:4

O la, n'aw Kuntigiba nana, a bena masafugulan cɛnbali d'aw ma, nɔɔrɔ be min na.

Piy 2nan 1:16

An ye Yezu Krista, an Matigi ka setigiya n'a ka nako min fɔ aw ye, o te siirin koo ye dɛ! Nga anw yɛrɛ ɲaa lara a ka nɔɔrɔ kan.

Piy 2nan 3:4

k'a fɔ ko: «A m'a fɔ ko a bena kɔsegi ka na wa? A do be min? An faaw bɛɛ sara ka ban. Halibi koow b'u cogokɔrɔ le la kabini diɲɛ dantuma.»

Zan fɔlɔ 2:28

Ayiwa, ne deenw, aw ye nɔrɔ ka ɲa Krista la waasa a bena kɔsegi loon min na, o k'a sɔrɔ jigi b'an fɛ, an kana maloya sɔrɔ.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,

Yirari 1:7

Ayiwa, a bena na sankaba kan. Mɔgɔ bɛɛ ben'a ye. Hali minw tun y'a sɔgɔ, u ben'a ye. Siyaw bɛɛ bena kasi ale kosɔn. Ɔnhɔn, a bena kɛ ten. Amiina.

Yirari 22:12

Ayiwa, n be na yanni dɔɔni. N be na ni bɛɛ ka sara ye n bolo, ka mɔgɔ kelen kelen bɛɛ sara ka kɛɲɛ n'u ka baara ye.