Tes fɔlɔ 2:1 - ALA KA KUMA

¹ Ne balimaw, aw yɛrɛ y'a lɔn ko an ka taali aw fɛ, o ma kɛ gwansan ye.

Jula NT of Côte d’Ivoire

¹ Ne balemaw, aw yɛrɛ k’a lɔn ko an ta tagako aw fɛ, o ma kɛ gbansan ye.

LAYIDUKURA

¹ Ne balimaw, aw yɛrɛ y'a lɔn ko an ka taali aw fɛ, o ma kɛ gwansan ye.

Tes fɔlɔ 2:1 Iomraidhean Croise

Ayuba 39:16

A ka fari a deenw ma, i ko a yɛrɛ deenw tɛ. A te deen sɔrɔ sigɛn jati.

Zaburu 127:1

Zeruzalɛmu taadɔnkili dɔ. Solomani ka dɔnkili Ala ye. Ni Masaba ma soo min lɔ, a lɔbagaw b'u yɛrɛ sɛgɛn gwansan. Ni Masaba ma dugu min mara, a kɔlɔsibagaw be sɛgɛn gwansan.

Zaburu 73:13

Tiɲɛ na, ne ye n yɛrɛ sigɛn gwansan ka to tilenninya la, ka kɛ mɔgɔsɔbɛ ye.

Ezayi 49:4

Nga ne tun b'a fɔra ko: «Ne ye n yɛrɛ sɛgɛn gwansan, ne ye n fanga ban koo fufafu la! K'a sɔrɔ, ne ka kan ni min ye, o be Masaba bolo, ne ka sara be ne ka Ala fɛ.»

Ezayi 65:23

U tena sigɛn gwansan tugu, u tena deen wolo min ka kan ka sa joona tugu. U bena kɛ siya ye, ne Masaba yɛrɛ ye barika don min la, olu n'u deenw.

Habakuki 2:13

Siyaw ka baara nafa bena jɛni, siyaw b'u yɛrɛ sɛgɛn gwansan. O te Masaba, Setigi ka baara ye wa?

Kor fɔlɔ 15:10

Nga ne be yɔrɔ min na sisan, o ye Ala ka nɛɛma nɔɔ ye. O nɛɛma nin te gwansan ye ne faan fɛ. Ne ye baara kɛ ka tɛmɛ olu bɛɛ kan. O te ne yɛrɛ seko ye, o ye Ala ka nɛɛma nɔɔ ye.

Kor fɔlɔ 15:2

Aw bena kisi ale barika la, n'aw y'a minɛ i ko ne y'a fɔ aw ye cogo min na. N'o tɛ, aw y'aw jigi la a kan fu.

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Galasikaw 2:2

Ala tun ye koo dɔ yira ne la, o seen fɛ ne tun tagara yen. Ne tun be kibaru diman min fɔ siya wɛrɛw cɛma, ne y'o koo fɔ u ye. Ne y'o ɲafɔ fana ɲamɔgɔw ye danna, janko ne ye baara minw kɛ ka ban, ani ne be minw kɛra, o kana kɛ gwansan ye.

Galasikaw 4:11

Sisan, ne be siran ko ne ye baara min kɛ aw cɛma, o kana kɛ gwansan ye.

Filipikaw 2:16

U be se ka kisi kuma min barika la, aw k'o fɔ u ye. N'o kɛra, o bena kɛ ne fɛ kunkɔrɔta ye Krista nalon na, o la, ne ye baara min kɛ ani ka sigɛn minw muɲu, o tena kɛ fuu ye.

Tes fɔlɔ 2:13

O kama, an be barika la Ala ye tuma bɛɛ, bari, an ye Ala ka kuma min fɔ aw ye, aw m'o minɛ i n'a fɔ mɔgɔ dalakuma, nga i ko Ala ka kuma yɛrɛ yɛrɛ, a do ye o le ye tiɲɛ na, min be baara kɛ aw kɔnɔ, aw minw lara Yezu la.

Tes fɔlɔ 3:5

Ne tun te se ka muɲuli kɛ tugu, o la ne ye Timote ci, waasa ale ka taga aw filɛ yala n'aw jigi be Ala kan tugu, janko a ka kɔsegi ka na n'o kibaruya ye. Ne tun be siran ko Sutana kana aw nigɛ k'an ka baara kɛ fu ye.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tes 2nan 3:1

Ayiwa n balimaw, an b'a ɲini aw fɛ ko aw ka Ala daali an ye, waasa Matigi ka kuma ka se yɔrɔ bɛɛ teliya la, ani ka boɲa sɔrɔ, i n'a fɔ a tun kɛra aw cɛma cogo min na,