Tes fɔlɔ 1:7 - ALA KA KUMA

⁷ A kɛra ten, mɔgɔ minw lara Yezu la Maseduwani ni Girɛsi mara la, aw ka koo kɛra ladegeta ye olu bɛɛ fɛ.

Jula NT of Côte d’Ivoire

⁷ O ra, Masedoni mara, ani Akayi mara lanabagaw bɛɛ bɛ aw ta tagamacogoɲuman le flɛ ka o ladegi.

LAYIDUKURA

⁷ O cogo la, aw ka koo kɛra ladegeta ye Ala ka jama fɛ minw bɛ Maseduwani ni Girɛsi mara la.

Tes fɔlɔ 1:7 Iomraidhean Croise

Kɛwalew 1:13

U sera dugu kɔnɔ tuma min na, u tun be sangaso min kɔnɔ ka kɔrɔ, u yɛlɛla yen. Minw tun be yen, u tɔgɔw filɛ: Piyɛri, ni Zan, ni Zaki ani Andere, Filipu, ni Toma, Baritelemi ani Matiyo, Alife dencɛ Zaki, ni Simɔn u be min wele Fasodenŋana, ani Zude min faa tɔgɔ ko Zaki.

Kɛwalew 16:12

An bɔra o yɔrɔ la ka taga Filipi. Filipi le tun ye Maseduwani mara duguba ye. Ɔrɔmukaw le tun siginin be yen. An ye tile damani kɛ yen.

Kɛwalew 18:1

O kɔ, Pɔli bɔra Atɛni ka taga Korɛnti.

Kɛwalew 18:12

Galiyɔn tun ye Akayi mara masacɛlankan ye tuma min na, zuwifuw wilila Pɔli kama. U y'a minɛ ka taga n'a ye kititigɛlaw fɛ

Kɛwalew 19:21

O kɛnin kɔ, Pɔli y'a ŋaniya ta ko a be taga Maseduwani ani Akayi mara la, ka sɔrɔ ka segi Zeruzalɛmu. A tun ko n'ale tagara o yɔrɔ nunu na ka ban, ko a ka kan ka se Ɔrɔmu fana.

Rɔmukaw 15:26

Bari Krista kɔmɔgɔ minw be Maseduwani mara ni Akayi mara la, olu b'a fɛ ka Ala ka mɔgɔw dɛmɛ Zeruzalɛmu, bari u dɛsɛnin be.

Kor 2nan 1:1

Ne Pɔli min ye Yezu Krista ka ciden ye Ala sago la, n'an balimacɛ Timote, an be bataki nin ci aw Korɛntikaw ma minw lara Ala la, ani minw bɛɛ be Akayi mara la.

Kor 2nan 9:2

Ne b'a lɔn ko aw sɔnnin lo, o le y'a to ne ye n yɛrɛ boɲa aw kosɔn Krista ka jamakuluw cɛma minw be Maseduwani mara la. Ne y'a fɔ u ye ko aw Akayikaw ka bolomafara labɛnna ka ban kabini salon. O la, aw ka jijali y'a kɛ Krista ka jama caaman banbana.

Tes fɔlɔ 1:8

Ala ka koo boɲana aw fɛ fɔɔ o tagara mɛn Maseduwani ni Girɛsi maraw la. O dama fana tɛ, aw jigi be Ala kan cogo min na, o sera yɔrɔ bɛɛ, fɔɔ kuun t'a la an yɛrɛ ka kuma a la.

Tes fɔlɔ 4:10

Aw b'o la aw balimaw faan fɛ, minw be Maseduwani mara bɛɛ la. Nga an b'a ɲini aw fɛ ko aw ka dɔ fara a kan tugu.

Tim fɔlɔ 4:12

Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Tite 2:7

fɛɛn bɛɛ la. I ka cogoɲuman yira u la, n'i b'u kalana i kɔnɔgwɛ ka o kɛ ni ɲamalɔ ye.

Piy fɔlɔ 5:3

Minw kalifara aw ma, aw kana kuntigiya digi u la dɛ! Nga aw ka siraɲuman yira u la.