Tes fɔlɔ 1:5 - ALA KA KUMA

⁵ An be kibaru diman min fɔra, an m'o fɔ aw ye i n'a fɔ kuma gwansan dama, nga an y'a fɔ ni Nii Senuman ka sebagaya ye. An ye fɛɛn minw kɛ aw ka ɲa kama, aw b'o lɔn.

Jula NT of Côte d’Ivoire

⁵ Sabu an ka Kibaro Diman* min fɔ aw ye, o waajuri tun ma dan darakuma dama ma, nka Nin Saninman* ta baraka tun bɛ a kan, k’a yira ko sigiya si tɛ a ra. An tun bɛ tagama cogo min na aw cɛ ra aw yɛrɛ ta nafa kosɔn, aw ka o lɔn fana.

LAYIDUKURA

⁵ An bɛ kibaru diman min fɔra, an m'o fɔ aw ye i n'a fɔ kuma gwansan dama, nga an y'a fɔ ni Nii Senuman ka sebagaya ye. An ye fɛɛn minw kɛ aw ka nya kama, aw bɛ o lɔn.

Tes fɔlɔ 1:5 Iomraidhean Croise

Ezayi 55:11

ne ka kuma be o cogo kelen na. N'a bɔra ne daa la ka ban, a te kɔsegi ne fɛ n'a m'a bɔkun kɛ. Min ka di ne ye, a te kɔsegi n'a m'o kɛ. Ne y'a fɔ kuun min na, fɔɔ o ka kɛ ka dafa.»

Marika 16:20

Kalandenw tagara kibaru diman fɔ yɔrɔ bɛɛ. Matigi Yezu tun be n'u ye u ka baara bɛɛ la. A ye see d'u ma ka kabakow kɛ k'a yira k'u ka waajuli kuma ye tiɲɛ ye.]

Luka 1:1

Koo minw kɛra an fɛ, mɔgɔ dɔw y'a daminɛ ka olu kibaru sɛbɛn.

Kɛwalew 11:21

Ala y'a ka sebagaya d'u ma fɔɔ mɔgɔ caaman lara Matigi la ka sɔn a ma.

Kɛwalew 16:14

Muso dɔ tun be u cɛma, a tɔgɔ ko Lidi, jagokɛla tun lo. A tun be fani sɔngɔgwɛlɛnw le feere. Tiyatirika tun lo, a tun be siran Ala ɲa. Matigi barika la, a y'a tulo malɔ Pɔli ka kuma na ka ɲa.

Kɛwalew 2:33

A y'a wele k'a sigi a yɛrɛ kɔrɔ masaya la. A tun y'a daa di ko a bena Nii Senuman di. A y'o sɔrɔ a Faa fɛ k'o di anw ma. Aw b'o le ka sebagaya kuma mɛnna, ani k'a ka seko ye.

Rɔmukaw 1:16

Ne te maloya ka kibaru diman fɔ, bari Ala ka sebagaya koo lo, mɔgɔ minw be l'a la, kisili ye olu ta ye, k'a daminɛ zuwifu ma fɔlɔ, o kɔ siya wɛrɛw.

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 2:16

Ka kɛɲɛ ni ne ka kibaru diman ye, o le bena ye loon min na Ala bena mɔgɔw kiti u ka koo dogoninw kama, Yezu Krista barika la.

Kor fɔlɔ 1:24

Nga Ala ye mɔgɔ minw wele, a kɛra zuwifu, wala girɛki ye wo, olu fɛ kɔni, Krista ye Ala ka sebagaya n'a ka lɔnniya le ye.

Kor fɔlɔ 10:33

O la fana, ne be jija koo bɛɛ la waasa ne ka se ka mɔgɔ bɛɛ ladiya. Ne te n yɛrɛ nafa ɲini, nga mɔgɔ caaman ta, waasa olu ka se ka kisi.

Kor fɔlɔ 3:16

Aw m'a lɔn ko aw kɛra Ala sigiyɔrɔ ye wa, ani ko Ala ka Nii siginin be aw kɔnɔ wa?

Kor fɔlɔ 3:6

Ne ye tutuli kɛ, Apolɔsi y'o sɔn jii la, Ala le kɛra sababu ye u boɲana.

Kor fɔlɔ 4:20

bari Ala ka masaya te kuma dama ye, nga a b'a yira kɛwali la fana.

Kor fɔlɔ 9:14

O cogo la fana, Matigi y'a fɔ ko mɔgɔ minw be kibaru diman fɔ, olu ka balo kibaru diman barika la.

Kor 2nan 3:6

Ale lo ye see d'an ma ka bɛnkura koo fɔ mɔgɔw ye, o te sariyako ye, nga Nii Senuman koo lo. Sariya be na ni saya ye, nga Nii Senuman be na ni nii ye.

Galasikaw 2:2

Ala tun ye koo dɔ yira ne la, o seen fɛ ne tun tagara yen. Ne tun be kibaru diman min fɔ siya wɛrɛw cɛma, ne y'o koo fɔ u ye. Ne y'o ɲafɔ fana ɲamɔgɔw ye danna, janko ne ye baara minw kɛ ka ban, ani ne be minw kɛra, o kana kɛ gwansan ye.

Galasikaw 5:5

An kɔni jigi b'a la ko Nii Senuman barika la, Ala bena an jati mɔgɔtilenninw ye, an b'o le kɔnɔna.

Ɛfɛsikaw 2:10

An ye Ala bulonɔ ye, a y'an dan Yezu Krista barika la kɛwaliɲumanw kama, Ala ye minw latigɛ kabini fɔlɔfɔlɔ janko an k'o kɛ.

Ɛfɛsikaw 3:20

An be fɛɛn minw daali, walima ka miiri minw la, Ala min be se k'o d'an ma, hali ka tɛmɛ o kan yɛrɛ, a ka sebagaya barika la min be baara kɛ an kɔnɔ,

Filipikaw 2:13

Bari Ala ye koɲuman min latigɛ, a be aw dɛmɛna tuma bɛɛ k'o kɛli nigɛ don aw la k'a kɛ see di aw ma.

Filipikaw 4:9

Aw ye koo minw dege ne ka kuma ni n ka kɛwaliw la, aw ka jija k'olu kɛ. O la, Hɛrɛtigi Ala bena to n'aw ye.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Tes fɔlɔ 2:13

O kama, an be barika la Ala ye tuma bɛɛ, bari, an ye Ala ka kuma min fɔ aw ye, aw m'o minɛ i n'a fɔ mɔgɔ dalakuma, nga i ko Ala ka kuma yɛrɛ yɛrɛ, a do ye o le ye tiɲɛ na, min be baara kɛ aw kɔnɔ, aw minw lara Yezu la.

Tes 2nan 2:14

A y'aw wele o le kama an ka kibaru diman fɔli barika la, janko aw k'an Matigi Yezu Krista ka nɔɔrɔ sɔrɔ.

Tim 2nan 2:10

O le y'a to ne be koo bɛɛ muɲu Ala ka mɔgɔ wolomaninw kosɔn, waasa olu fana ka kisi Yezu Krista barika la, ani ka boɲa sɔrɔ daan te min na.

Tim 2nan 2:8

I hakili jigi Yezu Krista la, min sara ka kunun, ale min kɛra Dawuda deen ye, ne b'ale kibaru le fɔ.

Heburuw 10:22

O la, an ka miirijuguw bɔ an kɔnɔ, k'an yɛrɛ saniya ni jiɲuman ye, ka gwɛrɛ Ala la ni lanaya dafanin ye.

Heburuw 6:11

Ayiwa, anw b'a fɛ, aw kelen kelen bɛɛ ka banba ka to timinadiya la fɔɔ ka taga se a laban ma, janko aw jigi be min kan, aw ka se k'o sɔrɔ.

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Piy fɔlɔ 1:3

An ka barika la Ala ye, min ye an Matigi Yezu Krista Faa ye! A makarila an na kosɔbɛ k'an kɛ danfɛnkura ye ka jigi ɲanaman di an ma Yezu Krista ka kununni barika la ka bɔ kaburu la,

Piy fɔlɔ 5:3

Minw kalifara aw ma, aw kana kuntigiya digi u la dɛ! Nga aw ka siraɲuman yira u la.

Piy 2nan 1:10

N badenw, o la sa, aw k'aw timinadiya, Ala y'aw woloma k'aw wele min kama, o ka sabati aw bolo. N'aw tora k'a kɛ ten, aw tena ben hakɛ la abada.

Piy 2nan 1:19

An bolo lanin be kiraw ka kuma fɔninw kan fana. O kuma nin kɛra i n'a fɔ fitinɛ mananin, min be yeelen bɔ sufɛ fɔɔ ka taga se dugugwɛ ma, dugugwɛdafɛ lolo ka yeelen bɔ aw ye.