Sam fɔlɔ 9:4 - ALA KA KUMA

⁴ A tagara Efarayimu mara kuluyɔrɔ yaala, ka taga Salisa mara yaala, a m'u ye. A tɛmɛna ka taga Salimu mara la, a ma u ye o yɔrɔ la fana. A ye Bɛnzamɛn kɔmɔgɔw ka mara yaala, a ma u ye.

Jula NT of Côte d’Ivoire

⁴ O tagara, ka taga tɛmɛ Efirayimu kuruyɔrɔw fɛ, ka taga Salisa mara cɛtigɛ. O ma o ye. O tɛmɛna Salimu mara ra, falimusow ma ye. O ka Boniyaminu ta jamana cɛtigɛ, o ma o ye.

Sam fɔlɔ 9:4 Iomraidhean Croise

Damina 33:18

Yakuba kɔseginin kɔ ka bɔ Aramu jamana na, a sera Sisɛmu dugu la hɛrɛ la, Kanaan jamana na. A tagara sigi dugu gɛrɛfɛ.

Mas 2nan 4:42

O kɔ, cɛɛ dɔ bɔra Baalisalisa ka na n'a ka suman fɔlɔ buru ye, k'o di Ala ka mɔgɔ ma, burukun mugan, ni sumankura kisɛ, bɔɔrɔ kɔnɔ. Elize y'a fɔ ko u k'o di mɔgɔ nunu ma u b'o dumu.

Yuhana 3:23

Zan fana tun be mɔgɔw batizera Ayinɔn, o ni Salimu man jan. Jii tun ka ca o yɔrɔ la. Mɔgɔw tun be na batize yen.

Yosuwe 19:42

Salabin ni Ayalɔn ani Yitila,

Yosuwe 24:33

Arɔn dencɛ Eleyazari fana nana sa, kulu min tun dir'a dencɛ Pinasi ma, u y'a suu don yen Efarayimu mara kuluyɔrɔ la.

Kititigɛbagaw 17:1

Cɛɛ dɔ tun be Efarayimu mara kuluyɔrɔ la, a tɔgɔ ko Mika.

Kititigɛbagaw 19:1

O waati kelen na, masacɛ tun te Isirayɛlidenw fɛ. Levi kɔmɔgɔ dɔ tun siginin be Efarayimu mara kuluyɔrɔ daan na, ale tun ye muso dɔ kɛ a ka gɛrɛfɛmuso ye, ka bɔ Bɛtilehɛmu, Zuda mara la.

Sam fɔlɔ 1:1

Cɛɛ dɔ tun be Aramatayimusofimu dugu kɔnɔ, Efarayimu mara kuluyɔrɔ la, a tɔgɔ ko Ɛlikana. A facɛ tɔgɔ tun ko Yerowamu, ale fana faa tɔgɔ tun ko Eliwu, Eliwu faa fana tun ye Towu ye, ale faa fana tun ye Sufu ye. Sufu tun ye Efaratika ye.

Sam fɔlɔ 9:3

Sayuli facɛ Kisi ka faliw tun tununa. A y'a fɔ Sayuli ye ko a ka wili ka taga n'a ka baaraden kelen ye, ka taga fali nunu yɔrɔ yaala.