Sam fɔlɔ 8:7 - ALA KA KUMA

⁷ Masaba y'a fɔ a ye ko: «Jama be fɛɛn min bɛɛ fɔra i ye, i ka sɔn o ma, bari a ma kɛ ko u be banna ele la dɛ, u be banna ne le la. U t'a fɛ ne ka kɛ u kuntigi ye tugu.

Jula NT of Côte d’Ivoire

⁷ Matigi Ala k’a fɔ Samawilu ye ko: «Ni nin mɔgɔw ka fɛn o fɛn fɔ i ye, i ye o lamɛn, ka o kɛ. O ma ban ele ra; o banna ne yɛrɛ le ra; o ko ne le kana sigi o kunna.

Sam fɔlɔ 8:7 Iomraidhean Croise

Bɔri 16:8

Musa y'a fɔ tugu ko: «Aw bena Masaba ka nɔɔrɔ ye n'a ye sogo di aw ma bii wulafɛ, aw k'o ɲimi, ka dumuni di aw ma sɔgɔma fɔɔ aw be fa, bari a ye aw ŋunuŋunukan mɛn a koo la. Anw ye jɔn ye? Aw te ŋunuŋununa anw kama dɛ, aw be ŋunuŋununa Masaba le kama.»

Ezayi 66:4

Ne y'a latigɛ ko n bena u tɔɔrɔ. U be siran koo min ɲa, ne ben'a to o le b'u sɔrɔ. Bari, ne tun ye weleli kɛ, mɔgɔ si m'a laminɛ, ne tun kumana, mɔgɔ si m'a tulo malɔ. U ye kojugu kɛ ne ɲakɔrɔ. Koo min man di ne ye, u tora k'o le kɛ.»

Yeremi 34:14

‹N'aw balima eburu dɔ y'a yɛrɛ feere aw dɔ ma ka kɛ jɔɔn ye, saan wolonwula tɛmɛnin kɔ, a ka kan ka hɔrɔnya. A bena to i ka jɔnya la saan wɔɔrɔ, o kɔ, i b'a hɔrɔnya.› Nga aw faaw ma ne ka kuma bato, u ma mɛnni kɛ n fɛ.

Ezekiyɛli 2:3

A y'a fɔ ne ye ko: «Adamaden, ne b'i ci Isirayɛlidenw fɛ, siya murutinin lo. U n'u faaw murutira ne ma fɔɔ ka na se bii ma.

Ezekiyɛli 3:7

Nga Isirayɛlidenw tena sɔn ka mɛnni kɛ i fɛ, bari u t'a fɛ ka mɛnni kɛ ne fɛ, sabu u bɛɛ ɲaa ka gwɛlɛ, u dusu ka gwɛlɛ.

Jateri 22:20

O sufɛ, Ala nana Balamu fɛ k'a fɔ a ye ko: «Mɔgɔ nunu nana i wele kama minkɛ, wili ka taga n'u ye, nga ne be min fɔ i ye, i k'o dama kɛ.»

Matiyu 10:40

«Ni mɔgɔ min ye aw minɛ ka ɲa, o tigi ye ne minɛ ka ɲa. Mɔgɔ min ye ne minɛ ka ɲa, o tigi ye ne cibaga fana minɛ ka ɲa.

Luka 10:16

O kɔ, a y'a fɔ a ka kalandenw ye ko: «Mɔgɔ minw mana aw lamɛn, o tigiw be ne yɛrɛ le lamɛn. Mɔgɔ minw mana ban k'aw ladon, u banna ka ne yɛrɛ le ladon. Ni mɔgɔ minw banna ka ne ladon, o be banna ne cibaga le la.»

Luka 19:14

Nga a koo tun man di a ka jamana mɔgɔw ye. A taanin kɔ, olu ye mɔgɔw bila ka taga fɔ masacɛba ye k'olu t'a fɛ cɛɛ nin be kɛ u ka masa ye.

Luka 19:27

Sisan, ne jugu minw tun t'a fɛ ne ka kɛ u ka masacɛ ye, aw ka na ni olu ye yan k'u faga ne ɲana.› »

Yuhana 13:16

Tiɲɛ tiɲɛ na, ne b'a fɔ aw ye ko baaraden man fisa n'a kuntigi ye, walima ciden man fisa n'a cibaga ye.

Kititigɛbagaw 8:23

Nga Zedeyɔn y'a fɔ u ye ko: «Ne tena sigi aw kunna, ne deen fana tena sigi aw kunna. Masaba le ye aw kuntigi ye.»

Sam fɔlɔ 10:19

Bii aw banna aw ka Ala la, ale min ye aw kisi aw ka tɔɔrɔw, n'aw ka sigɛn bɛɛ ma. Aw y'a fɔ a ye ko a ka masacɛ di aw ma. Ayiwa, sisan aw ye na Masaba ɲakɔrɔ sokala sokala ani fadenyabolo fadenyabolo.»

Sam fɔlɔ 12:1

Samuyɛli y'a fɔ Isirayɛli jama bɛɛ ye ko: «Aw ye fɛɛn o fɛɛn fɔ ne ye, ne sɔnna o bɛɛ la, ne ye masacɛ sigi aw kunna.

Sam fɔlɔ 12:12

Nga tuma min na aw y'a ye ko amoniw ka masacɛ Naasi be nana aw kama, aw ko ne ma: ‹Ayi! Masacɛ bena sigi an kunna.› O y'a sɔrɔ Masaba aw ka Ala le tun ye aw ka masa ye.

Sam fɔlɔ 8:22

Masaba y'a fɔ a ye ko: «Sɔn u ka fɔta ma, masacɛ woloma k'a sigi u kunna.» O kɔ, Samuyɛli y'a fɔ Isirayɛlidenw ye ko u ka kɔsegi ka taga u ka duguw la.

Sam fɔlɔ 8:8

Kabini ne y'u bɔ Ezipiti jamana na fɔɔ ka na se bii ma, u tun banna ne la, ka to ka joow sɔn, u b'o ɲɔgɔn le kɛra ele la fana.