Sam fɔlɔ 7:2 - ALA KA KUMA

² Kabini Ala ka layidu taamasiɲɛ kɛsu sera Kiriyatayimu dugu kɔnɔ, waati caaman tun tɛmɛna, saan mugan tun tɛmɛna. O tuma na, Isirayɛlidenw bɛɛ sɔrɔla ka kule Masaba nɔɔ fɛ.

Jula NT of Côte d’Ivoire

² Ayiwa, jɛnɲɔgɔnya kɛsu tagara bla Kiriyati Yeharimu ka wagatijan kɛ yi; a ka san mugan le kɛ yi. O kɔ, Izirayɛlimɔgɔw bɛɛ lajɛnnin nana kɛ kasi ye ka Matigi Ala ta jɛnɲɔgɔnya ɲini.

Sam fɔlɔ 7:2 Iomraidhean Croise

Lok fɔlɔ 13:3

An be taga an ka Ala ka layidu taamasiɲɛ kɛsu ta ka na n'a ye an fɛ. Bari an tun ma janto a la Sayuli ka tile la.»

Lok fɔlɔ 13:5

O la, Dawuda ye Isirayɛlidenw bɛɛ lajɛn, k'a ta Ezipiti mara daan na, worodugu fɛ, fɔɔ ka na se Lebowamati, kɔgɔdugu fɛ, janko ka taga Ala ka layidu taamasiɲɛ kɛsu ta Kiriyati Yarimu ka na n'a ye.

Yeremi 26:20

Cɛɛ dɔ fana tun ye kiraya kɛ Masaba tɔgɔ la. Semayawu dencɛ Uriyawu tun lo ka bɔ Kiriyati Yoyarimu. Zeremi tun ye kirayakuma min fɔ dugu nin, ani jamana nin halakiko la, ale fana y'o koo kelen fɔ.

Yeremi 3:13

Aw ka sɔn aw filiyɔrɔ ma: Aw murutira ne Masaba aw ka Ala ma. Aw tun bolibolila lonanw ka joow kɔ yirituw bɛɛ kɔrɔ. O la, aw ma mɛnni kɛ ne fɛ. Ne Masaba ko ten.

Yeremi 31:9

U kasitɔ bena na. U ka daalili kosɔn, ne be bila u ɲa ka taga n'u ye jiyɔrɔw la. Ne bena taga n'u ye sira dakɛɲɛnin kan, u tena talon min kan. Bari, ne ye Isirayɛli faa ye, Efarayimu ye n dencɛ fɔlɔ ye.

Matiyu 5:4

Mɔgɔ minw be kasira, olu dagamunin lo, bari Ala bena u dusu saalo.

Yosuwe 9:17

O la, Isirayɛlidenw ye sira ta ka taga se u ka duguw la tile sabanan loon na, u ka dugu minw tun ye Gabaŋɔn ni Kefira ni Berɔti ani Kiriyatayimu ye.

Kititigɛbagaw 2:4

Masaba ka mɛlɛkɛ y'o kuma nunu fɔ ka ban tuma min na Isirayɛlidenw bɛɛ ye, u kasira kosɔbɛ.

Sam fɔlɔ 7:1

Kiriyatayimukaw nan'a ta, ka t'a bila Abinadabu ka soo kɔnɔ tintin kan. O kɔ, u y'a dencɛ Eleyazari woloma k'o don a kɔlɔsibaara la.

Sam fɔlɔ 7:3

Samuyɛli y'a fɔ u bɛɛ ye ko: «N'a kɛra ko aw sɔnna Masaba ma tugu n'aw dusu bɛɛ ye, aw ka *Asitarite, ni siya wɛrɛw ka joo tɔw ta k'o fili, k'aw yɛrɛ di Masaba ma, k'ale kelen bato. N'aw y'o kɛ, a bena aw bɔsi filisiw bolo.»