Sam fɔlɔ 7:10 - ALA KA KUMA

¹⁰ Tuma min na Samuyɛli tun be saraka jɛnita nin bɔra, filisiw gwɛrɛla janko ka Isirayɛlidenw kɛlɛ. Nga Masaba y'a kɛ saan pɛrɛnna u kan kosɔbɛ o loon na, k'u hakili ɲagami. U barika dɛsɛra Isirayɛlidenw ɲakɔrɔ.

Jula NT of Côte d’Ivoire

¹⁰ Tuma min na Samawilu tun bɛ sagaden kɛra saraka jɛnita ye, Filisikaw nana ko o bɛna Izirayɛlimɔgɔw kɛrɛ. Matigi Ala ka sanpɛrɛnkanba dɔ jigi Filisikaw kunna o lon na, fɔ ka o bɛɛ hakiri wuri ka o ɲagami ɲɔgɔn na. A kɛra ten, Izirayɛlimɔgɔw sera o ra ka o bɛɛ kɛrɛ.

Sam fɔlɔ 7:10 Iomraidhean Croise

Zaburu 18:15

A y'a ka biɲɛw bon ka ne juguw yɛrɛkɛ. A y'a kɛ saan manamanana kosɔbɛ k'u jɛnsɛn.

Zaburu 29:3

Masaba kaan be mɛnna jii sanfɛ, nɔɔrɔtigi Ala be pɛrɛn i ko saan, Masaba pɛrɛnkan be mɛnna jiba sanfɛ.

Zaburu 29:4

Masaba be kumana ni setigiya ye, a be kumana kuntigiya la.

Zaburu 78:66

A y'a juguw bugɔ. A y'u dɔgɔya, dɔgɔya min te ban.

Jakariya 4:6

A y'a fɔ ne ye ko: «Fitinɛ manayɔrɔ wolonwula nunu ye Masaba ɲadenw le ye. U be dugukolo mumɛ bɛɛ le kɔlɔsira.» Ne y'a ɲininga tugu ko: «Olivuyiri fila minw be fitinɛ kinibolo n'a numanbolo la, olu kɔrɔ ye mun ye?» Ne y'a ɲininga tugu ko: «Olivubolo fila minw be bolo sanulaman fila nunu gɛrɛfɛ, tulu be tɛmɛ minw kɔnɔ, o kɔrɔ ye mun ye?» A ye n jaabi ko: «I ma olu kɔrɔ lɔn wa?» Ne ko: «Ayi, matigi.» O la, a y'a fɔ n ye ko: «Mɔgɔ fila minw wolomana ka tulu kɛ u kuun na waasa u ka baara kɛ Matigi, dugukolo Masa ye, olu lo.» Masaba y'a fɔ Zorobabɛli ye ko: «Baara min b'i bolo, e fanga tena se k'o kɛ, i yɛrɛ seko fana tɛ, fɔɔ ne ka Nii. Ne Masaba, Setigi le ko ten. Ele kuluba min be Zorobabɛli ɲafɛ, i be se k'a bali wa? I bena kɛ yɔrɔ dakɛɲɛnin ye. A bena Alabatoso laban kabakuru la tuma min na, u ben'a fɔ soo nin ma: A ka ɲi! A ka ɲi!» Masaba kumana ne fɛ ko: «Zorobabɛli bolo le ye Alabatoso nin juu sigi, ale lo ben'a laban.» Aw ben'a lɔn o fɛ ko Masaba, Setigi le ye ne ci aw fɛ. Baara min daminɛtɔ lo dɔɔni dɔɔni, mɔgɔ man kan k'o lɔgɔbɔ. U ka kan ka nisɔndiya le ka Alabatoso lɔko ye Zorobabɛli bolo.

Sariya 28:7

«N'aw juguw wilila aw kama, Masaba ben'a kɛ aw be se u kɔrɔ. U bena na aw kama sira kelen fɛ, ka boli aw ɲa ka taga ni sira wolonwula ye.

Yosuwe 10:10

Masaba y'a kɛ amoriw barika dɛsɛra Isirayɛlidenw kɔrɔ, Isirayɛlidenw y'u kɛlɛ ka se u kɔrɔ kosɔbɛ, k'u gwɛn ka bɔ Gabaŋɔn ka tugu u kɔ Bɛtorɔn sira kan ka taga u faga fɔɔ Azeka ni Makeda faan fɛ.

Kititigɛbagaw 4:15

Masaba y'a kɛ Baraki sera Sizera n'a ka kɛlɛdenw kɔrɔ ni murujan ye k'u gwɛn n'u ka wotorow bɛɛ ye fɔɔ Sizera yɛrɛ jigira ka bɔ a ka wotoro kɔnɔ ka to ka boli seen na.

Kititigɛbagaw 5:20

Ka lolow to sankolo la, olu ye kɛlɛ kɛ, k'o to sanfɛ, u ye Sizera kɛlɛ.

Kititigɛbagaw 5:8

U tun tugura joow kɔ, kɛlɛ fana wilila, k'a sɔrɔ nigɛkunbɛnnan ni taman yɛrɛ ma sɔrɔ Isirayɛliden mɔgɔ waa bi naani fɛ.

Sam fɔlɔ 12:17

Tilemanawaati te nin ye wa? Ne bena Masaba daali, a ben'a kɛ saan be pɛrɛn, sanji be ben. O la, aw ben'a lɔn ko aw ye masacɛ ɲini minkɛ, aw ye kojuguba kɛ Masaba ɲakɔrɔ.»

Sam fɔlɔ 14:15

Siranya ye kɛlɛdenw minɛ, ni mɔgɔ minw tun be kongoduguw la ani jamanadenw bɛɛ. Kɛlɛden minw tun bɔra cɛnni kama, ani kɔlɔsilikɛbagaw fana siranna. Dugukolo yɛrɛyɛrɛla. U tun siranna kosɔbɛ.

Sam fɔlɔ 2:10

Minw ye Masaba juguw ye, olu bena halaki, k'a to sankolo la, a b'a to saan be pɛrɛn u kama. A bena diɲɛ bɛɛ kiti. A ye mɔgɔ min sigi masaya la, a be fanga di ale ma, a ye masacɛ min woloma, a be barika don ale la.»

Sam fɔlɔ 7:11

Isirayɛli jama bɔra Misipa k'u gwɛn, k'u faga fɔɔ ka taga se Bɛtikari gɛrɛfɛ.