Sam fɔlɔ 6:12 - ALA KA KUMA

¹² Misiw ye Bɛtisɛmɛsi sira minɛ ka tilen n'u be taga n'a ye ka to ka kasi, u ma faran kinibolo fɛ walima numanbolo fɛ. Filisiw ka ɲamɔgɔw tugura u kɔ fɔɔ ka taga se Bɛtisɛmɛsi mara daan na.

Jula NT of Côte d’Ivoire

¹² Misiw sinna Bɛti Semɛsi dugu sira ma. O kasitɔ tora ka taga o sira kelen le fɛ; o ma jɛngɛ ka taga o numanboro fɛ walama o kininboro fɛ. Filisikaw ta kuntigiw gbanna o kɔ ka taga se fɔ Bɛti Semɛsi dugu dan ma.

Sam fɔlɔ 6:12 Iomraidhean Croise

Mas fɔlɔ 4:9

Dɛkɛri dencɛ tun be Makasi ni Salibimu ani Bɛtisɛmɛsi, ni Elɔnbɛtanan kunna.

Bɔri 8:15

Lɔnnikɛlaw y'a fɔ Ezipiti masacɛ ye ko: «Nin ye Ala ka baara nɔɔ ye dɛ!» O bɛɛ n'a ta, ka kɛɲɛ ni Masaba ka kuma fɔnin ye, masacɛ dusu gwɛlɛyanin tora, a ma sɔn ka mɛnni kɛ Musa ni Arɔn fɛ.

Jateri 20:19

Isirayɛlidenw y'a fɔ a ye ko: «An bena tɛmɛ ni siraba ye. Ni anw, walima an ka begɛnw ye i ka jii dɔ min, an ben'o sara. An b'a fɛ ka taama ka tɛmɛ seen na dɔrɔn, koo wɛrɛ t'a la.»

Yosuwe 15:10

ka bɔ Baala ka gɔngɔrɔ ka taga tileben fɛ *Seyiri kulu faan na, ka taga tɛmɛ Yeyarimu kulu gɛrɛfɛ kɔgɔdugu ɲafan fɛ, min ye Kezalɔn kulu ye, ka bɔ yen ka jigi Bɛtisɛmɛsi, ani ka tɛmɛ Timuna,

Sam fɔlɔ 6:11

U ye Masaba ka layidu taamasiɲɛ kɛsu bila wotoro kan, ni kɛsu dɔ nin, ɲinanjaw ni kookoo falennin jaa minw dilanna ni sanu ye be min kɔnɔ.

Sam fɔlɔ 6:13

Bɛtisɛmɛsikaw tun be sumantigɛ la kɔkɛnɛ na. U ko u be filɛli kɛ, u ye Ala ka layidu taamasiɲɛ kɛsu natɔ ye, u nisɔndiyar'a kosɔn.

Sam fɔlɔ 6:9

Aw ka to k'a kɔlɔsi. N'a ye sira minɛ min be taga Bɛtisɛmɛsi faan na a ka jamana na, o kɔrɔ ko Masaba le tun ye nin kojuguba kɛ an na. N'o ma kɛ, an ben'a faamu ko ale bolo tun te an kan, ko tɔɔrɔ nin sera an ma dɔrɔn.»