Sam fɔlɔ 5:4 - ALA KA KUMA

⁴ Dugusagwɛ tugu, u wilila sɔgɔmada joona ka Dagɔn nin bennin ye duguma, Masaba ka layidu taamasiɲɛ kɛsu ɲafɛ. A kuun n'a bolow tun kari la ka taga ben soo daa la, a tun tora a juu dama.

Jula NT of Côte d’Ivoire

⁴ O dugusagbɛ flanan, o wurira sɔgɔmada joona fɛ, ka Dagɔn bennin ye tuun k’a ɲa biri dugu ma Matigi Ala ta jɛnɲɔgɔnya kɛsu ɲa fɛ. Dagɔn kun ni a boro fla karira ka bɔ a ra, ka o ben jobon dakun kan; a kulugutu dɔrɔn le tun tora ten.

Sam fɔlɔ 5:4 Iomraidhean Croise

Ezayi 27:9

A kɛra ten, Isirayɛlidenw ka kojugu bɛɛ bena yafa u ma. U ka hakɛw yafako bena na ni fɛɛn min ye, o filɛ: U bena sɔnnikɛyɔrɔw kabakuruw bɛɛ mugumugu i ko u be bɔgɔgwɛ kɛ cogo min na. *Asera jaa si tutunin tena ye tugu, wusulan jɛniyɔrɔ si tena to yen.

Ezayi 40:20

Ni see te mɔgɔ min ye k'o ɲɔgɔn kɛ, ale bena lɔgɔ ɲanaman le ɲini min ma sɔgɔsɔgɔ, ka lɛsɛnikɛla ɲanaman ɲini, a be joo dilan min be lɔ ka ɲa.

Yeremi 10:11

«Aw ben'a fɔ u ye ko: Batofɛn minw ma sankolo ni dugukolo dan, olu bɛɛ bena tunu ka bɔ diɲɛ na.»

Yeremi 10:14

Mɔgɔ bɛɛ be nalo, u te foyi faamu. Numuw bɛɛ be maloya u ka joow kama. Bari u ka joow ye namarafɛnw le ye, niin t'u la.

Yeremi 10:15

Fɛɛn fufafuw lo, baara lo kuun te min na. N'u ka kitiwaati sera, u bena tunu.

Yeremi 50:2

«Aw k'a wango la k'a fɔ siyaw cɛma, aw k'a yira ni taamasiɲɛ ye. Aw k'a fɔ, aw kan'a si dogo. Aw k'a fɔ ko: ‹Babilɔni minɛna, u ka joo Bɛli maloyara, u ka joo Maraduki hakili ɲagamina. U ka joow maloyara, u ka joow hakili ɲagamina.›

Daniyɛli 11:8

A bena u ka batofɛn nigɛlamanw ta, n'u ka minansɔbɛw, warigwɛlaman ni sanulamanw, ka taga n'u ye Ezipiti jamana na. Ale ni kɔgɔdugu ɲafan fɛ masacɛ tena se ɲɔgɔn ma tugu saan damani kɔnɔ.

Mise 1:7

A ka joow bɛɛ bena ci, a ka tɔnɔ bɛɛ bena jɛni. Ne ben'a ka jaaw bɛɛ halaki. Bari, o bɛɛ sɔrɔla kakalaya la. U do bena kɛ kakalamusow ka sara ye.»

Sam fɔlɔ 6:5

Aw ka kookoo falennin jaaw ni ɲinan jaaw dilan minw be jamana cɛnna, ka boɲa la Isirayɛli ka Ala kan. N'a sɔrɔ a ben'a bolo bɔ aw, n'aw ka batofɛnw ni aw ka jamana kan.