Sam fɔlɔ 4:9 - ALA KA KUMA

⁹ Aw filisiw k'aw jaa gwɛlɛya ka kɛ cɛɛw ye, janko aw fana kana tila ka kɛ Eburu nunu ka jɔɔnw ye, i n'a fɔ olu kɛra aw ta ye cogo min na. Aw k'aw yɛrɛ kɛ cɛɛw ye ka kɛlɛ kɛ!»

Jula NT of Côte d’Ivoire

⁹ Ayiwa, an Filisikaw, an ye jija, ka kɛ cɛw ye; ni o tɛ, Heburuw le bɛna o ta fanga sigi an kunna, i n’a fɔ an tun ka an ta fanga sigi olugu kunna cogo min na. O ra an ye an yɛrɛ kɛ cɛw ye ka o kɛrɛ!»

Sam fɔlɔ 4:9 Iomraidhean Croise

Sam 2nan 10:12

Jija, an k'an ka jagwɛlɛya yira an ka siya kosɔn, ani an ka Ala ka duguw kosɔn. Fɛɛn min ka di Masaba ye, a bena o le kɛ.»

Ezayi 14:2

Siya dɔw bena u kunbɛn ka taga n'u ye u faso la. U bena kɛ u ka jɔɔnw ye, cɛɛ fara muso kan, Masaba ka dugukolo kan. Mɔgɔ minw tun y'u minɛ, u bena olu minɛ k'u bila u fɛ. Mɔgɔ minw tun y'u tɔɔrɔ, u bena tila ka kɛ olu kuntigiw ye.

Ezayi 33:1

Ele min b'a la ka halakili kɛ, n'i ma halaki fɔlɔ, bɔnɛ y'i ta ye! Ele min be to ka mɔgɔw janfa, ni mɔgɔ ma i janfa ka ye fɔlɔ, bɔnɛ y'i ta ye! N'i ye halakili kɛ ka ban tuma min na, e fana bena halaki. N'i ye mɔgɔw janfa ka ban tuma min na, u bena e fana janfa.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɔbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Kititigɛbagaw 10:7

O la, Masaba dimina, a y'u don filisiw ni amoniw bolo.

Kititigɛbagaw 13:1

Isirayɛlidenw ye kojugu kɛ Masaba ɲakɔrɔ tugu. Masaba y'u don filisiw bolo saan bi naani kɔnɔ.

Sam fɔlɔ 14:21

U tun ye eburu minw minɛ ka taga n'u ye ka kɔrɔ, ka olu bila baara la, n'u nana kɛlɛ kɛyɔrɔ la, olu murutira ka tugu Isirayɛlidenw kɔ minw tun be ni Sayuli ni Zonatan ye.

Sam fɔlɔ 4:8

Bɔnɛ ye an ta ye! Jɔn le bena an kisi o batofɛn barikaman nunu ma? Batofɛnw lo minw ye Ezipitikaw tɔɔrɔ ni tɔɔrɔ sifa bɛɛ ye kongokolon kɔnɔ.